09:36 22.04.2018
Երևանի «Մարիոթ Արմենիա» հյուրանոցում քիչ առաջ տեղի ունեցավ վարչապետ Սերժ Սարգսյանի և ԱԺ պատգամավոր, ընդդիմադիր գործիչ Նիկոլ Փաշինյանի հանդիպումը: Այն կարճ տևեց: Կողմերը որևէ համաձայնության չեկան:
Սերժ Սարգսյանը հայտարարեց, որ ուրախ է, որ Փաշինյանն արձագանքել է երկխոսելու՝ իր բազմաթիվ կոչերին, սակայն նշեց, որ լավ չի պատկերացնում, թե տասնյակ լրագրողների ներկայությամբ ինչպես կարող են բանակցել:
Նիկոլ Փաշինյանն ի պատասխան նշեց, որ կարծում է , թե թյուրըմբռնում կա, որովհետև նախագահ Սարգսյանի հետ հրապարակում տեղի ունեցած հանդիպմանը արտահայտել է իրենց դիրքորոշումը, որ խոսքը ոչ թե երկխոսության մասին է, այլ իրենց առաջարկած օրակարգի մասին: Ընդդիմադիր գործիչը հայտարարեց, որ եկել է քննարկելու Սերժ Սարգսյանի հրաժարականի պայմանները և իշխանության խաղաղ, անցնցում փոխանցման պայմանները: Փաշինյանը կոչ արեց երկխոսություն տերմինը չօգտագործել:
Սերժ Սարգսյանը նշեց, որ դա ոչ թե երկխոսություն է կամ բանակցություն, այլ վերջնագիր և շանտաժ պետության և օրինական իշխանությունների նկատմամբ: Ըստ վարչապետի, Նիկոլ Փաշինյանը չի գիտակցում պատասխանատվության աստիճանը և դասեր չի քաղել 2008-ի մարտի 1-ից: Սերժ Սարգսյանը ասաց, որ ևս մեկ անգամ խորհուրդ է տալիս Փաշինյանին գալ օրինական դաշտ և տրամաբանական գործողությունների սահման:
«Հակառակ պարագայում ամբողջ պատասխանատվությունը ձեր վրա է»,- հայտարարեց վարչապետը:
«Մեզ հետ որևէ մեկը չի համարձակվել և չի կարող համարձակվել սպառնալիքների տոնով խոսել: Ես ասում եմ, որ դուք չեք պատկերացնում հանրապետությունում իրավիճակը: Իրավիճակը հանրապետությունում այնպիսին չէ, ինչպիսին դուք գիտեք 15-20 օր առաջ: Իրավիճակը ՀՀ-ում փոխվել է: Դուք ՀՀ-ում չունեք այն իշխանությունը, ինչի մասին ձեզ զեկուցում են: ՀՀ-ում իշխանությունն անցել է ժողովրդի ձեռքը»,- ասաց Նիկոլ Փաշինյանը:
Սերժ Սարգսյանն ընդհատեց նրան և ասաց, որ 7-8 տոկոս ձայն հավաքած խմբակցությունը ժողովրդի անունից խոսելու իրավունք չունի:
«Եվ ես այլևս ցանկություն չունեմ ձեզ հետ շարունակելու խոսակցությունը: Եթե դուք պետության օրինական պահանջը չեք ուզում կատարել, ցտեսություն»,- ասաց Սերժ Սարգսյանը և, աթոռից վեր կենալով, դիմեց լրագրողներին՝ առաջարկելով հետևություններ անել: Դրան ի պատասխան Նիկոլ Փաշինյանն արձագանքեց՝ ցտեսություն և իր հերթին լրագրողներին առաջարկեց հետևություններ անել:
20:30 05.08.2025
Լիտվան ՆԱՏՕ-ին կոչ է արել երկրում տեղակայել հակաօդային պաշտպանության միջոցներԼիտվան դիմել է Հյուսիսատլանտյան դաշինքի ղեկավարությանը իր տարածքում անօդաչու թռչող սարքերի դեմ համակարգեր (ԱԹՍ) տեղակայելու խնդրանքով, լրագրողներին հայտնել է երկրի պաշտպանության նախարար Դովիլե Շակալիենեն։ «Մենք խնդրում ենք անօդաչու թռչող սարքերի դեմ պայքարի լրացուցիչ հնարավորություններ, նույնիսկ եթե դրանք փորձարարական համակարգեր են։ Մենք պատրաստ ենք փորձարկել դրանք փոփոխվող հանգամանքներում»,-ասել է նա։ Այս խնդրանքով, ինչպես նշել է Շակալենեն, […] ...
20:20 05.08.2025
Կամավորական փրկարարական շարժման զարգացման գործընթացը շարունակվում էԿամավորական փրկարարական շարժմանն աջակցության նպատակով Ավստրիական զարգացման գործակալության և Ավստրիական կարմիր խաչի ընկերության ֆինանսավորմամբ Հայկական կարմիր խաչի ընկերության հետ իրականացվող «Հայաստանի Հանրապետությունում առաջին արձագանքման կամավորական ծառայության ինստիտուցիոնալիզացում» (VOLFIRE) ծրագրի շրջանակներում օգոստոսի 5-ին Արագածոտնի մարզի Թալին համայնքի Արագածավան բնակավայրում բացվեց հերթական կամավորական հրշեջ-փրկարարական հենակետը: Ողջույնի խոսքով հանդես եկան ՆԳՆ ՓԾ փրկարարական ուժերի վարչության պետ, փ/ծ գնդապետ […] ...
20:13 05.08.2025
«Նոայի» մրցակիցը ԵԼ-ում «Լինկոլնի» արգելքը հաղթահարելու դեպքումՀայաստանի չեմպիոն «Նոան» Եվրոպա լիգայի որակավորման երրորդ փուլում Ջիբրալթարը ներկայացնող «Լինկոլն Ռեդ Իմպսի» արգելքը հաղթահարելու դեպքում կմրցի «Կլուժ» (Ռումինիա) – «Բրագա» (Պորտուգալիա) զույգի հաղթողի դեմ։ «Լինկոլն Ռեդ Իմպս» – «Նոա» դիմակայության առաջին հանդիպումը կկայանա օգոստոսի 7-ին Ջիբրալթարում, իսկ պատասխան խաղը` օգոստոսի 14-ին Հայաստանում։ Եվրոպա լիգայի որակավորման փլեյ-օֆֆի առաջին հանդիպումները կկայանան օգոսոստի 21-ին, իսկ պատասխան մրցավեճերը` […] ...
20:04 05.08.2025
Նիկոլ Փաշինյանը ներկա է գտնվել Ազգային երիտասարդական երկրորդ համաժողովի բացման արարողությանըՎարչապետ Նիկոլ Փաշինյանը Գաբրիել Սունդուկյանի անվան ազգային ակադեմիական թատրոնում ներկա է գտնվել Ազգային երիտասարդական երկրորդ համաժողովի բացման արարողությանը: Համաժողովը, որի նախաձեռնողը ՀՀ սփյուռքի գործերի գլխավոր հանձնակատարի գրասենյակն է, կանցկացվի օգոստոսի 5-7-ը։ Միջոցառմանը մասնակցում են 18-35 տարեկան 600 սփյուռքահայ երիտասարդներ ավելի քան 50 երկրից։ Համաժողովի ընթացքում նրանց են միանալու 200 մասնակիցներ Հայաստանից։ Վարչապետն իր ելույթում ողջունել […] ...
19:52 05.08.2025
Քննարկվել են ՀԲ հետ Հայաստանում իրականացվող ծրագրերըՓոխվարչապետ Մհեր Գրիգորյանն ընդունել է Համաշխարհային բանկի (ՀԲ) Հարավային Կովկասի տարածաշրջանային տնօրեն Ռոլանդ Փրայսին և Համաշխարհային բանկի հայաստանյան գրասենյակի նորանշանակ ղեկավար Ֆաբրիցիո Ձարկոնեին: Հանդիպման սկզբում փոխվարչապետը շնորհավորել է Ֆաբրիցիո Ձարկոնեին նշանակման կապակցությամբ՝ մաղթելով հաջողություններ իր պատասխանատու պաշտոնում: Զրուցակիցները քննարկել են ՀԲ հետ Հայաստանում իրականացվող ծրագրերը: Մհեր Գրիգորյանն այդ համատեքստում շեշտել է ՀԲ հետ համագործակցության կարևորությունը […] ...
