16:44 14.12.2018
Ավտոներմուծողները հարկային համաներում են պահանջում: Պատճառաբանում են, թե հարկային օրենսգրքի փոփոխություններից տեղյակ չեն եղել և խոշոր չափի տուգանքներ են ստացել:
Նշենք, որ նրանք դժգոհ էին բարձր եկամտահարկից: Այսուհետ, երբ միևնույն հարկային տարվա ընթացքում երկու և ավելի ավտոմեքենա օտարվում է, այդ թվում՝ անհատույց, տվյալ ավտոմեքենայի շուկայական գնի 80 տոկոսի չափով եկամուտ է հաշվառվում, և պետք է դրա 20 տոկոսի չափով եկամտային հարկ վճարել:
Թեմայի վերաբերյալ SHANTNEWS.am-ը զրուցել է ՀՀ ֆինանսների փոխնախարարի պաշտոնակատար Արման Պողոսյանի հետ: Նա տեղեկացրել է, որ վերջին 2-3 տարվա ընթացքում 2 անգամ նմանատիպ գործարքների համար հարկային համաներումներ են իրականացվել:
«Հարկային համաներումները կատարվել են մոտավորապես հետևյալ տրամաբանության մեջ. ընդունվել են օրենքներ, տրվել է որոշակի ժամանակահատված: Եթե այդ ժամանակահատվածում կատարված գործարքներից առաջացած հարկի մայր գումարները վճարվել են, ապա տույժերը և տուգանքները ներվել են: Հիմա, եթե մենք գնանք նման քայլի, դա կլինի 3-րդ համաներումը, իսկ համաներումները լավ երևույթ չեն, որովհետև առաջացնում են սպասումներ հետագայում՝ նորից նման հարկային համաներումներից օգտվելու, ինչն իր հերթին հանգեցնում է հարկային կարգապահության մակարդակի նվազման: Եթե պարզվի, որ ամեն տարի հարկային համաներում է կատարվելու, բնականաբար ոչ ոք հարկ չի վճարի, կսպասեն, որպեսզի օգտվեն հերթական համաներումից»,- ասաց նա:
Մյուս կողմից, ըստ նրա, դա անարդար քայլ կլինի պարտաճանաչ ու կարգապահ հարկատուների նկատմամբ:
Պողոսյանն ընդգծեց՝ պետք է ունենանք հստակ գիտակցում, որ եթե անձը զբաղվում է ձեռնարկատիրական գործունեությամբ, նա պետք է հաշվառվի հարկային մարմնում, հակառակ դեպքում նա կգործի ստվերում:
23:59 17.08.2025
Սերբիայում գիշերային անկարգությունների հետևանքով վիրավորվել է վեց ոստիկանՍերբիայում գիշերային անկարգությունների հետևանքով վիրավորվել է վեց ոստիկան, ձերբակալվել են հանրահավաքի մասնակիցներ։ Այս մասին հայտնում է երկրի ՆԳՆ մամուլի ծառայությունը։ «Սերբիայում երեկվա չգրանցված հանրային հավաքների ժամանակ վիրավորվել է ընդհանուր առմամբ 6 ոստիկան, 56 մարդ տարվել է ոստիկանական բաժանմունք, 16 մարդ ձերբակալվել է մարզական միջոցառման կամ հանրային հավաքի ժամանակ ագրեսիվ վարքագծի հետ կապված հանցագործություն կատարելու հիմնավոր […] ...
23:24 17.08.2025
Հալեպում ահաբեկչություն է տեղի ունեցել. SANAՍիրիայի հյուսիս-արևմուտքում գտնվող Հալեպ քաղաքում պայթյուն է տեղի ունեցել: SANA լրատվական գործակալության փոխանցմամբ՝ անհայտ անձը պայթուցիկ սարք է գործադրել ալ-Մայսար շրջանում գտնվող հացաբուլկեղենի խանութի մոտ: Քաղաքի անվտանգության ծառայությունների աղբյուրը գործակալությանը հայտնել է, որ նախնական տեղեկությունների համաձայն՝ քաղաքացիական անձանց շրջանում տուժածներ չկան: Պայթյունն իրականացրած անձը տեղում մահացել է, իսկ իրավապահ մարմինները պարզում են նրա ինքնությունը: ...
22:50 17.08.2025
Արման Ծառուկյանի գրառումը՝ UFC-ում Չիմաևի չեմպիոնությունը նվաճելու պատվինUFC-ի թեթև քաշային կարգի դասակարգման երկրորդ համար Արման Ծառուկյանը իր Instagram-յան էջում լուսանկար է հրապարակել միջին քաշային կարգի նոր չեմպիոն Խամզաթ Չիմաևի հետ։ «Լավագույնը»,– լուսանկարին կից գրել է հայ մարտիկը, ով Չիմաևին օգնել էր տիտղոսային մենամարտին պատրաստվելու հարցում։ ...
22:23 17.08.2025
Սևանա լճում լողամիջոց է շրջվել․ օգնության են հասել ջրափրկարարներըՕգոստոսի 17-ին՝ ժամը 14։10-ին, Գեղարքունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Սևանա լճի 3-րդ հանրային լողափում հերթապահություն իրականացնելիս ջրափրկարարները նկատել են, որ ափից մոտ 200 մ հեռավորության վրա լողամիջոց է շրջվել․ անհրաժեշտ է օգնություն։ Ջրափրկարարներն ափից մոտ 500 մ հեռավորությունից ափ են դուրս բերել քաղաքացու։ ...
22:00 17.08.2025
Թրամփը նախ կհանդիպի Զելենսկիի հետ, հետո՝ եվրոպական երկրների առաջնորդների. BildԱՄՆ նախագահ Դոնալդ Թրամփը օգոստոսի 18-ին Վաշինգտոնում նախ կհանդիպի Վլադիմիր Զելենսկիի հետ, որից հետո Զելենսկիին ուղեկցող եվրոպական երկրների առաջնորդները կմիանան հանդիպմանը, հաղորդում է Bild թերթը՝ հղում անելով Գերմանիայի կառավարության աղբյուրներին։ Նրանց տեղեկությունների համաձայն՝ կլինի նաև աշխատանքային ճաշ և մի քանի ժամ տևողությամբ քննարկում՝ ընդլայնված կազմով։ Հանդիպմանը մասնակցելու մասին հայտարարել էին Գերմանիայի կանցլեր Ֆրիդրիխ Մերցը, Եվրահանձնաժողովի […] ...
21:25 17.08.2025
Ղազախստանի հյուսիսում թեթև շարժիչով ինքնաթիռ է կործանվելՂազախստանի հյուսիսում գտնվող Ակմոլա շրջանում վթարի է ենթարկվել Aerostar R40F թեթև շարժիչով ինքնաթիռ, կիրակի օրը հաղորդել է հանրապետության տրանսպորտի նախարարության մամուլի ծառայությունը։ Մի շարք ղազախական լրատվամիջոցներ, այդ թվում՝ պետական, հայտնել են, որ կործանված ինքնաթիռում երկու մարդ է եղել՝ օդաչուն և ուղևորը. երկուսն էլ զոհվել են։ Նշվում է, որ ստեղծվել է հատուկ հանձնաժողով։ Աղետի վայր են […] ...
