16:02 18.01.2019
ԱԺ նախկին պատգամավոր Հովհաննես Մարգարյանը նախաձեռնել է ստորագրահավաք սահմանադրական փոփոխությունների համար: Մի շարք հոդվածներ է առաջարկում փոփոխել, այդ թվում Երևանում, Գյումրիում և Վանաձորում քաղաքապետի ուղիղ ընտրություններ կազմակերպել: Այսինքն` Սահմանադրության փոփոխությունից բխելու է նաև Ընտրական օրենսգրքի փոփոխությունը:
Հիշեցնենք, Գյումրիում և Վանաձորում վերջին ՏԻՄ ընտրություններն անցկացվեցին Երևանի օրինակով: Անցկացվեցին ոչ թե քաղաքապետի, այլ ավագանու ընտրություններ, իսկ քաղաքապետ դարձավ մեծամասնություն ստացած ավագանու խմբակցության թեկնածուն: Այժմ նախկին պատգամավորն առաջարկում է այս քաղաքներում վերադառնալ նախկին ընտրակարգին, ինչի հնարավորությունը կստեղծվի, եթե սահմանադրական փոփոխություններ կատարվեն: Իսկ արդյո՞ք Հովհաննես Մարգարյանը փոփոխությունների նախաձեռնությամբ հավակնում է Գյումրիի քաղաքապետի պաշտոնին: Նա ո՛չ հերքում է, ո՛չ էլ բացառում.
«Օրինակ՝ մեր կուսակցությունն արդեն քննարկել ու որոշում է կայացրել, որ եթե սահմանադրական փոփոխություններ կատարվեն, ու ՀՀ նախագահի պաշտոնը դառնա ընտրովի, մեր կուսակցությունը չի առաջադրի իր թեկնածուին: Ինչ վերաբերում է Գյումրիի քաղաքապետի պաշտոնին. կգա ժամանակը, մեր կուսակցությունն անպայման կքննարկի, իր որոշումը կկայացնի: Առայժմ նման քննարկում չի եղել: Ես ինձ իրավունք չեմ վերապահում կարծիք հայտնել, թե ես կմասնակցեմ, թե կուսակցությունը կմասնակցի: Նայած, թե ինչպիսին կլինի ընտրակարգը, Սահմանադրությունը կփոխվի՞, թե՞ ոչ: Բայց վստահեցնում եմ՝ եթե փոփոխությունների նախագիծն ընդունվի, նշածս բոլոր քաղաքներում արտահերթ ՏԻՄ ընտրություններ կանցկացվեն»,- Shantnews-ին ասել է Հովհաննես Մարգարյանը:
Համենայնդեպս, Հովհաննես Մարգարյանն ունի ընտրություններին մասնակցելու քաղաքական հենարան: Խորհրդարանական արտահերթ ընտրություններից առաջ ստեղծեց նոր՝ «Արժանապատիվ ուղի» կուսակցությունը, որը չի թաքցնում, որ օգնել է նաև քաղաքացիական նախաձեռնություն ձևավորելու հարցում:
21:48 23.07.2025
Հուլիսի 24-ին Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հուլիսի 24-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11:00-17:00 Իսահակյան փ. 2, 7, 8, 10, 12, 16, 16ա շենքեր, Իսահակյան փ. 12, 14, 18ա շենքեր և հարակից ոչ բնակիչ-բաժանորդներ, Նալբանդյան փ.45, 47, 49 51, 55, 59 շենքեր, Ներքին […] ...
21:34 23.07.2025
Սպերցյանը` ՌՊԼ առաջին տուրի լավագույն ֆուտբոլիստ«Կրասնոդարի» և Հայաստանի ազգային հավաքականի կիսապաշտպան Էդուարդ Սպերցյանը հեղինակավոր Transfermarkt կայքի վարկածով ճանաչվել է Ռուսաստանի Պրեմիեր լիգայի 2025/26 մրցաշրջանի առաջին տուրի լավագույն ֆուտբոլիստ։ 25-ամյա ֆուտբոլիստը «Պարի Նիժնի Նովգորոդի» դեմ խաղում գոլ և գոլային փոխանցում էր գրանցել։ «Կրասնոդարի» ավագը Transfermarkt-ի վարկածով նաև տուրի խորհրդանշական հավաքականում է։ ...
21:25 23.07.2025
FT. ԵՄ-ն և ԱՄՆ-ն մոտ են 15% մաքսատուրքերով առևտրային համաձայնագրի կնքմանըԵվրամիությունը և Միացյալ Նահանգները մոտ են համաձայնագրի կնքմանը, որը կսահմանի 15% մաքսատուրքեր եվրոպական ներմուծման համար։ Այս մասին հայտնել է Financial Times (FT)-ը՝ հղում անելով երեք աղբյուրների։ Տեղեկությունների համաձայն՝ համաձայնագիրը նման է ԱՄՆ նախագահ Դոնալդ Թրամփի կողմից Ճապոնիայի հետ հայտարարված գործարքին և ենթադրում է փոխադարձ մաքսատուրքերի ներմուծում նշված չափով։ Միևնույն ժամանակ, ինչպես նշվում է հրապարակման մեջ, […] ...
21:13 23.07.2025
Բնակարանային գողերը ձերբակալվեցին իրեղեն ապացույցները ձեռքներին. Երևանի քրեական ոստիկանների բացահայտումըԲնակարանային գողությունների բացահայտումը բարդ գործ է: Այս հանցագործությունները սովորաբար նախօրոք մանրակրկիտ նախապատրաստվում են, մշակվում են բնակարան մուտք գործելու և աննկատ, առանց հետքերի հեռանալու եղանակները, ձեռք են բերվում ալիբիներ և այլն: Հետևաբար իրավապահներն էլ, նման հանցագործությունները բացահայտելիս, աշխատում են կատարողներին ձերբակալել ապացույցներով հանդերձ: Հերթական բացահայտման ընթացքում այդպես վարվեցին նաև Քրեական ոստիկանության Երևան քաղաքի վարչության սեփականության դեմ […] ...
21:02 23.07.2025
Դյուբուան Ուսիկի դեմ մենամարտից ժամեր առաջ երեկույթի է մասնակցելԱշխարհի նախկին չեմպիոն Դանիել Դյուբուան ուկրաինացի Ալեքսանդր Ուսիկի հետ ռևանշ մենամարտից մի քանի ժամ առաջ երեկույթի է եղել, հաղորդում է The Times-ը։ Դյուբուայի հայրն առանձնատանը 70 հոգու համար կազմակերպել է երեկույթ, որին մասնակցել է նաև բռնցքամարտիկը։ Դրանից բացի նշվում է, որ Դյուբուան «Ուեմբլի» է ժամանել մենամարտի մեկնարկից ընդամենը 90 րոպե առաջ։ Մեքենան կայանելու խնդիրների պատճառով […] ...
