15:25 10.12.2018
«Քաղաքացու որոշում» կուսակցության առաջնորդ Սուրեն Սահակյանը ԱԺ արտահերթ ընտրություններից հետո շնորհավորել է ընտրված բոլոր ուժերին ու պատգամավորներին: Նա նաև շնորհակալություն է հայտնել իր աշխատանքային թիմին ու «Քաղաքացու որոշում» կուսակցությանն աջակցություն ցուցաբերած քաղաքացիներին:
«Հարգելի՛ ընկերներ, նախ ուզում եմ մեծագույն շնորհակալություն հայտնել ընդհանուր՝ մեզ, ու անձամբ ինձ տրված վստահության ամեն քվեի համար։ Շնորհակալություն բառի տակ դնում եմ այն ամբողջ սերը, անկեղծությունը, քնքշությունն ու բարությունը, որին ունակ եմ երբևէ։ Անկախ արդյունքներից, ես փողոցում, սոցցանցերում ու նամակներում զգացել եմ այն ահռելի էներգիան, ինչ այս պահին ուզում եմ փոխանցել ձեզ։ Դժվար կլինի գերագնահատել յուրաքանչյուր քվեի արժեքն ինձ համար։
Մենք հետագայում դրանից շատ ենք ունենալու, բայց երեկվա ստացածից յուրաքանչյուրի արձանագրումն ինձ համար անպատմելի հուզիչ էր։ Կուզեի երկու խոսք ասել թիմի մասին, որի հետ աշխատեցի այս ընթացքում։ Կգա հրապարակային հաշվետվության օրը և դուք կզարմանաք, թե ինչպիսի սահմանափակ ռեսուրսներով ենք ֆանտաստիկ արդյունքների հասել։
Շատերը կարծում էին, թե բարձր վարձատրվող պրոֆեսիոնալների մեծ խումբ էր աշխատում, մինչդեռ շտաբում վարձու աշխատող ա եղել միայն հավաքարարը։ Եվ պետք ա խոստովանեմ, որ երբեմն ես ինքս եմ սահմանափակել տաղանդավոր մարդկանցով ձևավորված խմբի ստեղծագործական պոռթկումները՝ հաշվի առնելով միջոցառման պաշտոնական բնույթը։ Ես դեռ առիթ կունենամ նրանց գրկելու, երախտիքիս խոսքն ասելու։
Ուզում եմ նաև շնորհավորել վստահության անհրաժեշտ քվե ստացած ու պատգամավոր ընտրված բոլոր ընկերներիս։ Ուզում եմ բոլորի՛ս շնորհավորել, որ գոնե հանրապետականը առաջիկա տարիներին Ազգային ժողովում չի լինի ու չի թունավորի մեր քաղաքական կյանքը։ Բայց, ինչպես հեղափոխությունից առաջ, ինչպես հեղափոխության ընթացքում, այնպես էլ հիմա, իմ խնդիրը անձերը չեն, այլ այն արժեքները, որոնք կրում էր և տասնյակ տարիներ սերմանել էր այդ ուժը։ Ցավով պետք ա արձանագրել, որ նույն քաղաքական մտածողությունը, նույն արժեքային համակարգը դեռ պատկառելի ներկայացվածություն ունի թե՛ մեր քաղաքական դաշտում ընդհանրապես, թե՛ այս գումարման Ազգային ժողովում մասնավորապես։
Եվ մեր քաղաքական անելիքների մեջ հին քաղաքական մտածողությունն արմատախիլ անելը պետք ա առաջնահերթություն լինի։ Մենք այստեղ ենք՝ նույն ամրությամբ, սկզբունքայնությամբ, իդեալական Հայաստան ունենալու նույն անսասան հավատով լի։ Կհանդիպենք ամենամոտ ապագայում»,- հայտարարել է նա:
11:00 17.08.2025
Տարադրամի փոխարժեքները օգոստոսի 17-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 381.50 դրամ, վաճառքի նվազագույն արժեքը՝ 384 դրամ: Եվրոյի առքի առավելագույն արժեքն է 443.5 դրամ, վաճառքի նվազագույն արժեքը՝ 449 դրամ: Ռուսական ռուբլու առքի առավելագույն արժեքն է 4․74 դրամ, վաճառքի նվազագույն արժեքը՝ 4.85 դրամ: ...
10:46 17.08.2025
Լարսը բաց է բոլոր տեսակի տրանսպորտային միջոցների համարՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
10:28 17.08.2025
Այսօր Սբ. Աստվածածնի Վերափոխման տոնն է՝ ԽաղողօրհնեքըԱյսօր՝ օգոստոսի 17-ին, Հայաստանյայց Առաքելական Սուրբ Եկեղեցին նշում է Սուրբ Աստվածածնի Վերափոխման տոնը՝ Խաղողօրհնեքը: Այն Հայ Եկեղեցու հինգ տաղավար տոներից չորրորդն է և Տիրամորը նվիրված տոներից ամենահինը: Վերափոխման տոնին՝ հավարտ Ս. Պատարագի, բոլոր եկեղեցիներում կատարվում է խաղողօրհնության կարգ: Բոլոր պտուղներից առավել օրհնվում է խաղողի ողկույզը, քանի որ Տերը խաղողի որթը ամենազորավոր ծառերից ավելի վեր բարձրացրեց […] ...
10:12 17.08.2025
Օգոստոսի 19-ից մեկնարկելու է Կորեայի ձորի ճանապարհի հիմնանորոգումը«Ճանապարհային դեպարտամենտ» հիմնադրամից տեղեկացնում են, որ օգոստոսի 19-ից մեկնարկելու է Կորեայի ձորի ճանապարհի հիմնանորոգումը։ Իրականացվելու են հողային, ճանապարհի լայնացման աշխատանքներ։ Նշված աշխատանքներով պայմանավորված, ինչպես նաև հաշվի առնելով քարաթափման վտանգը՝ ճանապարհը ժամանակավորապես փակ կլինի երթևեկության համար։ Վարորդներին հորդորում են շրջանցել նշված ճանապարհը։ Երթևեկությունը կկազմակերպվի ըստ ՆԳՆ հետ համաձայնեցված սխեմայի։ ...
10:00 17.08.2025
Իրավիճակը Հայաստանի ճանապարհներինՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Օգոստոսի 17-ին` ժամը 09։00-ից 18։00-ն, շինարարական աշխատանքներով պայմանավորված, Վանաձորի Բաղրամյան էստակադայով երթևեկությունը փակ է լինելու։ ...
23:59 16.08.2025
Իսրայելը պատրաստ է Գազայի հարցով համաձայնության, եթե բոլոր պատանդներն ազատ արձակվենԻսրայելը պատրաստ է Գազայի հատվածում կարգավորման համաձայնագիր կնքել միայն բոլոր պատանդների միաժամանակյա ազատ արձակման և արմատական ՀԱՄԱՍ շարժման լիակատար զինաթափման պայմանով։ Այս մասին հայտարարել է հրեական պետության վարչապետ Բենիամին Նեթանյահուի գրասենյակը։ «Իսրայելը պատրաստ է համաձայնագիր քննարկել միայն բոլոր պատանդների միաժամանակյա ազատ արձակման պայմանով և պատերազմը դադարեցնելու իսրայելական սկզբունքների շրջանակներում», – ասվում է հայտարարության մեջ։ «Այդ […] ...
