14:57 10.12.2018
«Իրազեկ քաղաքացիների միավորում» հասարակական կազմակերպության նախագահ Դանիել Իոաննիսյանի հաշվարկներով` 7-րդ գումարման Ազգային ժողովը 132 պատգամավոր կունենա: Վերջինիս կանխատեսմամբ՝ նորընտիր խորհրդարանում 88 պատգամավոր կլինի «Իմ քայլը» դաշինքից, 25 պատգամավոր՝ ԲՀԿ-ից, 19 պատգամավոր՝ «Լուսավոր Հայաստան»-ից: SHANTNEWS.am-ի հետ զրույցում Իոաննիսյանը նշեց, որ երեկվա ընտրությունների արդյունքներն անակնկալ չէին, բոլորն էլ կարծում էին, որ «Իմ քայլը» դաշինքը մոտավորապես այդքան ձայն է ստանալու:
«Անակնկալ չկար, ըստ էության, ինչպես և սոցհարցումների արդյունքներն էին ցույց տալիս, ընդ որում` հեղինակավոր կազմակերպությունների կատարած հարցումները, անցան երեք ուժերը, հարցումներից փոքր-ինչ շատ ձայն հավաքեցին ՀՀԿ-ն և ՀՅԴ-ն»,- ասաց նա:
Իոաննիսյանը նշեց, որ վարկանիշային ցուցակներով ընտրված թեկնածուների ցուցակ իրենք չեն առանձնացրել, քանի որ դա բարդ գործընթաց է:
«ԿԸՀ-ն հատուկ ծրագիր ունի, որով հաշվարկում է, մենք չունենք: Մենք երեկ ստիպված եղանք ծրագիր գրել, ես հիշեցի դեռ ուսանողական տարիներին իմ սովորած ծրագրավորումը, այդպես գրեցի, կարելի է, իհարկե, տանջվել և ծրագիր գրել նաև ռեյտինգայինների համար, բայց դա տաժանակիր աշխատանք է և երևի չանեմ»,- ասաց Իոաննիսյանը:
Նա տեղեկացրեց, որ Ընտրական օրենսգիրքը թե՛ ԲՀԿ-ի, թե՛ «Լուսավոր Հայաստան»-ի համար լծակներ է նախատեսում:
«Եթե ճիշտ եմ հիշում, ԱԺ երեք փոխխոսնակներից մեկի պաշտոնը հասնում է ԲՀԿ-ին, այսինքն`գործնականում մնում է նրան, ԼՀԿ-ն կարծես թե փոխխոսնակ չի ունենում, հանձնաժողովի նախագահներն էլ բաշխվում են: Երևի մեկ կամ երկուական հանձնաժողովի նախագահ կհասնի ԲՀԿ-ին և ԼՀԿ-ին` թերևս կախված այն հանգամանքից, թե ԱԺ-ն քանի հանձնաժողով կսահմանի»,- նշեց ՀԿ նախագահը:
Ընտրական օրենսգրքով սահմանվում է, որ խորհրդարանում ընդդիմադիր ուժն իշխանականների մեկ երրորդը պետք է լինի` անկախ թվաքանակից:
10:46 17.08.2025
Լարսը բաց է բոլոր տեսակի տրանսպորտային միջոցների համարՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
10:28 17.08.2025
Այսօր Սբ. Աստվածածնի Վերափոխման տոնն է՝ ԽաղողօրհնեքըԱյսօր՝ օգոստոսի 17-ին, Հայաստանյայց Առաքելական Սուրբ Եկեղեցին նշում է Սուրբ Աստվածածնի Վերափոխման տոնը՝ Խաղողօրհնեքը: Այն Հայ Եկեղեցու հինգ տաղավար տոներից չորրորդն է և Տիրամորը նվիրված տոներից ամենահինը: Վերափոխման տոնին՝ հավարտ Ս. Պատարագի, բոլոր եկեղեցիներում կատարվում է խաղողօրհնության կարգ: Բոլոր պտուղներից առավել օրհնվում է խաղողի ողկույզը, քանի որ Տերը խաղողի որթը ամենազորավոր ծառերից ավելի վեր բարձրացրեց […] ...
10:12 17.08.2025
Օգոստոսի 19-ից մեկնարկելու է Կորեայի ձորի ճանապարհի հիմնանորոգումը«Ճանապարհային դեպարտամենտ» հիմնադրամից տեղեկացնում են, որ օգոստոսի 19-ից մեկնարկելու է Կորեայի ձորի ճանապարհի հիմնանորոգումը։ Իրականացվելու են հողային, ճանապարհի լայնացման աշխատանքներ։ Նշված աշխատանքներով պայմանավորված, ինչպես նաև հաշվի առնելով քարաթափման վտանգը՝ ճանապարհը ժամանակավորապես փակ կլինի երթևեկության համար։ Վարորդներին հորդորում են շրջանցել նշված ճանապարհը։ Երթևեկությունը կկազմակերպվի ըստ ՆԳՆ հետ համաձայնեցված սխեմայի։ ...
10:00 17.08.2025
Իրավիճակը Հայաստանի ճանապարհներինՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Օգոստոսի 17-ին` ժամը 09։00-ից 18։00-ն, շինարարական աշխատանքներով պայմանավորված, Վանաձորի Բաղրամյան էստակադայով երթևեկությունը փակ է լինելու։ ...
23:59 16.08.2025
Իսրայելը պատրաստ է Գազայի հարցով համաձայնության, եթե բոլոր պատանդներն ազատ արձակվենԻսրայելը պատրաստ է Գազայի հատվածում կարգավորման համաձայնագիր կնքել միայն բոլոր պատանդների միաժամանակյա ազատ արձակման և արմատական ՀԱՄԱՍ շարժման լիակատար զինաթափման պայմանով։ Այս մասին հայտարարել է հրեական պետության վարչապետ Բենիամին Նեթանյահուի գրասենյակը։ «Իսրայելը պատրաստ է համաձայնագիր քննարկել միայն բոլոր պատանդների միաժամանակյա ազատ արձակման պայմանով և պատերազմը դադարեցնելու իսրայելական սկզբունքների շրջանակներում», – ասվում է հայտարարության մեջ։ «Այդ […] ...
23:51 16.08.2025
Financial Express. ԱՄՆ-ն չեղյալ է հայտարարել բանակցողների այցը ՀնդկաստանԱմերիկացի բանակցողները չեղարկել են օգոստոսի վերջին նախատեսված Նյու Դելի այցը՝ երկկողմ առևտրային համաձայնագրի շուրջ քննարկումների վեցերորդ փուլի համար։ Այս մասին հայտնել է Financial Express թերթը՝ հղում անելով պաշտոնական աղբյուրին։ «Ամերիկյան կողմից առևտրային բանակցությունները դադարեցվել են՝ մշտապես թե ժամանակավոր, դեռևս անհայտ է։ Նրանք հայտարարել են, որ չեն գա օգոստոսի 25-ի հանդիպմանը», – ասել է աղբյուրը։ Նրա […] ...
