12:12 05.11.2024
ՀՀ ԱԺ մշտական հանձնաժողովների համատեղ նիստերում շարունակվել են 2025 թվականի բյուջետային քննարկումները:
Տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության ու Ֆինանսավարկային եւ բյուջետային հարցերի մշտական հանձնաժողովների համատեղ նիստում նոյեմբերի 5-ին քննարկվել են տարածքային կառավարման, շրջակա միջավայրի, գյուղատնտեսության ու ջրային տնտեսության ոլորտներում, համայնքներին տրվող դոտացիաների ու պատվիրակված լիազորությունների իրականացման հարցում գալիք տարվա ընթացքում նախատեսված հատկացումները:
ՀՀ ֆինանսների նախարար Վահե Հովհաննիսյանը նախ ներկայացրել է հիմնական ֆինանսական հատկացումները:
Էկոնոմիկայի նախարարության գյուղատնտեսության ոլորտի ծախսերի համար 2024 թվականին նախատեսված է եղել 44 մլրդ 522 մլն դրամ, իսկ 2025 թվականին` 43 մլրդ 10 մլն դրամ` 1 մլրդ 512 մլն դրամով պակաս նախորդ տարվա հատկացումից: Նախարարի խոսքով հիմնական նվազեցումներն ընթացիկ ծախսերի գծով են, իսկ կապիտալ ծախսերի գծով կա ավելացում:
Շրջակա միջավայրի նախարարության հատկացումներում կա էական ավելացում: Նախորդ տարվա բյուջեով 9 մլրդ 792 մլն դրամ էր նախատեսված, իսկ 2025 թվականի բյուջեի նախագծով պլանավորվել է 13 մլրդ 471 մլն դրամ:
Տարածքային կառավարման եւ ենթակառուցվածքների նախարարության պետական գույքի կառավարման ծախսերը ներկայացնելով` Վահե Հովհաննիսյանը նշել է, որ ոչ ֆինանսական ակտիվների օտարումից մուտքերը նախատեսված են 15 մլրդ դրամ, իսկ ծախսերը` 2 մլրդ 470 մլն դրամ: Նախարարը տեղեկացրել է, որ հիմնական գումարն ավիացիոն ծառայությունների մատուցման մասով է: Ներկայացվել են նաեւ վերոնշյալ նախարարության ջրային տնտեսության ծախսերը: 2025 թվականին նախատեսված է 195 մլրդ դրամ, որը 2024 թվականի համեմատ ավելի է 4 մլրդ 808 մլն դրամով: Գումարի հիմնական մասը տեղական ինքնակառավարման մարմիններին տրվող դոտացիաներն են: Դրանք 2024 թվականին կազմել են 85 մլրդ 314 մլն դրամ, 2025 թվականին այդ գումարն ավելացել է 12 մլրդ դրամով: «Սա բանաձեւով հաշվվող գումար է, մեր համախմբված բյուջեի 4 տոկոսն է կազմում եւ 2025 թվականին կազմելու է 98 մլրդ 205 մլն դրամ»,- պարզաբանել է նախարարը:
Հարցուպատասխանի ձեւաչափում անդրադարձ է եղել գյուղատնտեսության ոլորտում հատկացումների նվազմանը, ջրային տնտեսության ոլորտում ֆինանսական միջոցների ծախսման ուղղություններին, ոռոգման ջրի կորստի խնդրին ու այս համատեքստում բավարար չափով ֆինանսավորման կարեւորությանը, անտառային տնտեսություններում առկա կարիքների պատշաճ սպասարկման համար հատկացումներին, ոռոգման համակարգի վերանորոգման առաջնահերթությանը եւ այլ խնդիրների:
20:25 18.06.2025
Սրբուհի Գալյանը ներկա է եղել ՀՀ-ում Քեմբրիջի դպրոցի աշակերտների ավարտական ցերեկույթինԱրդարադատության նախարար Սրբուհի Գալյանը` որպես պատվավոր հյուր, Հայաստանի Հանրապետությունում Քեմբրիջի դպրոցի հրավերով, ներկա է գտնվել աշակերտների ավարտական ցերեկույթին։ Այս մասին հայտնել են արդարադատության նախարար ությունից: Միջոցառումը կազմակերպվել էր ի պատիվ ավարտական դասարանի աշակերտների՝ նշելու նրանց դպրոցական կյանքի կարևոր փուլի ավարտը։ Միջոցառումն անցել է ջերմ և հուզիչ մթնոլորտում՝ ուղեկցվելով երաժշտական ելույթներով, տեսաշարերով և աշակերտների շնորհակալական խոսքերով։ […] ...
20:14 18.06.2025
«Ինտերը» չի կարողացել հաղթել մեքսիկական ակումբին․ԱԱԱԱշխարհի ակումբային առաջնության առաջին տուրում E խմբում «Ինտերն» ու մեքսիկական «Մոնտերեյը» մեկական գոլ են փոխանակել: Միլանցիների մեկնարկային կազմում էր Հենրիխ Մխիթարյանը, որը փոխարինվել է 78-րդ րոպեին: Այս խմբի մյուս խաղում «Ռիվեր Փլեյթը» հաղթել էր «Ուրավային»: ...
19:54 18.06.2025
Շարունակվում են «Դպրոցականների բասկետբոլի լիգա» մարզական խաղերըՍպորտի կառավարման կենտրոնի ենթակայությամբ գործող «Միկա» մարզահամալիրում շարունակվում են ՀՀ վարչապետի հովանու ներքո անցկացվող «Դպրոցականների բասկետբոլի լիգա» մարզական խաղերի փլեյ-օֆֆ փուլի հանդիպումները: Մրցումային երկրորդ օրը գրանցվել են հետևյալ արդյունքները՝ 5-6-րդ դասարանների թիմեր Լոռի՝ Վանաձորի N 4 հիմ. դպրոց – Շիրակ՝ Արթիկի N 1 հիմ․ դպրոց՝ 26:33 Լոռի՝ Լեռնահովիտի դպրոց – Կոտայք՝ Եղվարդի N 3 հիմ․ […] ...
19:46 18.06.2025
Հայաստանը օգնում է Իրանում գտնվող հայերի և այլ երկրների քաղաքացիների տարհանմանը. ԱԳ նախարարԻրան-Իսրայել հակամարտությունը առնվազն այս պահի դրությամբ շարունակաբար թեժանում է։ «Արմենպրես»-ի հաղորդմամբ՝ ԱԺ-ում կառավարության հարցուպատասխանի ժամանակ այս մասին ասել է Արտաքին գործերի նախարար Արարատ Միրզոյանը։ «Ցավոք, մենք տեսնում ենք, որ Իրան-Իսրայել հակամարտությունը այս պահի դրությամբ շարունակաբար թեժանում է։ Հայաստանի դիրքորոշումը տարածաշրջանային խաղաղության հարցում միշտ եղել է հստակ՝ մենք եղել ենք խաղաղության ջատագով, բայց տեսնում ենք, որ […] ...
19:35 18.06.2025
Մահվան ելքով վրաերթ՝ ԵրևանումԱյսօր՝ հունիսի 18-ին, մահվան ելքով վրաերթ է տեղի ունեցել Երևանում: Ժամը 16:50-ի սահմաններում Արագածոտնի մարզի բնակիչ 26-ամյա Հենրիկ Գ.-ն իր վարած «Ford Transit» մակնիշի ավտոմեքենայով Սեբաստիա փողոցում վրաերթի է ենթարկել Երևանի բնակիչ 73-ամյա Ռուզան Հ.-ին: Վրաերթի հետևանքով ավտոմեքենան դուրս է եկել երթևեկելի գոտուց և հայտնվել հետիոտնի համար նախատեսված մայթին: Ինչպես հայտնում է shamshyan.com-ը, վարորդը փախուստի […] ...
