13:59 21.05.2024
«Երիտասարդական քաղաքականության մասին» ՀՀ օրենքի նախագիծը մշակող աշխատանքային խումբն անցկացրել է իր ամփոփիչ նիստը, որը նախագահել է ԿԳՄՍ նախարարի տեղակալ Արթուր Մարտիրոսյանը:
Աշխատանքային խումբը կազմված է պետական հատվածի, ոլորտում փորձագիտական գործունեության փորձառություն ունեցող հասարակական կազմակերպությունների, քաղաքացիական հասարակության կառույցների և միջազգային կազմակերպությունների ներկայացուցիչներից:
Ողջունելով ներկաներին՝ նախարարի տեղակալ Արթուր Մարտիրոսյանը նշել է, որ մեր երկրում առաջին անգամ է մշակվում երիտասարդության բնագավառը կարգավորող օրենք, որի առաջնային նպատակը պետք է լինի պարզաբանել և սահմանել երիտասարդական բնագավառին վերաբերող մի շարք հարցեր: Նախագծի մշակման նպատակով ՀՀ ԿԳՄՍ նախարարությանը, համագործակցելով աշխատանքային խմբի հետ, մինչև այս իրականացրել է մի շարք քայլեր, ուսումնասիրել միջազգային փորձը:
«Մեր նպատակն է ունենալ ոլորտը կարգավորող հիմնարար օրենք, որտեղ բոլոր հասկացությունները պետք է հնարավորինս պարզ, ճիշտ և հիմնավոր լինեն՝ հասկանալի և ընկալելի ինչպես երիտասարդների, այնպես էլ հասարակության մյուս անդամների համար»,- ասել է ԿԳՄՍ նախարարի տեղակալ Արթուր Մարտիրոսյանը:
«Երիտասարդական քաղաքականության մշակում» ԵՄ-ԵԽ երիտասարդական համագործակցության ծրագրի շրջանակում ձևավորված հայկական պատվիրակությունը Մոլդովայի Քիշնև ու Պորտուգալիայի Ֆարո քաղաքներում մասնակցել է դասընթացների, որոնց ընթացքում, որպես հայաստանյան պատվիրակության ծրագիր, ներկայացվել է «Երիտասարդական քաղաքականության մասին» ՀՀ օրենքի նախագիծը: ՀՀ պետական երիտասարդական քաղաքականության իրավական հիմքերի կատարելագործմանն ուղղված քայլերի շրջանակում իրականացվել են նաև ճանաչողական այցեր Լատվիայի Հանրապետություն և Լիտվայի Հանրապետություն՝ ուսումնասիրելու այդ երկրներում ոլորտը կարգավորող օրենսդրությունները:
Հանդիպման ընթացքում քննարկվել են ՀՀ 10 մարզերի 20 համայնքներում և Երևանում իրականացված «Երիտասարդության քաղաքականության մասին» ՀՀ օրենքի նախագծի քննարկումներին մասնակցած երիտասարդների՝ օրենքի նախագծի վերաբերյալ դիտարկումները, առաջարկությունները և մտահոգությունները:
Աշխատանքային խմբի անդամները մանրամասն անդրադարձել են բարձրացված բոլոր հարցերին, տվել համապատասխան պարզաբանումներ, որոնք վերաբերել են երիտասարդի տարիքային նոր շեմի սահմանմանը, երիտասարդական ծրագրին, երիտասարդական քաղաքականության սուբյեկտներին, նրանց իրավունքներին, պարտականություններին և լիազորություններին:
Հանդիպմանը ներկա են եղել նաև ՀՀ ԿԳՄՍՆ Երիտասարդության հարցերի վարչության պետ Զառա Ասլանյանը, նախարարության այլ ներկայացուցիչներ:
Նշենք նաև, որ «Երիտասարդության քաղաքականության մասին» ՀՀ օրենքի նախագիծը կլրամշակվի աշխատանքայի խմբի կողմից և առաջիկայում կներկայացվի հանրային քննարկման:
17:54 09.06.2025
Զիդանը նշել է պատմության մեջ տեխնիկապես ամենաօժտված ֆուտբոլիստինՀամաշխարհային ֆուտբոլի լեգենդ Զինեդին Զիդանը նշել է պատմության մեջ տեխնիկապես ամենաօժտված ֆուտբոլիստին։ Զիդանը առանձնացրել է իր հայրենակից Թիերի Անրիին։ «Ռոնալդինյոն յուրահատուկ ֆուտբոլիստ է, բայց Թիերի Անրին, թերևս, տեխնիկապես ամենաօժտված ֆուտբոլիստն է, ով երբևէ ներկայացրել է ֆուտբոլը»,-Զիդանի խոսքերն է մեջբերում Give me Sport-ը, փոխանցում է armsport.am-ը: Անրին հանդես է եկել «Արսենալում», «Բարսելոնայում», «Յուվենտուսում» և այլ ակումբներում։ […] ...
17:43 09.06.2025
Վագոն-տնակում թմրանյութ է հայտնաբերվել. երիտասարդը ձերբակալվել էՀամայնքային ոստիկանության Աշտարակի բաժնի ծառայողները տեղեկություններ էին ստացել, որ Ուջան գյուղի 24-ամյա բնակիչը կանեփի թփեր է աճեցնում, պահում և օգտագործում է մարիխուանա: Հունիսի 5-ին նա հենց Ուջանում ձերբակալվել և տեղափոխվել է բաժին: Նախաձեռնվել է քրեական վարույթ, որի շրջանակում կատարված զննությամբ վագոն-տնակում հայտնաբերվել է մոտ 16 գրամ մարիխուանա, իսկ այգում՝ կանեփի բույսեր։ Նախաքննությամբ հանգամանքները պարզվում են: […] ...
17:34 09.06.2025
ՀՀ ԱԳ նախարարի տեղակալը հանդիպել է Գերմանիայի շրջակա միջավայրի դաշնային նախարարության խորհրդարանական պետքարտուղարի հետՀունիսի 9-ին Նիսում անցկացվող Օվկիանոսի հարցերով ՄԱԿ 3-րդ համաժողովի շրջանակներում ՀՀ ԱԳ նախարարի տեղակալ Ռոբերտ Աբիսողոմոնյանը հանդիպել է Գերմանիայի շրջակա միջավայրի, բնության պահպանության և միջուկային անվտանգության դաշնային նախարարության խորհրդարանական պետքարտուղար Ռիտա Շվարցելյուր-Զուտտերի հետ: Հանդիպմանը մասնակցել է նաև ՀՀ վարչապետի գլխավոր խորհրդական, COP-17-ի կազմկոմիտեի նախագահ Համբարձում Մաթևոսյանը: Հանդիպմանն անդրադարձ է կատարվել 2026թ. Հայաստանում կայանալիք ՄԱԿ Կենսաբանական […] ...
17:27 09.06.2025
Որպես անհետ կորած որոնվող 52-ամյա տղամարդը հայտնաբերվել էՀունիսի 3-ին հաղորդվել էր 1973 թվականին ծնված, Գյումրու բնակիչ Արմեն Հ․-ի անհետ կորելու մասին։ Նախաձեռնվել էր քրեական վարույթ: Քրեական ոստիկանության Արմավիրի մարզային վարչության ծառայողների ձեռնարկած միջոցառումների արդյունքում տղամարդը հունիսի 8-ին Էջմիածնի Զվարթնոց թաղամասում հայտնաբերվել և ներկայացվել է։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական […] ...
17:20 09.06.2025
Երևանի քաղաքապետարանն առաջարկում է վերանայել «Վեոլիա ջրի» հետ պայմանագրային հարաբերություններըԵրևանի քաղաքապետարանը նամակ է ուղարկել կառավարությանը և Ջրային կոմիտեին՝ առաջարկելով վերանայել «Վեոլիա ջրի» հետ պայմանագրային հարաբերությունները: Այս և այլ թեմաների մասին զեկուցել են այսօրվա գործակարգավարականի ընթացքում: Մանրամասները՝ ռեպորտաժում: ...
