16:54 01.03.2019
Մարտի 1-ը Քաղաքացիական պաշտպանության միջազգային օրն է: Հայաստանում օրը նշվում է 1994-ից, երբ ՀՀ-ն դարձավ Քաղպաշտպանության միջազգային կազմակերպության անդամ: Այսօր Հանրապետության բոլոր մարզերում փրկարարական ուսումնավարժանքներ են անցկացվում, որոնց միջոցով քաղպաշտպանության տեսական գիտելիքները կիրառում են գործնականում: Գյումրիի թիվ 11 հիմնական դպրոցում ուսումնավարժանքի սցենարով աշակերտները տարհանվել ու պատսպարվել են պայմանական օդային հարձակումներից:
Պայմանական սցենարով հնչում է ընդհատվող զանգը, որն օդային տագնապի ազդանշան է: Այսինքն`սա նշանակում է, որ դպրոցում սովորող բոլոր աշակերտներն ու ուսուցչական հանրույթը պետք է տարածքը լքեն ու ոչ թե դրսում, այլ հենց շենքի ներսում ապաստան գտնեն:
Աշակերտներն ու մանկավարժները հաշված րոպեների ընթացքում տարհանվում են նկուղ: Հենց այս տարածքն է դպրոցի համար ապաստարան ծառայում: Ուսումնավարժանքի ընթացքում ստուգվում է ոչ միայն աշակերտների արագ կողմնորոշվելու ունակությունը, այլև ապաստարանի հնարավորությունները: Նախկինում բոլոր շենքերն են ունեցել ապաստարաններ: Հիմա դրանց մեծ մասը չի օգտագործվում:
«Ոչ բոլոր դպրոցներն ունեն, դրանք բացակայում են հատկապես գյուղական դպրոցներում: Ըստ ամրագրման պլանի`այս դեպքում պատսպարումը կատարվում է հարակից տների նկուղներում: Իսկական ապաստարանները, որոնք նախկինից են մնացել, մեղմ ասած, բարվոք վիճակում չեն: Օդափոխման և մաքրման համակարգ ունեցող ապաստարաններ շատ քիչ են մնացել»,- Shantnews-ին ասել է Շիրակի փրկարարական վարչության ՃԿԿ պետ Մարտին Մկոյանը:
Տարհանումից հետո, ըստ սցենարի, տուժածներ էլ կային, նրանց առաջին բուժօգնություն ցուցաբերվեց: Ապաստարաններում նաև բուժքույրերի ներկայությունն է պարտադիր՝ համապատասխան դեղորայքով:
Տարհանման այս սցենարը Գյումրիի դպրոցում ուսումնական է, իսկ սահմանամերձ գյուղերում` առօրյա: Շիրակի մարզը սեյսմիկ առումով ակտիվ գոտի է, այդ իսկ պատճառով երկրաշարժից պաշտպանվելու կանոնների իմացությունը պարտադիր է: Ի՞նչ անել երկրաշարժի դեպքում. այս վարքականոնները դպրոցներում սովորեցնում են, իսկ ամենակարևորը շինարարական նորմերի ապահովումն է, որոնք պարտադիր ու անխախտ դարձան 88-ից հետո: Շիրակի մարզի բնակչությունն առավել ծանոթ է երկրաշարժերից պաշտպանվելու վարքականոններին: Սա տեսածի ու վերապրածի հետևանք է, որն այսօր արդեն որպես գործնական գիտելիք փոխանցվում է երեխաներին:
23:14 23.07.2025
ՀամաՀՄԸՄ-ական 12-րդ մարզախաղերի բացման արարողության շրջանակում որոշ փողոցներ փակ կլինենՀամաՀՄԸՄ-ական 12-րդ մարզախաղերի բացման արարողությունը տեղի կունենա Հանրապետության հրապարակում հուլիսի 26-ին՝ ժամը 18։00-22։30-ը։ Նշված ժամանակահատվածում հրապարակի շրջանաձև երթևեկության մի մասը փակ կլինի։ Այս մասին հայտնել են Երևանի քաղաքապետարանից: Բացման արարողության շրջանակում սույն թվականի հուլիսի 26-ին՝ ժամը 18։00-19։30-ը Մատենադարանի հրապարակից՝ Մեսրոպ Մաշտցի պողոտա, Սայաթ-Նովայի պողոտա, Աբովյան փողոց, Հանրապետության հրապարակ երթուղով կանցկացվի երթ։ Ջահակիրների մրցավազքը տեղի կունենա […] ...
23:06 23.07.2025
Մինչև 60 տոկոս խնայողություն ու շենքերի նոր տեսք. էներգաարդյունավետության ծրագիրը՝ Սյունիքում«Շենքերի էներգաարդյունավետ արդիականացմանն ուղղված ներդրումների ռիսկերի նվազեցում» ՄԱԶԾ-ԿԿՀ ծրագիրը, ՀՀ շրջակա միջավայրի նախարարությունը և «Բնապահպանական ծրագրերի իրականացման գրասենյակը» կազմակերպել էին լրագրողական շրջայց դեպի Կապան և Քաջարան՝ տեսնելու, թե ինչպես է էներգաարդյունավետ արդիականացումը վերափոխում շենքերը, համայնքները և բարելավում բնակիչների կյանքի որակը։ Այս մասին հայտնել են ՀՀ շրջակա միջավայրի նախարարությունից: Սյունիքի մարզում վերջին տարիներին շենքերի էներգաարդյունավետության ծրագրերն […] ...
23:02 23.07.2025
Գևորգ Պապոյանն այցելել է Գուսանագյուղ, որտեղ իրականացվել է 264 հա հացահատիկային մշակաբույսերի ցանքՀՀ էկոնոմիկայի նախարար Գևորգ Պապոյանը Ֆեյսբուքի իր էջում գրել է, որ այցելել է Գուսանագյուղ բնակավայր, որտեղ իրականացվել է 264 հա հացահատիկային մշակաբույսերի ցանք(ցորեն, գարի, վարսակ)՝ պետության կողմից իրականացվող բուսաբուծության աջակցության ծրագրի շրջանակներում։ «Ուրախությամբ պիտի նշեմ, որ այս տարի բերքը շատ է։ Բուսաբուծության աջակցության ծրագրով նախատեսվում է փոխհատուցել մինչև 100 հա մակերեսով հացահատիկային, հատիկաընդեղեն և կերային […] ...
22:55 23.07.2025
Քաղաքների մթնոլորտային օդում փոշու պարունակությունը հուլիսի 13-19-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է ք աղաքների մթնոլորտային օդում փոշու պարունակությունը հուլիսի 13-19-ը: Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. Վանաձոր քաղաքում՝ Ծատուրյան փողոցի հարակից տարածք՝ հուլիսի 16-ին և 18-ին, Վարդանանց փողոցի հարակից տարածք՝ հուլիսի 18-ին, Հերացի փողոցի հարակից տարածք՝ հուլիսի 16-ին, 17-ին և 19-ին։ Ալավերդի քաղաքում՝ Սանահին սարահարթ, Գայի փողոցի […] ...
22:50 23.07.2025
Լոռու քրեական ոստիկանները բացահայտել են գիշերային ակումբի տարածքում կատարված սպանության փորձը. 7 օր անց կատարողը ներկայացավ ու խոստովանեցԴեպքը տեղի էր ունեցել հուլիսի 14-ին, իսկ բացահայտումը բացառապես օպերատիվ-հետախուզական միջոցառումների արդյունք էր. անգամ ահազանգ ու հաղորդում չէր եղել: Քրեական ոստիկանության Լոռու մարզային վարչության ծառայողներին նույն օրը հաջողվեց պարզել Վանաձոր-Սպիտակ ավտոճանապարհին գտնվող գիշերային ակումբում սկիզբ առած միջադեպի մանրամասներ: Հուլիսի 14-ի գիշերվա ժամը 3-ի սահմաններում գիշերային ակումբում 32-ամյա տղամարդը, վիրավորական արտահայտություն հնչեցնելու համար, վեճի էր բռնվել […] ...
22:44 23.07.2025
Մեսսին կարող է որակազրկվել«Ինտեր Մայամիի» հարձակվող Լիոնել Մեսսին չի մասնակցի MLS-ի բոլոր աստղերի խաղին՝ կոճի վնասվածքի պատճառով։ ESPN-ի տվյալներով՝ լիգայի կանոնակարգով նախատեսված միջոցառումը բաց թողնելու համար արգենտինացին կարող է որակազրկվել մեկ խաղով։ Նրա թիմակից Լուիս Սուարեսը նույնպես բաց կթողնի խաղը։ Թիմը հայտնել է, որ հարձակվողը ցավեր է զգում ծնկի հատվածում։ Մեսսին տպավորիչ մրցաշրջան է անցկացնում MLS-ում․ «Ինտեր Մայամիի» […] ...
