22:15 30.12.2018
Ամանորյա սեղան՝ բացառապես բուսական ուտեստներով. Թադևոսյանների ընտանիքում Ամանորն այսպիսին է արդեն երրորդ տարին: Ընտանիքն ընդհանրապես հրաժարվել է մսամթերքից ու անցել բուսական սննդակարգի: Հյուրասիրությունը միայն մրգերով, բանջարեղենով և ընդեղենով պատրաստված ուտեստներից է: Առողջ սննդակարգ և որ ամենակարևորն է՝ այս օրերին զերծ մեծ ծախսերից ու ճոխությունից:
Ամանորի սեղանի պատրաստությունները համեստ են ու ավանդական…
Ամանորին տիկին Անիչկային հյուրընկալվողները սեղանին ճոխ մսային ուտեստներ չեն համտեսում, ոչ էլ ալկոհոլ: Պահքի շրջանում տանտիրուհին պատրաստել է բուսական ուտեստներ։ Տոնական սեղանին ամեն ինչ ինքնատիպ է ու փոխարինում է այն բոլոր ուտեստներին, որոնք սովորաբար տանտիկինները պատրաստում են:
«Պատրաստում եմ պասուց տոլմա՝ թթու կաղամբով, սիսեռով, լոբով, ձավարով ու այլ ընդեղենով: Երշիկին, բաստուրմային ու սուջուխին իմ սեղանին փոխարինում է լոբով ու ընկույզով պատրաստված սառը ուտեստը, իսկ քյուֆթային ու կիևյան կոտլետին՝ սիսեռով պատրաստված կոտլետներն են փոխարինում: Շատերն ինձ հետ համամիտ չեն, կարծում են, որ մսի մեջ շատ սպիտակուցներ կան, որոնք անհրաժեշտ են օրգանիզմին: Իսկ ես այն համոզմանն եմ, որ ընդեղենը՝ լոբին, սոյան, բակլան, լիարժեք կարող են փոխարինել ցանկացած մսամթերքի: Մսամթերքն օր օրի թանկանում է: Բոլորը դժգոհում են, բայց գնում: Ինչպես միշտ, ցանկացած տոն նշելիս մենք ուտելիքն ենք կարևորում: Մեր ընտանիքում կարևոր են հոգևոր արժեքները: Չէ՞ որ Ամանորին պահքի շրջան է»,- SHANTNEWS-ի հետ զրույցում նշել է Անիչկա Թադևոսյանը:
Իսկ գլխավոր ուտեստը ղափաման է՝ Արևելյան Հայաստանի ավանդական կերակուրը, որը հայերը հաճախ պատրաստել են Նոր Տարվա և Զատկի տոներին։ Բրնձով, չրերով, չամիչով և ընկույզով լցոնած դդումը հարգի կերակուր է նաև ընկերական հավաքույթների ժամանակ:
Թադևոսյանները պահպանում են ավանդույթները: Ղափաման իրենց հյուրերի համար ամենաախորժաբեր ուտեստն է: Երբ տոնական սեղանին խափաման իր պատվավոր տեղն է գտնում, ամբողջ ընտանիքն է հավաքվում համտեսելու: Սննդակարգի փոփոխությունը Թադևոսյանների ընտանիքում ոչ միայն հիմա՝ պահքի շրջանում է, այլև տարին բոլոր: 3 տարի առաջ են հրաժարվել մսամթերքից: Առողջ սննդի օգտագործումն արդեն ապրելակերպ է դարձել: Տոնական սեղանի սպասքն էլ սովորական չէ, այլ ավանդական․ կավե ափսեները, բաժակները, կաթսաները տոնական սեղանը դարձնում եմ կոլորիտային: Իսկ տանտերերն այս ամենի մեջ խորհուրդ են տեսնում: Նրանց, ովքեր առանց ճոխ սեղանների Ամանորը չեն պատկերացնում, Թադևոսյաններն իրենց տուն են հրավիրում, որտեղ վերադարձը ոչ միայն ավանդական կենցաղավարության պարագաներին է, այլև հոգևորին: Իսկ իրենց բուսական խոհանոցը, ինչպես տանտիկիններն են նշում, միշտ լիքն է ու հագեցած՝ անկախ տոնական օրերից: 
23:59 11.05.2025
Խեցեգործ Վարդանն ու նրա նկարչուհի կինը՝ Լիլիթը Սարյանի կտավները ներկայացնում են կերամիկայի միջոցովԽեցեգործ Վարդանն ու նրա նկարչուհի կինը՝ Լիլիթը, միասին հիմնել են «Մայոլիկա կերամիքս» ապրանքանիշը։ Այս մասին հայտնել են ՀՀ կառավարությունից: Համագործակցելով Մարտիրոս Սարյանի ժառանգների հետ` նկարչի կտավները ներկայացնում են կերամիկայի միջոցով՝ մայոլիկայի և մանրանկարչական ոճով։ Մանրամասները՝ տեսանյութում: ...
23:48 11.05.2025
ՃՏՊ Թալին-Արտենի ավտոճանապարհին․ կան տուժածներՄայիսի 11-ին, ժամը 18:13-ին Ճգնաժամային կառավարման ազգային կենտրոն ահազանգ է ստացվել, որ Արագած-Արտենի ավտոճանապարհին տեղի է ունեցել ՃՏՊ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Թալին-Արտենի ավտոճանապարհի 23-րդ կմ-ին «Mercedes-Benz» մակնիշի ավտոմեքենան բախվել է ճամփեզրի բետոնե արգելապատնեշին, գլորվել (մոտ 30 մ) և հայտնվել դաշտամիջյան հատվածում։ […] ...
23:38 11.05.2025
Երևանում գործող հայտնի սրճարաններից մեկում հայտնաբերվել է տղամարդու մարմինՄայիսի 11-ին, ողբերգական դեպք է տեղի ունեցել Երևանում։ Ժամը 20:30-ի սահմաններում ՀՀ Ներքին գործերի նախարարության Ոստիկանության համայնքային ոստիկանության գլխավոր վարչության կենտրոնականի բաժնում օպերատիվ տեղեկություններ են ստացվել որ Աբովյան փողոցի 23 հասցեում գործող «De France» սրճարանում դի կա։ Ինչպես հայտնում է shamsyan.com-ը, դեպքի վայր են ժամանել ոստիկանության Կենտրոնական բաժնի օպերատիվ խումբը: Տեղում պարզվել է, որ ստացված […] ...
23:17 11.05.2025
Աֆղանստանում արգելվել է շախմատըԱֆղանստանի առաքինությունների խթանման և արատների կանխարգելման նախարարությունը պաշտոնապես արգելել է շախմատը երկրում։ Այս մասին հայտնել է Khaama Press պորտալը։ Նշվում է, որ նախարարությունն արդեն լուծարել է Աֆղանստանի շախմատի ֆեդերացիան։ ...
22:56 11.05.2025
Al Arabiya. Իսրայելը հարվածներ է հասցնում Եմենի նավահանգիստներն Ալ-ՀոդեյդայումԻսրայելական ինքնաթիռները սկսել են հարվածել Եմենի Հոդեյդա, Ռաս Իսա և Աս-Սալիֆ նավահանգիստներին, որոնք գտնվում են Կարմիր ծովի ափին և գտնվում են հութիների վերահսկողության տակ: Այս մասին հաղորդում է Սաուդյան Արաբիայի Al Arabiya հեռուստաալիքը՝ հղում անելով իր աղբյուրներին։ Հութիների գլխավորած կառավարության Ներքին գործերի նախարարությունը նույնպես հայտարարել է, որ նահանգը ենթարկվել է իսրայելական հարձակման: Ավելի վաղ Իսրայելի […] ...
22:39 11.05.2025
Reuters. ԱՄՆ-ն և Չինաստանը համաձայնության են եկել առևտրային դեֆիցիտը կրճատելու հարցումԱՄՆ-ի և Չինաստանի պաշտոնյաները հայտարարել են, որ Ժնևում երկօրյա բանակցություններից հետո համաձայնության են եկել առևտրային դեֆիցիտը կրճատելու վերաբերյալ, որի մանրամասները կհայտարարվեն մայիսի 12-ին: Այս մասին հայտնել է Reuters-ը՝ հղում անելով բանակցություններին մասնակցող ամերիկյան պատվիրակության ներկայացուցիչներին: «ԱՄՆ առևտրային ներկայացուցիչ Ջեյմիսոն Գրիրը, որը մասնակցել է բանակցություններին (ԱՄՆ ֆինանսների նախարար Սքոթ) Բեսենտի, փոխվարչապետ Հե Լիֆենգի և երկու չինացի […] ...
