22:48 14.04.2025
ՏՀՏ գործատուների միությունը` ՀՀ բարձր տեխնոլոգիական արդյունաբերության նախարարության, Ձեռնարկությունների ինկուբատոր հիմնադրամի և ITReports-ի հետ միասին ապրիլի 14-ին կազմակերպել էր աշխատաժողով՝ «Բարձր տեխնոլոգիաների ոլորտի պետական աջակցության մասին» և «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» նոր օրենքների շուրջ։
Բանախոսներն էին ՀՀ բարձր տեխնոլոգիական արդյունաբերության նախարարության գլխավոր քարտուղար Դավիթ Գասպարյանը, ITReports-ի համահիմնադիր և տնօրեն Դավիթ Նիկողոսյանը, Ձեռնարկությունների ինկուբատոր հիմնադրամի (EIF) իրավաբան Արամ Խաչատրյանը։
Աշխատաժողովին մասնակցում էին տեխնոլոգիական համայնքի ղեկավարներ, աշխատակիցներ, ներկայացուցիչներ։
ՀՀ բարձր տեխնոլոգիաների արդյունաբերության նախարարության գլխավոր քարտուղար Դավիթ Գասպարյանը ներկայացրել է բարձր տեխնոլոգիական ոլորտի հարկային արտոնությունների և պետական աջակցության օրենքները, որոնք ուժի մեջ են մտել 2025 թվականի հունվարի 1-ից։ Նա ընդգծել է, որ դեռևս օրենքների ընդունման նախնական փուլում պարբերաբար հանդիպումներ են անցկացվել ոլորտի ընկերությունների հետ, մանրակրկիտ քննարկվել են բոլոր առաջարկները և դրանց հիման վրա իրականացվել են համապատասխան փոփոխություններ։ Գասպարյանը նշել է, որ նախարարությունն առաջիկայում ևս բաց է համագործակցության և պատրաստ է անհրաժեշտության դեպքում խմբագրել, վերաշարադրել և շարունակաբար բարելավել ամբողջ օրենսդրական փաթեթը։
Աշխատաժողովի ընթացքում օրենքների վերաբերյալ ընդարձակ և բովանդակալից ելույթով հանդես է եկել EIF իրավաբան Արամ Խաչատրյանը՝ ներկայացնելով օրենքներում ներառված հիմնական դրույթներն ու դրանց կիրառության մեխանիզմները։
Մասնակիցները բազմաթիվ հարցեր են ուղղել բանախոսներին՝ մասնավորապես հետաքրքրվելով, թե ինչպես կարելի է հիմնավորել, որ ծառայություններ մատուցող ընկերությունը զբաղվում է ծրագրավորմամբ, ինչ վերահսկողական մեխանիզմներ են գործարկվելու, ինչպես են կարգավորվելու միաժամանակ ներկայացված մի քանի հայտերի մշակման ընթացակարգերը, և արդյոք մերժման դեպքում հնարավոր է վերադաս մարմնին ներկայացնել նոր դիմում։ Բանախոսները պատասխանել են հարցերին՝ տալով սպառիչ պարզաբանումներ։
Բարձրացվել են նաև մի շարք առաջարկներ՝ մասնագիտական զբաղմունքների դասակարգիչները պաշտոններով փոխարինելու, գրանցման հայտի մեջ մասնագիտական զբաղմունքների վերաբերյալ լրացուցիչ դաշտ ավելացնելու, ինչպես նաև միգրանտների և R&D ոլորտի հետ կապված իրավակարգավորումների վերանայման վերաբերյալ։
Գլխավոր քարտուղար Դավիթ Գասպարյանն իր եզրափակիչ խոսքում նշել է, որ օրենքների կատարելագործման շուրջ քննարկումները շարունակական բնույթ են կրելու, և իրավական ակտերի մշակման ու ընդունման փուլերում քարտեզագրվելու են առկա բացերն ու բացթողումները՝ հաշվի առնելով նաև աշխատաժողովի ընթացքում բարձրաձայնված խնդիրներն ու առաջարկությունները։
Աշխատաժողովն անցել է կառուցողական մթնոլորտում, և կողմերը պայմանավորվել են, որ ԲՏ ոլորտի հարկային արտոնությունների և պետական աջակցության օրենքների շուրջ նման ձևաչափով քննարկումները պետք է դառնան շարունակական։
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
