17:36 02.09.2024
ՀՀ կրթության, գիտության մշակույթի և սպորտի նախարարի տեղակալ Դանիել Դանիելյանն այսօր այցելել է Չայկովսկու անվան երաժշտական միջնակարգ դպրոց, որտեղ մասնակցել է ուսումնական տարվա մեկնարկին նվիրված միջոցառմանը:
Դանիել Դանիելյանը շնորհավորել է ներկաներին՝ տեղեկացնելով, որ այս տարին նախարարությունը հայտարարել է՝ որպես մշակութային կրթության տարի:
«Սա նշանակում է, թե որքանով է պետությունը կարևորում մշակութային կրթությունը, և մշակույթն ու արվեստը որքան կարևոր բաղադրիչ են կրթության ոլորտում: Չկա կրթություն՝ առանց մշակույթի և արվեստների, և հակառակը՝ չկա մշակույթ՝ առանց կրթության: Այս մասնագիտացված դպրոցի տանիքի ներքո տասնամյակներ շարունակ կրթվել են մեր լավագույն երաժիշտները, և սա ևս մեկ առիթ է՝ հիշեցնելու, որ պետք է անխոնջ աշխատել կրթության ուղղությամբ՝ ունենալու նոր խաչատրյաններ, նոր բաբաջանյաններ և նոր անուններ՝ մեր երկրի մշակույթը հզորացնելու և հանրահռչակելու համար»:
Նախարարի տեղակալն առանձնահատուկ շնորհավորել է առաջին դասարանցիներին.
«Դպրոցն այն վայրն է, որը հաճախ անվանում ենք երկրորդ տուն, և հենց այստեղ եք դուք ձեռք բերում գիտելիքներ, այստեղ դուք ունեք բազմիցս սխալվելու իրավունք, ապա վեր կենալու և շարունակելու ձեր անձնական ու պրոֆեսիոնալ կյանքի պատմությունը»:
Դանիել Դանիելյանը նաև շնորհակալություն է հայտնել ուսուցիչներին և ծնողներին՝ ներդրած ջանքերի և նվիրյալ աշխատանքի համար:
«Հարգելի՛ ուսուցիչներ, վստահ եմ, որ երբեմն քաջալերության կարիք ունեք, սակայն մոռանում եք ինքներդ ձեզ և ոտքի եք կանգնում՝ կերտելու այն քաղաքացուն, որը ձեզ վստահել է իր երեխայի կրթությունը:
Սիրելի՛ ծնողներ, շատ կարևոր և առաջնային է նաև ձեր դերը, առանց որի՝ հնարավոր չէ կրթել լավ աշակերտ և դաստիարակել գիտակից քաղաքացի»:
Նախարարի տեղակալը նաև կոչ է արել ներկաներին ակտիվ մասնակցել մշակութային կրթության տարվան:
Ուսումնական տարվա մեկնակի շրջանակում ԿԳՄՍ նախարարի տեղակալ Դանիել Դանիելյանն այցելել է նաև Երևանի պարարվեստի պետական քոլեջ և Երևանի թատրոնի և կինոյի պետական ինստիտուտ և շնորհավորել առաջին կուրսեցիներին:
Այցի ընթացքում նախարարի տեղակալը դիտել է Երևանի թատրոնի և կինոյի պետական ինստիտուտի բարձր կուրսի ուսանողների բեմադրած թատերական ներկայացումը: Նշենք, որ այսօր նախատեսվում է նաև բուհի այս տարվա շրջանավարտների դիպլոմների հանձնման արարողությունը:
09:50 01.05.2025
ՄԱԿ-ը հայտնել է, որ Գազայում երեխաների 92%-ը չունի հիմնական սնունդԳազայի հատվածում 6 ամսականից մինչև 2 տարեկան նորածինների ավելի քան 90%-ին հասանելի չէ հիմնական սնունդը: Այս մասին, ինչպես հաղորդում է WAFA պաղեստինյան լրատվական գործակալությունը, հայտարարել է պաղեստինյան տարածքներում ՄԱԿ-ի հումանիտար հարցերի համակարգման գրասենյակը։ Ըստ այդմ՝ Իսրայելի շարունակվող շրջափակման և անցակետերի փակման հետևանքով Գազայի հատվածում թերսնվածության պատճառով բուժվող երեխաների թիվը 2025 թվականի մարտի համեմատ աճել է […] ...
09:40 01.05.2025
ԱՄՆ-ը և Ուկրաինան համաձայնագիր են ստորագրել Վերակառուցման ներդրումային հիմնադրամ ստեղծելու մասինԱՄՆ-ի և Ուկրաինայի միջև օգտակար հանածոների վերաբերյալ գործարքի կնքումը նպատակ ունի ցույց տալ Վաշինգտոնի հավատարմությունը ուկրաինական ճգնաժամի կարգավորման խաղաղ գործընթացին։ Այս մասին ասված է ԱՄՆ ֆինանսների նախարար Սքոթ Բեսենտի հայտարարության մեջ։ «Այս համաձայնագիրը հստակ ուղերձ է ուղարկում Ռուսաստանին, որ Թրամփի վարչակազմը հավատարիմ է խաղաղ գործընթացին, որը կենտրոնացած է ազատ, ինքնիշխան և երկարաժամկետ բարգավաճ Ուկրաինայի վրա։ […] ...
09:35 01.05.2025
Թրամփը հայտնել է, որ ավելի քան 100 երկրներ բանակցում են ԱՄՆ-ի հետ առևտրային գործարքների շուրջԱՄՆ նախագահ Դոնալդ Թրամփը հայտարարել է, որ ավելի քան 100 երկրներ, այդ թվում՝ Հնդկաստանը, Ճապոնիան և Կորեայի Հանրապետությունը, քննարկում են Միացյալ Նահանգների հետ առևտրային գործարքները։ Այս թվերը նա հայտնել է չորեքշաբթի NewsNation հեռուստաալիքի եթերում։ «Մենք արդեն ունենք հարյուրից ավելի երկրներ, որոնք մեզ զանգահարում են առավոտյան, կեսօրին և գիշերը՝ հույս ունենալով գործարք կնքել»,-ասել է ամերիկացի առաջնորդը։ […] ...
09:33 01.05.2025
Աշխատանքն այն հիմնաքարն է, որի վրա կառուցվում է ինչպես մեր անձնական, ընտանեկան բարեկեցությունը, այնպես էլ պետության առաջընթացն ու բարգավաճումը․ ՀՀ նախագահՆախագահ Վահագն Խաչատուրյանը շնորհավորական ուղերձ է հղել Աշխատանքի օրվա կապակցությամբ, որում ասված է․ «Սիրելի հայրենակիցներ, Հարգելի աշխատավորներ, Ջերմորեն շնորհավորում եմ բոլորիդ Մայիսի 1-ի՝ Աշխատանքի և աշխատավորի միջազգային օրվա կապակցությամբ: Այս օրը մեզ հնարավորություն է տալիս գնահատելու և արժևորելու աշխատանքի դերը մեր կյանքում, հասարակության զարգացման մեջ և պետականության ամրապնդման գործում: Աշխատանքն այն հիմնաքարն է, որի վրա […] ...
09:30 01.05.2025
Հնդկաստանը հայտնել է Պակիստանի կողմից վերահսկողության գծում կրակային ռեժիմի հերթական խախտման մասինՀնդկաստանը հաղորդել է Պակիստանի կողմից կրակային ռեժիմի հերթական խախտման մասին հսկողության գծի երկայնքով Հնդկական միության Ջամու և Քաշմիրի տարածքի սահմանային տարածքում: Այս մասին հայտնել է Հնդկաստանի պաշտպանության նախարարության հասարակայնության հետ կապերի բաժնի ներկայացուցիչ, փոխգնդապետ Սունիլ Բարթվալը։ «2025 թվականի ապրիլի 30-ի լույս մայիսի 1-ի գիշերը Պակիստանի բանակի դիրքերը փոքր զենքերից կրակ են բացել վերահսկողության գծի վրայով […] ...
09:20 01.05.2025
Մեծ Բրիտանիայում տեղի կունենան տարածաշրջանային ընտրություններՄայիսի 1-ին Մեծ Բրիտանիայում տեղի կունենան տարածաշրջանային ընտրություններ՝ ցույց տալով Մեծ Բրիտանիայի քաղաքական կուսակցությունների իրական ժողովրդականությունը համընդհանուր ընտրություններից գրեթե ութ ամիս անց: Ընտրատեղամասերը կբացվեն տեղական ժամանակով 07:00-ին և բաց կլինեն մինչև 22:00-ը, իսկ առաջին արդյունքները կհրապարակվեն ուրբաթ երեկոյան: Ընդհանուր առմամբ, ընտրությունների արդյունքը, որին մասնակցելու իրավունք ունի 13,7 միլիոն բրիտանացի, կորոշի 1600 մանդատի ճակատագիրը Անգլիայի 23 […] ...
