13:29 20.01.2025
ՆԳ նախարարի տեղակալներ Արմեն Ղազարյանն ու Արմեն Մկրտչյանը հունվարի 17-ին մասնակցել են ՄԱԿ-ի Զարգացման ծրագրի «Դիմակայունություն բոլորի համար» նախաձեռնության շրջանակում կազմակերպված «Արդյունքների առաջխաղացման ուղին, հյուրընկալող համայնքների և փախստականների դիմակայունության ամրապնդում» խորագրով ամփոփիչ միջոցառմանը։
Ներկա էին Նորվեգիայի Թագավորության դեսպանության, ՄԱԿ-ի Զարգացման ծրագրի, Ազգային ժողովի, շահագրգիռ նախարարությունների ներկայացուցիչներ, համայնքների ղեկավարներ ու կամավորներ։
Ողջույնի խոսքով հանդես են եկել ԱԺ նախագահի տեղակալ Հակոբ Արշակյանը, Հայաստանում Նորվեգիայի Թագավորության արտակարգ և լիազոր դեսպան Բերգլյոտ Հովլանդը և Հայաստանում ՄԱԶԾ մշտական ներկայացուցիչ Նաթիա Նացվլիշվիլին։
Արմեն Ղազարյանն ամփոփել է Ծրագրի շրջանակում ՆԳ նախարարության կողմից համայնքների դիմակայունության ամրապնդման և ԼՂ բռնի տեղահանված անձանց փաստաթղթավորման կարգի դյուրացման ուղղությամբ կատարված աշխատանքները, մասնավորապես, փաստացի հաշվառման և ժամանակավոր պաշտպանության վկայականների տրամադրման թվայնացումը։
Աղետների ռիսկի կառավարման համատեքստում՝ Արմեն Ղազարյանն առանձնացրել է Մասիս համայնքում կամավորական ջոկատների ձևավորումը, վաղ ազդարարման համակարգերի արդիականացումը և հանրության իրազեկվածության բարձրացումը։
Ընդգծելով Ծրագրի ներառականության բաղադրիչը՝ փոխնախարարը կարևորել է ԼՂ բռնի տեղահանված բնակչության և նրանց ընդունող համայնքների կարիքների համապարփակ մոտեցումը։
Արմեն Ղազարյանը շնորհակալություն է հայտնել բոլոր գործընկերներին և հույս հայտնել, որ առաջիկա ծրագրերը կներառեն ՆԳ նախարարության գործառույթների զարգացումն ու թվայնացման գործընթացի ընդլայնումը։
Գրանցված արդյունքների և առկա ձեռքբերումների վերաբերյալ տեղեկատվությամբ կիսվել են նաև Ազգային ժողովի և շահագրգիռ այլ նախարարությունների ներկայացուցիչները։
Միջոցառման ավարտին տեղի է ունեցել մրցանակների հանձնում։
Վկայականներ են ստացել շահառու այն համայնքների ղեկավարները, որտեղ Ծրագրի շրջանակում ուժեղացվել են ավագանու և աշխատակազմի կարողությունները։
ՆԳ նախարարի տեղակալ Արմեն Մկրտչյանը վկայականներ է հանձնել Մասիս համայնքի կամավորներին։
Վկայականներ են հանձնվել նաև իրավաբանական օգնություն տրամադրողներին, իսկ այն համայնքների ղեկավարներին, որտեղ նախագծվել և գործարկվել են նորարարական համայնքային ոլորտային ծառայություններ. շնորհվել են տրանսպորտային միջոցներ։
Փակման խոսքում Նաթիա Նացվլիշվիլին շնորհակալություն է հայտնել մասնակիցներին` արդյունավետ համագործակցության համար։
ՄԱԿ-ի Զարգացման ծրագրի «Դիմակայունություն բոլորի համար» նախաձեռնությունն իրականացվել է Նորվեգիայի կառավարության ֆինանսավորմամբ՝ ՀՀ կառավարության և ԱԺ հետ համագործակցությամբ։
18:55 23.07.2025
ՃՏՊ Եղվարդ-Զովունի ավտոճանապարհին
18:50 23.07.2025
Գեղարքունիքի մարզի որոշ հասցեներում 24 ժամ ջուր չի լինի«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված, ս.թ. հուլիսի 24-ին ժամը 07.00-ից մինչև հուլիսի 25-ի ժամը 07.00-ն կդադարեցվի Գեղարքունիքի մարզի՝ Սևան քաղաքի Իսակով, Ազատության, Գայի, Գ. Նժդեհ, Մարզպետունու, Նավավարներ, Կոմիսարներ, Պ.Սևակ, Սունդուկյան, Խորհուրդներ, Փափազյան, Էներգետիկներ, Խաղաղության, Գրիբոյեդով, Գործարանային, Կոմիտաս, Բաբաջանյան, Սայաթ-Նովա, Սարգիս Սևանեցի, Ֆրանսիական, Ձկնորսներ փողոցների, Նաիրյան փողոց 168-189 […] ...
18:42 23.07.2025
Միքայել Աջապահյանի գործով նախաքննությունն ավարտվել էՔննիչը 23.07.2025թ. ծանուցմամբ Միքայել Աջապահյանի պաշտպաններին տեղեկացրել է, որ նախաքննությունն ավարտվել է: Վարույթի նյութերի ծանոթացումը կազմակերպվելու է 24.07.2025թ.: «Քննիչը մեղադրական եզրակացությունը վարույթի նյութերի հետ միասին հսկող դատախազին է հանձնելու: Մեղադրական եզրակացությամբ վարույթի նյութերն ստանալուց հետո՝ յոթ օրվա ընթացքում, հսկող դատախազն ընդունելու է որոշում մեղադրական եզրակացությունը հաստատելու մասին, որից հետո վարույթի նյութերի հետ հանձնելու է իրավասու […] ...
18:41 23.07.2025
Ինդոնեզիայում 5.5 մագնիտուդ երկրաշարժ է տեղի ունեցելԻնդոնեզիայի արևելյան ափին տեղի է ունեցել 5,5 մագնիտուդով երկրաշարժ, հայտնում է Եվրոպական-Միջերկրածովյան Սեյսմոլոգիական Կենտրոնը: Սեյսմոլոգների տվյալներով՝ երկրաշարժը գրանցվել է UTC-ի ժամանակով ժամը 08:25-ին՝ 355 հազար բնակչություն ունեցող Ամբոն քաղաքից մոտավորապես 200 կիլոմետր հեռավորության վրա։ Օջախը գտնվել է 15 կիլոմետր խորության վրա։ Զոհերի կամ ավերածությունների մասին հաղորդագրություններ չեն եղել։ ...
18:30 23.07.2025
Սարգիս Ադամյանը կարող է տեղափոխվել Գերմանիայի 3-րդ դիվիզիոնի ակումբԳերմանիայի Բունդեսլիգան ներկայացնող «Քյոլնի» հարձակվող Սարգիս Ադամյանը կարող է տեղափոխվել «Օսնաբրյուկ», հայտնում է գերմանական NOZ-ը: 32-ամյա հարձակվողը բանակցություններ է վարում գերմանական ակումբի հետ: Հավանականությունը մեծ է, որ առաջիկա օրերին գործարքը կկայանա: «Օսնաբրյուկը» հանդես է գալիս Գերմանիայի երրորդ դիվիզիոնում: Ադամյանը 2025 թվականի հունվարից վարձակալությամբ խաղում էր 2-րդ Բունդեսլիգայում՝ «Յան Ռեգենսբուրգի» կազմում: Հուլիսի 1-ին լրացել է վարձակալական […] ...
18:17 23.07.2025
Քննչական կոմիտեի նախագահ Արթուր Պողոսյանն ընդունել է ՀՀ-ում Հնդկաստանի դեսպանինՀայաստանի Հանրապետության քննչական կոմիտեի նախագահ Արթուր Պողոսյանն ընդունել է ՀՀ-ում Հնդկաստանի արտակարգ և լիազոր դեսպան Նիլակշի Սահա Սինհային: Արթուր Պողոսյանը ողջունել է Նիլակշի Սինհային ՀՀ քննչական կոմիտեում՝ ընդգծելով երկու երկրների իրավապահ մարմինների միջև ձևավորված համագործակցությունը, որը հիմնված է փոխադարձ հարգանքի և բարեկամության վրա: Դեսպանը շնորհակալություն է հայտնել հանդիպման նախաձեռնության համար և վստահեցրել, որ երկկողմ համագործակցությունն […] ...
18:10 23.07.2025
Թմրանյութ իրացնող օտարերկրացի երիտասարդը ձերբակալվել էՀուլիսի 21-ին Համայնքային ոստիկանության Նոր Նորքի բաժնի ծառայողները Գայի պողոտայում ձերբակալել և իր վարած «Տոյոտա» մակնիշի ավտոմեքենայով հանդերձ բաժին են տեղափոխել 29-ամյա մի օտարերկրացու։ Նրա խուզարկությամբ հայտնաբերվել է 45 գրամից ավելի մարիխուանա։ Ձերբակալվածը հայտնել է, որ այն իրացնելու նպատակով ձեռք է բերել տելեգրամյան ալիքի միջոցով։ Հետագա միջոցառումներով պարզվել է նրա՝ արդեն տեղադրած փաթեթներից մեկի տեղը։ […] ...
