14:36 19.11.2018
Թուրքիայում բերման են ենթարկվել մի խումբ մտավորականներ ու այլ գործիչներ, ովքեր մեղադրվում են թուրք մտավորական, հայամետ գործիչ Օսման Քավալայի հետ կապ ունենալու համար: Օսման Քավալան ձերբակալվել է մեկ տարի առաջ՝ 2016թ.-ի Թուրքիայի ռազմական հեղաշրջման փորձին մասնակցություն ունենալու մեղադրանքով։ Նա Հայոց ցեղասպանությունը ճանաչած այն թուրք գործիչներից է, ով համարձակորեն խոսել է Հայոց ցեղասպանության մասին, եղել է նաև Հայաստանում:
Բերման ենթարկելու վերջին օրերի դեպքերը մեծ աղմուկ են բարձրացրել Թուրքիայի ընդդիմադիր շրջանակներում: «Ակօս» երկլեզու պարբերականի հայերեն էջի խմբագիր Բագրատ Էստուկյանը Shantnews-ին հայտնեց, որ բերման ենթարկվածները ոստիկանություն են տարվել անհիմն մեղադրանքներով.
«Տասներեք հոգի են: Ոստիկանության մոտ ավելի մեծ թվով մարդկանց ցուցակ կա, բայց նրանց հաջողվել է բերման ենթարկել տասներեք հոգու: Նրանք ակադեմիականներ կամ Օսման Քավալայի հիմնադրած «Անատոլու Քուլթուր» հասարակական կազմակերպության աշխատակիցներ են:
Բոլորն էլ մեղադրվում են իբր թե Ստամբուլի Գեզի զբոսայգում տեղի ունեցած դիմադրությանը մասնակից լինելու մեջ: Նրանց հասցեին հնչում են պետությունը տապալելու համար ջանք գործադրելու, այդ նպատակով արտասահմանից մարդիկ հրավիրելու արտահայտություններ: Սրանք խելքից հեռու մեղադրանքներ են այդ մտավորականների հասցեին»,- ասաց Բագրատ Էստուկյանը՝ նշելով, որ առայժմ նրանցից ոչ ոք չի ձերբակալվել, երկու հոգի երկրից դուրս չգալու պայմանով ազատ են արձակվել, իսկ մյուսների առումով էլ առաջիկա օրերին իրավապահ մարմինների անելիքներն ավելի հստակ կդառնան:
Պոլսահայ խմբագիրը Shantnews-ին հայտնեց, որ վերջին զարգացումները կրկին խոսում են Թուրքիայում խոսքի ազատության սահմանափակումները խստացնելու մասին, քանի որ իշխանությունները բերման են ենթարկել հատկապես սեփական համոզմունքներն ունեցող մարդկանց, որոնք ազատ խոսքի ջատագովներ են:
«Այսօր Թուրքիայի մեջ սա ամենաանբաղձալի երևույթն է դարձել: Իշխանությունը բոլորից հլու-հնազանդություն է պահանջում՝ առանց ձայն բարձրացնելու: Բերման ենթարկված մարդկանց ճանաչում եմ, նրանք մեր թերթին էլ մոտ կանգնած մարդիկ են, հաճախ են այցելել խմբագրություն կամ մեր խմբագրության հարևանությամբ գտնվող «Հրանտ Դինք» հիմնարկ: Պետության որդեգրած այսօրվա քաղաքականությունից՝ մերժողականությունից շատ հեռու մտավորականներ են: Մեր պատմությունը գիտեն, Ցեղասպանության մասին խոսում են: Օսման Քավալան, օրինակ, 2015-ին Ցեղասպանության 100-րդ տարելիցին նվիրված մի շատ մեծ միջոցառման կազմակերպիչ էր, դրսից և Թուրքիայից նշանավոր մարդիկ էր հրավիրել այդ միջոցառմանը: Այդպիսի շատ միջոցառումների ֆինանսավորողն է եղել Քավալան: Բերման ենթարկվածների մեջ հայ-թուրք կինոարտադրողների համագործակցությանն օժանդակող գործիչ կա»,-տեղեկացրեց Էստուկյանը:
Մեր այն հարցին, թե Օսման Քավալայի ձերբակալությունն ինչքանո՞վ կապ ունի նրա՝ գյուլենական լինելու մեղադրանքի հետ, Բագրատ Էստուկյանը պատասխանեց.
«Օսման Քավալան երբեք կապ չի ունեցել Գյուլենի շարժման հետ: Այդ շարժումը կրոնական բնույթ ունեցող, աղանդավորական շարժում է, իսկ Օսման Քավալան կամ իր հետ աշխատող մարդիկ կրոնի հանդեպ բավական վերապահություններ ունեն: Արդեն կառավարությունն ում ուզում է մեղադրել՝ կա՛մ Գյուլենի, կա՛մ քրդական PKK-ի հետ կապված մի բան է հնարում: Սրանք, իսկապես, իրավական իմաստով անընդունելի երևույթներ են: Իսկ մինչև հիմա Քավալայի գործի հետաքննության առթիվ ոչ մի պաշտոնական մեղադրանք չի հրապարակվել, քանի որ ոչ մի իրավական հիմք չկա այդպիսին հրապարակելու»,- ասաց մեր զրուցակիցը:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
