Գրանցման բաժնի աշխատակիցն ասել է, որ ուղեբեռի քաշը զգալիորեն գերազանցում է թույլատրելի 23 կիլոգրամը, ապա առաջարկել է կա՛մ հավելավճար մուծել, կա՛մ կիսել ուղեբեռը և ձևակերպել խմբի մյուս անդամների անուններով:
Երիտասարդները հեռացել են դեպի դրամարկղ, սակայն լրացուցիչ մուծում չեն արել: Դրամարկղի աշխատակիցը տեսել է, թե ինչպես է մեծ ուղեբեռից մարդու ձեռք դուրս գալիս և անմիջապես կանչել է անվտանգության աշխատակիցներին: Վերջիններս ձերբակալել են ուղեբեռի մեջ գտնվող երիտասարդին: Այդ ամբողջ ընթացքում մյուս երիտասարդները տեղի ունեցածը նկարահանել են հեռախոսներով: Հետագայում պարզվել է, որ այս ամենը նրանք կազմակերպել են հենց նկարահանելու, այնուհետ սոցցանցերում տեղադրելու և լայքեր հավաքելու համար: Արկածախնդիր երիտասարդների ամբողջ խմբին ոստիկանները ձերբակալել են: Արարքը որակվել է որպես մանր խուլիգանություն: Տղաներից յուրաքանչյուրին սպառում է 135 դոլարին համարժեք գումարի տուգանք կամ 20 օրով ազատազրկում:
Ձերբակալվածներից մեկը, պարզվել է, նման սկանդալային պատմությունների սիրահար է: Վերջերս նա համացանցում տեղադրել էր մի տեսանյութ, որում մեքենա է վարում քաղաքի կենտրոնում՝ հանդիպակաց ուղղությամբ:
