12:27 24.02.2025
Վիեննայում անցկացվող ԵԱՀԿ ԽՎ ձմեռային նստաշրջանի ընթացքում ելույթ է ունեցել ԵԱՀԿ ԽՎ-ում ՀՀ ԱԺ պատվիրակության անդամ, ԱԺ «Հայաստան» խմբակցության պատգամավոր Լիլիթ Գալստյանը:
«Հարգելի’ գործընկերներ,
Բոլորս նոր աշխարհակարգի ձեւավորմանն ականատես ենք, ինչը միջազգային կազմակերպությունների կառուցվածքի, ռազմավարության եւ մեխանիզմների վերատեսություն է ենթադրում:
Իմ երկրում շատերն են կասկածի տակ դնում միջազգային կազմակերպությունների, այդ թվում` ԵԱՀԿ-ի եւ նրա ԽՎ-ի ազդեցությունն ու հեղինակությունը` համարելով, որ այն հեռացել է իր` մեր հայտարարված արժեքներից եւ պարտավորություններից:
Պետք է անկեղծ լինենք եւ բարձրաձայնենք, որ գնալով խորանում է մեր հռետորաբանության եւ իրականության, խոստումների եւ իրական գետնի վրա գործադրված քաղաքականության միջեւ խզումը, ինչը ծնում է հուսահատություն եւ հիասթափություն:
Լեռնային Ղարաբաղի հայ ազգաբնակչության` էթնիկ հայերի բռնի, ուժի գործադրմամբ տեղահանումից երկու տարի է անցել: Անտեսելով միջազգային տարբեր կառույցների բանաձեւերն ու միջազգային դատարանի որոշումները` Ադրբեջանն իրականացրել է էթնիկ զտման գործողություն` հարկադրելով բնիկ բնակչությանը` ավելի քան 120.000 հայերի լքել իրենց նախնիների երեքհազարամյա հայրենիքը:
ԵԱՀԿ Մինսկի խումբը եւ այլ միջազգային կազմակերպություններ ձախողել են` պատասխանատվության չենթարկելով Ադրբեջանին ցեղասպանական գործողությունների, միջազգային իրավունքի կոպիտ խախտման համար: Որեւէ քայլ չի ձեռնարկվել Լեռնային Ղարաբաղից տեղահանված բնակչության անվտանգ վերադարձը երաշխավորելու համար: Իսկ մինչ այդ Ադրբեջանը շարունակում է վերացնել տարածաշրջանի հայկական մշակութային եւ կրոնական ժառանգությունը, հայկական ինքնությունը:
Դժվար է հավատալ, որ ցեղասպանությունները մեր ժամանակներում դարձել են «նոր բնական իրողություններ»:
Այսօր, փակ դռների ետեւում, միջազգային մարդասիրական բոլոր իրավունքների ոտնահարմամբ Բաքվում տեղի է ունենում հայ գերիների եւ Լեռնային Ղարաբաղի ռազմաքաղաքական ղեկավարության շինծու դատավարությունը:
Իրավական պաշտպանության բոլոր իրավունքները խիստ խոչընդոտված են: Կան հիմնավոր զեկույցներ խոշտանգումների եւ տարրական իրավական պաշտպանության մերժման մասին:
Ելնելով վերոհիշյալից` կոչ եմ անում իմ հարգարժան գործընկերներին` Մարդու իրավունքների զեկուցողին եւ Հարավային Կովկասում հատուկ ներկայացուցչին, անհապաղ եւ անմիջական քայլեր ձեռնարկել այս ուղղությամբ:
Սա պայքար է հանուն մարդու համընդհանուր հիմնարար իրավունքների` արժանապատվության եւ ազատության իրավունքի:
Ադրբեջանին անպատիժ թողնելը հարված է միջազգային իրավական համակարգին եւ արդարադատությանը:
Ցանկանում եմ հատկապես ընդգծել Բաքվում ԵԱՀԿ ԽՎ դիտորդական խումբ գործուղելու հրատապությունը` դիտարկելու Ադրբեջանում մարդու իրավունքներն ու, մասնավորապես, Լեռնային Ղարաբաղի պետական եւ ռազմական ղեկավարության ապօրինի ազատազրկումը: Այս ուղղությամբ ուղարկվել են համապատասխան նամակներ:
Ես խորապես հավատում եմ, որ արդյունավետ եւ բարոյական քաղաքականության հիմքում հայտարարված սկզբունքների ու նպատակադրումների հավատարմությունն է:
Շնորհակալություն»,- իր ելույթում ասել է Լիլիթ Գալստյանը:
15:50 10.07.2025
6,6 մլն դրամ կտրամադրվի Լոռու և Տավուշի մարզերում հեղեղումների պատճառով աղետի գոտիներում գյուղատնտեսության ոլորտում բնակչությանը պատճառված վնասի աջակցության տրամադրում միջոցառմանըԳործադիրի որոշմամբ Լոռու և Տավուշի մարզերում 2024 թվականի մայիսի 25-26-ը առաջացած արտակարգ իրավիճակի հետևանքով հայտարարված աղետի գոտիների տարածքների այն բնակիչներին, որոնք գյուղատնտեսության ոլորտում կրել են վնասներ, սակայն տարբեր պատճառներով չեն օգտվել փոխհատուցման կարգով սահմանված օժանդակությունից՝ կրած վնասի դիմաց տրամադրվող փոխհատուցման համար կապահովվի ֆինանսավորում։ Որոշմամբ Հայաստանի Հանրապետության պետական բյուջեի ծախսերն՝ ըստ մարզերից ստացված նախնական տեղեկատվության, գնահատվում […] ...
15:41 10.07.2025
Կենտրոնականի համայնքային ոստիկանները գործարանի հետնամասում զենք-զինամթերք են հայտնաբերելՀուլիսի 9-ի գիշերը ՆԳՆ ոստիկանության օպերատիվ կառավարման կենտրոն զանգահարած քաղաքացին հայտնել է, որ կոնյակի գործարանի հետնամասում զենք-զինամթերք է թողել, որը պատկանում է Արցախյան առաջին պատերազմի մասնակից պապին: Համայնքային ոստիկանության Կենտրոնական բաժնի ծառայողները նշված վայրում հայտնաբերել են տարբեր տրամաչափի փամփուշտներ, պարկուճներ, նռնակ, բռնկիչ և ինքնաշեն ատրճանակ: Հիշեցնենք, որ ապօրինի պահվող զենք-զինամթերքը կամավոր հանձնող անձն ազատվում է […] ...
15:30 10.07.2025
Ֆոն դեր Լայենը չի հավատում, որ ԵՄ-ԱՄՆ հարաբերությունները կվերադառնան նախկին մակարդակինԵվրամիությունը չի հավատում, որ Միացյալ Նահանգների հետ իր հարաբերությունները երբևէ կվերադառնան այն մակարդակին, որը գոյություն ուներ մինչև Դոնալդ Թրամփի՝ Սպիտակ տուն գալը: Այս մասին հայտարարել է Եվրահանձնաժողովի նախագահ Ուրսուլա ֆոն դեր Լայենը՝ ելույթ ունենալով Հռոմում կայացած արդյունաբերական ֆորումում: «Մենք միամիտ չենք և չենք կարծում, որ մեր հարաբերությունները ԱՄՆ-ի հետ կվերադառնան նախկինում եղած մակարդակին», – ասել […] ...
15:18 10.07.2025
Անհայտ կորածների ընտանիքները ևս 2 ամիս կստանան սոցիալական աջակցություն՝ ամսական 300.000 դրամի չափովԿառավարությունը որոշում է կայացրել՝ պայմանավորված 2020 թվականի սեպտեմբերի 27-ից Ադրբեջանի Հանրապետության կողմից Լեռնային Ղարաբաղի ուղղությամբ սկսված պատերազմական գործողությունների հետևանքով քաղաքացիական անձանց շրջանում անհայտ կորածների ընտանիքներին սոցիալական աջակցության տրամադրման շարունակականությունն ապահովելու անհրաժեշտությամբ: Կառավարության 2020 թվականի դեկտեմբերի 3-ի N 1924-Լ որոշմամբ հաստատվել է 2020 թվականի սեպտեմբերի 27-ից Ադրբեջանի Հանրապետության կողմից Լեռնային Ղարաբաղի ուղղությամբ սկսված պատերազմական գործողությունների հետևանքով […] ...
15:06 10.07.2025
Փաշինյանն ու Ալիևը քննարկել են Հայաստան-Ադրբեջան միջպետական հարաբերությունների կարգավորման օրակարգի տարբեր ասպեկտներ2025 թ. հուլիսի 10-ին Հայաստանի Հանրապետության վարչապետը և Ադրբեջանի Հանրապետության նախագահը հանդիպել են Աբու Դաբիում (Արաբական Միացյալ Էմիրություններ) և քննարկել Հայաստան-Ադրբեջան միջպետական հարաբերությունների կարգավորման օրակարգի տարբեր ասպեկտներ: Այս մասին հայտնում են ՀՀ ԱԳՆ-ից։ Կողմերը հաստատել են, որ երկկողմ բանակցությունները հարաբերությունների կարգավորման գործընթացին վերաբերող բոլոր հարցերը հասցեագրելու ամենաարդյունավետ ձևաչափն են, և այդ հիմքով պայմանավորվածություն է ձեռք […] ...
15:03 10.07.2025
Լավրովը և Ռուբիոն հանդիպում են անցկացնում Կուալա ԼումպուրումՌուսաստանի արտաքին գործերի նախարար Սերգեյ Լավրովը և ԱՄՆ պետքարտուղար Մարկո Ռուբիոն հանդիպում են անցկացնում Կուալա Լումպուրում, հաղորդում է «ՌԻԱ Նովոստիի» թղթակիցը։ Այն տեղի է ունենում ԱՍԵԱՆ-ի միջոցառումների շրջանակներում։ Դիվանագետները նախկինում մի քանի անգամ հեռախոսազրույց էին ունեցել և առաջին անգամ անձամբ հանդիպել էին փետրվարին Ռիադում կայացած ռուս-ամերիկյան բանակցությունների ժամանակ։ Այդ ժամանակ կողմերը համաձայնության եկան սկսել երկրների […] ...
