17:47 14.07.2025
ՀՀ կրթության, գիտության, մշակույթի և սպորտի նախարար Ժաննա Անդրեասյանը այսօր ընդունել է ՄԱԿ-ի բնակչության հիմնադրամի (ՄԱԲՀ) հայաստանյան գրասենյակի տնօրեն Լուսինե Սարգսյանին։ Հանդիպմանը մասնակցել է նախարարի տեղակալ Արթուր Մարտիրոսյանը։
Ողջունելով հյուրին և շնորհավորելով տնօրենի պաշտոնը ստանձնելու կապակցությամբ՝ Ժաննա Անդրեասյանը վստահություն է հայտնել, որ նրա գործունեությունը կնպաստի ՄԱԲՀ-ի հետ արդյունավետ և սերտ համագործակցության զարգացմանը:
Հանդիպման ընթացքում քննարկվել են ՄԱԲՀ-ի առաջիկա ծրագրերի շրջանակում ԿԳՄՍ նախարարության հետ համագործակցության ընդլայնման հնարավորությունները։ Նախարարը կարևորել է ՄԱԲՀ-ի աջակցությունը մի շարք նախաձեռնություններին, մասնավորապես՝ «Երիտասարդական քաղաքականության մասին» ՀՀ օրենքի մշակման, հանրակրթության պետական չափորոշչի փորձարկման, ներդրման և առողջ ապրելակերպի դասավանդման բարելավման ուղղությամբ կատարված աշխատանքներին:
Նշվել է, որ 2020 թվականից ՄԱԲՀ-ը կրթության բարեփոխումների շրջանակում համակարգել է միջազգային գործընկերների (ՅՈՒՆԵՍԿՕ, ՅՈՒՆԻՍԵՖ, ՊՀԾ) աջակցությունը ԿԳՄՍ նախարարությանը` հանրակրթության պետական չափորոշչի շրջանակում: Մասնավորապես՝ աջակցությունն ուղղվել է բազմամասնագիտական փորձագիտական խմբի կողմից առողջ ապրելակերպի ուսումնական ծրագրի և ուսուցիչների ձեռնարկների մշակմանը, Տավուշի մարզում հանրակրթության պետական չափորոշչի փորձարկմանը, այդ թվում՝ ուսուցիչների վերապատրաստման կազմակերպմանը և դասապրոցեսի մոնիտորինգի իրականացմանը: Հիմնադրամն իրականացրել է նաև մրցակցային հիմունքներով ընտրված շուրջ 100 մենթորների վերապատրաստում, որոնք աշխատանք են իրականացրել տարբեր դասարանների ուսումնական ծրագրերի և ձեռնարկների մշակման ուղղությամբ:
Շնորհակալություն հայտնելով ներդրած ջանքերի և կատարած աշխատանքի համար՝ Ժաննա Անդրեասյանն ընդգծել է «Առողջ ապրելակերպ» առարկայի շրջանակում ուսուցիչների մասնագիտական կարողությունների զարգացման կարևորությունը՝ վերապատրաստման դասընթացների կազմակերպմամբ:
ՄԱԲՀ գրասենյակի տնօրեն Լուսինե Սարգսյանը կարևորել է համագործակցությունը կրթության տարբեր մակարդակներում՝ ընդգծելով նաև Հայաստանի բուհերի հետ համատեղ կարողությունների զարգացմանն ուղղված ծրագրերի իրականացումը:
Նշվել է, որ համագործակցության հուշագիր է ստորագրվել Երևանի պետական համալսարանի հետ, որի շրջանակում նախատեսվում է բուհի ժողովրդագրական կենտրոնի հետազոտական կարողությունների զարգացում:
Կարևորելով բարձրագույն ուսումնական հաստատությունների հետ համագործակցությունը՝ նախարար Ժաննա Անդրեասյանն առաջարկել է ծրագրերը մոդուլային ձևաչափով ներկայացնելու և հետագայում դրանք այլ բուհերում ևս ներդնելու հնարավորությունը։ Այս համատեքստում ընդգծվել է նաև բուհերի աշխատակազմերի համար մեթոդական ձեռնարկների պատրաստման և տարածման անհրաժեշտությունը։
Հանդիպման ընթացքում կողմերն անդրադարձել են նաև երկկողմ հետաքրքրություն ներկայացնող մի շարք այլ հարցերի։
23:25 14.07.2025
«Իմ քայլը» հիմնադրամի հոգաբարձուների խորհրդի նիստում ամփոփվել են կիսամյակի արդյունքներն ու իրականացված ծրագրերըՏեղի ունեցավ «Իմ քայլը» հիմնադրամի հոգաբարձուների խորհրդի նիստը, որտեղ ամփոփվեցին կիսամյակի արդյունքներն ու իրականացված ծրագրերը։ Այս մասին նշվում է հիմնադրամի տարածած հաղորդագրության մեջ: «Հաստատվեց «Կրթվելը նորաձև է» շարժման աջակից նոր ծրագիրը` իր բազմաճյուղ նախագծերով, որոնք միտված են անհատի ինքնակրթության խթանմանը: Շուտով կկիսվենք մանրամասներով. սպասեք հայտարարությունների»,- նշվում է հայտարարության մեջ: Մանրամասները՝ տեսանյութում։ ...
23:06 14.07.2025
Մակրոն. Հայաստանի և Ադրբեջանի միջև խաղաղության պայմանագրի հնարավորինս շուտ ստորագրումը կարող է նոր էջ բացել տարածաշրջանի բոլոր ժողովուրդների համարՀայաստանի և Ադրբեջանի միջև խաղաղության պայմանագրի հնարավորինս շուտ ստորագրումը կարող է նոր էջ բացել տարածաշրջանի բոլոր ժողովուրդների, երկրների և դրա սահմաններից դուրս գտնվողների համար։ Այս մասին X-ի իր միկրոբլոգում գրել է Ֆրանսիայի նախագահը: «Ուրախ եմ Փարիզում ողջունել Հայաստանի վարչապետ Նիկոլ Փաշինյանին։ Վերահաստատեցի Ֆրանսիայի աջակցությունը նրա քաջ ջանքերին՝ ուղղված Ադրբեջանի հետ խաղաղության հաստատմանը։ Հայաստանի և Ադրբեջանի […] ...
22:49 14.07.2025
Հայտնի է՝ ինչ պաշտոն կզբաղեցնի Շմիգալը հրաժարականից հետոՈւկրաինայի վարչապետ Դենիս Շմիգալը կստանձնի պաշտպանության նախարարի պաշտոնը իր հրաժարականից հետո, որը սպասվում է առաջիկա օրերին: Համապատասխան ծրագրերի մասին հայտարարել է Վլադիմիր Զելենսկին: «Դենիս Շմիգալի հսկայական փորձը անպայման օգտակար կլինի Ուկրաինայի պաշտպանության նախարարի պաշտոնում. հենց այս ոլորտում է, որ երկիրն այժմ ունի առավելագույն ռեսուրսներ, առավելագույն խնդիրներ և մեծ պատասխանատվություն», – ասել է Զելենսկին իր Telegram […] ...
22:25 14.07.2025
Փաշինյան-Մակրոն հանդիպմանը քննարկվել են Հայաստան-Ֆրանսիա հարաբերությունների օրակարգային մի շարք հարցերԵլիսեյան պալատում տեղի է ունեցել ՀՀ վարչապետ Նիկոլ Փաշինյանի առանձնազրույցը Ֆրանսիայի նախագահ Էմանուել Մակրոնի հետ: Այս մասին հայտնել են ՀՀ կառավարությունից։ Վարչապետը ջերմորեն շնորհավորել է Էմանուել Մակրոնին Ֆրանսիայի ազգային տոնի առիթով և բարեկամ Ֆրանսիային մաղթել բարօրություն և բարգավաճում: Ֆրանսիայի նախագահը շնորհակալություն է հայտնել բարեմաղթանքների համար՝ ընդգծելով Հայաստանի հետ բազմակողմ համագործակցությունը զարգացնելու և խորացնելու իր հանձնառությունը: […] ...
22:19 14.07.2025
Տիգրան Խաչատրյանը մասնակցել է Ֆրանսիայի Հանրապետության Ազգային տոնի առթիվ կազմակերպված միջոցառմանըՓոխվարչապետ Տիգրան Խաչատրյանը մասնակցել է Ֆրանսիայի Հանրապետության Ազգային տոնի առթիվ Ֆրանսիայի դեսպանությունում կազմակերպված հանդիսավոր միջոցառմանը: Այս մասին հայտնել են ՀՀ կառավարությունից։ Փոխվարչապետը Հայաստանի Հանրապետության կառավարության անունից շնորհավորել է բարեկամ Ֆրանսիային և ֆրանսիացիներին Ազգային տոնի առթիվ՝ մաղթելով շարունակական առաջընթաց և բարգավաճում։ Բարձր գնահատելով վերջին տարիներին Հայաստան-Ֆրանսիա բազմաոլորտ համագործակցության դինամիկան՝ փոխվարչապետ Խաչատրյանը նկատել է, որ համընդհանուր արժեքների […] ...
22:14 14.07.2025
Axios. ԱՄՆ-ն Կիևին 10 միլիարդ դոլարի զենք կմատակարարի ՆԱՏՕ-ի հետ կնքված համաձայնագրի շրջանակներումԱՄՆ կառավարությունը ակնկալում է, որ ՆԱՏՕ-ի հետ նոր համաձայնագրի համաձայն՝ դաշինքի դաշնակիցները Կիևի համար կգնեն ամերիկյան զենք՝ ընդհանուր առմամբ մոտ 10 միլիարդ դոլարի չափով։ Այս մասին հայտնել է Axios պորտալը՝ հղում անելով իր աղբյուրներին։ «Ծրագրերին ծանոթ աղբյուրը Axios-ին ասել է, որ ԱՄՆ-ն սկզբում ՆԱՏՕ-ի դաշնակիցներին կվաճառի մոտ 10 միլիարդ դոլարի զենք։ Ուկրաինայի համար նախատեսված մատակարարումների […] ...
