21:24 26.12.2024
Լիտվայի նախագահ Գիտանաս Նաուսեդան և արտաքին գործերի նախարար Կեստուտիս Բուդրիսը ՆԱՏՕ-ին կոչ են արել միջոցներ ձեռնարկել ծովային ենթակառուցվածքները պաշտպանելու համար՝ Բալթիկ ծովում սուզանավային մալուխների վնասման հետ կապված միջադեպերից հետո:
Չորեքշաբթի օրը Ֆինլանդիայի և Էստոնիայի միջև EstLink 2 էլեկտրահաղորդման գիծը խափանվել է, հաղորդում է ֆիննական Fingrid էլեկտրացանցային ընկերությունը: Անսարքության պատճառն անհայտ է։ Ֆինլանդիայի ոստիկանությունը հայտնել է, որ իրենք հետաքննում են, թե արդյոք արտասահմանյան բեռնատար նավը ներգրավված է հոսանքի մալուխի կտրման մեջ: Ըստ Ֆինգրիդի՝ անջատման պահին մալուխի մոտ երկու նավ է եղել։
«Ծովային ենթակառուցվածքների պաշտպանությունը պետք է բարձրացվի ինչպես ՆԱՏՕ-ի մակարդակով, այնպես էլ երկկողմ՝ որպես Բալթիկ ծովում համագործակցության առանցքային առաջնահերթություն»,- գրել է Նաուսեդան սոցիալական ցանցերում։
Լիտվայի նախագահի խոսքով՝ Բալթյան երկրներում մալուխների խզման դեպքերն «այլևս պատահականություն չեն թվում»։
«Բալթիկ ծովում ստորջրյա միջադեպերի աճող թիվը, որոնք ազդում են կարևոր ենթակառուցվածքների վրա, պետք է ծառայեն որպես խիստ և հրատապ նախազգուշացում ինչպես ՆԱՏՕ-ին, այնպես էլ ԵՄ-ին։ Պետք է ներգրավվեն ՆԱՏՕ-ի, միջազգային և տարածաշրջանային անվտանգության ձևաչափերի շրջանակներում բոլոր մեխանիզմները: Անհրաժեշտ է նաև քննարկել ծանծաղ ծովերում նավարկության նորացված կանոնները»,-գրել է Բուդրիսը սոցցանցում։
Նա հավելել է, որ Լիտվան կապի մեջ է Էստոնիայի և Ֆինլանդիայի գործընկերների հետ՝ կապված EstLink2 մալուխի միջադեպի հետ և պատրաստ է աջակցել հետաքննությանը։
Ներկայումս Էստոնիայի և Ֆինլանդիայի միջև կա երկու էլեկտրական միացում․ 350 ՄՎտ հզորությամբ EstLink 1-ը գործարկվել է 2006 թվականին, իսկ 650 ՄՎտ հզորությամբ EstLink 2-ը՝ 2014 թվականին։ EstLink 2-ը բաղկացած է փոխարկիչ կայաններից Էստոնիայում և Ֆինլանդիայում և ավելի քան 170 կիլոմետր DC գծերից, որոնցից մոտավորապես 145 կիլոմետրը գտնվում է ջրի տակ:
Ֆիննական Cinia Oy օպերատորը նոյեմբերի 18-ին հայտնել է, որ Ֆինլանդիայի և Գերմանիայի միջև C-Lion1 ստորջրյա հեռահաղորդակցման մալուխը վնասվել է և չի աշխատում: Ավելի ուշ լիտվական և շվեդական լրատվամիջոցները հայտնել են, որ վնասվել է նաև Շվեդիայի և Լիտվայի միջև ստորջրյա հաղորդակցության մալուխը, և Շվեդիայի իշխանությունները հետաքննություն են իրականացնում։ Ֆինլանդիայի կենտրոնական քրեական ոստիկանությունը հետաքննում է C-Lion1 մալուխի խզումը: Շվեդիայի դատախազությունը նախաքննություն է սկսել վնասի վերաբերյալ՝ այն որակելով որպես դիվերսիա։
16:30 22.05.2025
Ֆրանսիայի հավաքականի հայտացուցակը՝ Ազգերի լիգայի կիսաեզրափակիչ խաղի համարՖրանսիայի հավաքականի գլխավոր մարզիչ Դիդյե Դեշամը հրապարակել է թիմի հայտացուցակն Ազգերի լիգայի կիսաեզրափակչում Իսպանիայի հավաքականի դեմ հունիսի 5-ին կայանալիք խաղի համար: Դարպասապահներ. Մայք Մենյան, Բրիս Սամբա, Լյուկա Շեվալյե, Պաշտպաններ. Լուկա Դին, Թեո Էռնանդես, Լուկա Էռնանդես, Իբրահիմա Կոնատե, Լոիկ Բադե, Մալո Գյուստո, Պյեր Կալուլու, Բենժամեն Պավար, Կլեման Լանգլե, Կիսապաշտպաններ. Մատեո Գենդուզի, Կուադիո Կունե, Ադրիեն Ռաբիո, Վորեն […] ...
16:24 22.05.2025
Կապանի 34-ամյա բնակիչն ապօրինի պահում և օգտագործում էր թմրամիջոցներՀամայնքային ոստիկանության Եղեգնաձորի բաժնի ծառայողները ստացել էին տեղեկություն, որ Կապանի բնակիչ 34-ամյա տղամարդն ապօրինի պահում և օգտագործում է թմրամիջոցներ: Օպերատիվ տվյալն իրացվեց մարզի պարեկների աջակցությամբ: Մայիսի 15-ին՝ ժամը 20:05-ին, երբ 34-ամյա կապանցին ընկերոջ վարած «Ֆորդ» մակնիշի ավտոմեքենայով գտնվում էր Գետափ գյուղի մոտակայքում։ Նա ձերբակալվեց, իսկ մեքենան տեղափոխվեց պահպանվող հատուկ տարածք: Կապանցու խուզարկությամբ հայտնաբերվեց մարիխուանայի նմանվող […] ...
16:16 22.05.2025
Փոխվարչապետ Տիգրան Խաչատրյանն ընդունել է ԱԶԲ հայաստանյան գրասենյակի տնօրենինՀՀ փոխվարչապետ Տիգրան Խաչատրյանն այսօր ընդունել է ԱԶԲ հայաստանյան գրասենյակի տնօրեն Դոնալդ Լամբերտին: Հանդիպման ընթացքում մտքեր են փոխանակվել երկկողմ համագործակցության ներկայիս շրջանակի, ինչպես նաև առաջիկա տարիների համագործակցության առաջնահերթ ուղղությունների վերաբերյալ: Այս համատեքստում մանրամասն անդրադարձ է կատարվել դպրոցների սեյսմիկ անվտանգության բարելավմանն ուղղված համատեղ աշխատանքներին: Մասնավորապես, կարևորելով այս ուղղությամբ ձևավորված համագործակցության շարունակականությունը՝ զրուցակիցներն արձանագրել են, որ այն […] ...
16:08 22.05.2025
Ողբերգական ավտովթար՝ Գեղարքունիքի մարզում. բախվել են «UAZ Patriot»-ն ու «Kia»-նԱյսօր՝ մայիսի 22-ին, խոշոր ու ողբերգական ավտովթար է տեղի ունեցել Գեղարքունիքի մարզում: Ժամը 14:50-ի սահմաններում Սևան-Մարտունի-Գետափ ավտոճանապարհի 39 կմ հատվածում ճակատ ճակատի բախվել են «UAZ Patriot» և «Kia» մակնիշի ավտոմեքենաները: Ինչպես հայտնում է shamshyan.com-ը, 1 հոգի տեղում մահացել է, 3 հոգի տարբեր աստիճանի մարմնական վնասվածքներով տեղափոխվել է «Գավառ» բժշկական կենտրոն: Իրավապահները պարզում են վարորդների, մահացածի […] ...
16:00 22.05.2025
Նախատեսվում է դադարեցնել ընտանի տեսակի կենդանի խոզերի՝ Հայաստանի տարածք ներմուծման ժամանակավոր քանակական սահմանափակումըԳործադիրի որոշմամբ նախատեսվում է դադարեցնել ընտանի տեսակի կենդանի խոզերի՝ Հայաստանի տարածք ներմուծման ժամանակավոր քանակական սահմանափակումը։ Դա թույլ կտա կարգավորել հանրապետության ներքին շուկայում խոզի մսի առաջարկ-պահանջարկ համամասնությունը։ ...
15:52 22.05.2025
2025թ. 1-ին եռամսյակում տրամադրվել է օտարերկրյա պետություններում վավերական ՀՀ քաղաքացու 448 անձնագիրԳործադիրն ընդունել է համապատասխան որոշում՝ առանց պետտուրք գանձելու օտարերկրյա պետություններում ՀՀ քաղաքացու անձնագրեր տրամադրելու վերաբերյալ: Ըստ հիմնավորման՝ օտարերկրյա պետություններում վավերական ՀՀ քաղաքացու անձնագիր տալու կամ փոխանակելու համար պետական տուրքի վճարումից ազատվում են ազգությամբ հայ այն օտարերկրյա քաղաքացիները կամ ՀՀ քաղաքացիները, որոնց մշտական բնակության վայրում (օտարերկրյա պետությունում) ստեղծվել է այնպիսի արտակարգ իրավիճակ, որը սպառնում է քաղաքացիների […] ...
