12:44 06.04.2018
«Հայաստանում չկա պետական կառույց, որը զբաղվում է սպառողների իրավունքների պաշտպանությամբ»,- լրագրողների հետ զրույցում ասել է «Իրազեկ և պաշտպանված սպառող» հասարակական կազմակերպության նախագահ Բաբկեն Պիպոյանը, որը եկել էր մասնակցելու ԱՊՀ անդամ-երկրների Սպառողների իրավունքների պաշտպանության խորհրդատվական խորհրդի 14-րդ նիստին:
Բաբկեն Պիպոյանը կարևորեց, որ պետական կառույցները սկսել են ընդունել այն խնդիրները, որոնք իրականում շուկայում առկա են: «Նախ չունենք որակի կառավարման համակարգ ընդհանրապես, այսինքն՝ չունենք որևէ պետական կառույց, որը որակի նկատմամբ հսկողություն է իրականացնում: Ինչ վերաբերում է սննդի վերահսկողությանը, ապա անգամ պետական վերահսկողությունն է փաստում, որ առաջին հերթին ստուգվում է անվտանգությունը: Այսինքն, թե յուղայնությունը որքան էր, սոյայի պարունակությունը ինչքան էր, դա երկրորդ պլան է մղվում: Որակի կառավարման մարմին չկա»,- նշեց Պիպոյանը:
Բաբկեն Պիպոյանը նաև ավելացրեց, որ մեզ պետք է խիստ վերահսկողություն և մենք չպետք է սպասենք դժբախտ դեպքերի և նոր միայն հետևանքները վերացնենք:
«Մի տիպիկ օրինակ բերեմ. 10 օր առաջ, երբ Ռուսաստանում հրդեհ եղավ, մենք սկսեցինք քննարկել, թե ինչպիսին է մեր առևտրի կետերում իրավիճակը: Ես մտածում էի՝ Աստված չանի, եթե սա լինի հիվանդանոցում, մանկապարտեզում, մենք սկսելու էինք քննարկել, թե ինչպիսին է վիճակը մանկապարտեզում: Ընդամենը դրանից 10 օր հետո ունեցանք «Բուրգերում» պայթյունը, սկսեց հետաքրքրել, թե ինչպիսին է վիճակը հանրային սննդի կետերում: Պետք չէ սպասել դժբախտ դեպքերի, նոր մտածենք, տեսնենք մեր խնդիրները: Պետք է տեսնենք մեր խնդիրները, սկսենք արագ լուծել, կանխարգելել և ո´չ թե հետևանքները վերացնել»,- նշեց նա:
22:09 30.04.2025
Զեդորֆն առաջարկում է փոխել «Ոսկե գնդակի» ձևաչափըՆիդերլանդների հավաքականի նախկին ֆուտբոլիստ Կլարենս Զեդորֆը կարծիք է հայտնել «Ոսկե գնդակի» նշանակության մասին: «Ինչո՞ւ է «Ոսկե գնդակն» այդքան կարևոր: Չեմ կարծում, որ այն ցուցիչ է ու արտացոլում է իրականությունը: Նախկինում, գուցե, այդպես եղել է, երբ քվեարկում էին մարզիչներն ու ֆուտբոլիստները: Չնայած՝ այդ դեպքում էլ յուրաքանչյուրն ընտրում էր իր թիմակցին, ոչ թե՝ լավագույնին: Կարծում եմ՝ մրցանակը […] ...
21:54 30.04.2025
Անահիտ Ավանեսյանն այցելել է պոլիկլինիկաներ և դեղատներ՝ տեղում լսելու քաղաքացիների դիտարկումները դեղերի փոխհատուցման պիլոտային ծրագրի մասինԱռողջապահության նախարար Անահիտ Ավանեսյանը Ֆեյսբուքի իր էջում հայտնել է, որ երեկ այցելել է պոլիկլինիկաներ և դեղատներ՝ տեղում լսելու քաղաքացիների դիտարկումները դեղերի փոխհատուցման պիլոտային ծրագրի մասին: «Նախ շնորհակալ եմ մեր քաղաքացիներին անկեղծ ու կառուցողական մոտեցման և պատրաստակամության համար: Այս ծրագրի նպատակը մարդկանց ընտրության հնարավորություն տալն է, որ ոչ թե մենք մի տեսակի դեղ գնենք մրցույթով և […] ...
21:37 30.04.2025
Շվանիձոր-Նռնաձոր-ՀՀ սահման ճանապարհին կատարվելու են պայթեցման աշխատանքներՃանապարհային դեպարտամենտ հիմնադրամից հայտնել են, որ Շվանիձոր-Նռնաձոր-ՀՀ սահման ավտոճանապարհի շինարարական աշխատանքներով պայմանավորված՝ մայիսի 1-ին՝ ժամը 12.00-ից 16.00-ի սահմաններում, կատարվելու են պայթեցման աշխատանքներ։ Հարակից բնակավայրերի բնակիչներին հորդորում ենք չանհանգստանալ։ ...
21:25 30.04.2025
Կայացել է Երևանում անցկացվելիք վոլեյբոլի Եվրոպայի Մ16 առաջնության վիճակահանությունըԵրևանում հուլիսի 23-ից օգոստոսի 3-ը կանցկացվի վոլեյբոլի Եվրոպայի մինչև 16 տարեկան տղաների առաջնությունը, որին Հայաստանի ու ևս 15 երկրի ներկայացուցիչներ կմասնակցեն: Արդեն տեղեկացրել ենք, որ Հայաստան կժամանեն Ֆրանսիայի, Լեհաստանի, Իտալիայի, Հունգարիայի, Լատվիայի, Չեխիայի, Թուրքիայի, Բուլղարիայի, Իսպանիայի, Ուկրաինայի, Ավստրիայի, Հունաստանի, Սերբիայի, Սլովենիայի և Ռումինիայի պատվիրակները: Կայացել է առաջնության վիճակահանությունը, որի արդյունքներով Հայաստանի հավաքականի ենթախմբում ընդգրկվել են […] ...
21:09 30.04.2025
Պեսկովը հաստատել է Սի Ծինփինի մասնակցությունը Մոսկվայում մայիսի 9-ի տոնակատարություններինՉինաստանի Ժողովրդական Հանրապետության նախագահ Սի Ծինփինը մայիսի 9-ին Մոսկվայում կմասնակցի Հաղթանակի 80-ամյակի տոնակատարությանը։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։ «Մենք սպասում ենք Չինաստանի առաջնորդին։ Նախագահ Սի Ծինփինը առանձին այց կունենա։ Մենք մեծ նշանակություն ենք տալիս այցին և պատրաստվում ենք դրան», – ասել է Կրեմլի ներկայացուցիչը։ Ավելի վաղ Ռուսաստանի նախագահ Վլադիմիր Պուտինը […] ...
