Արմեն Սարգսյանի նախագահության 1 տարվա հիշարժան պահերն ու դրվագները

Մեկ տարի առաջ այս օրը՝ մարտի 2-ին, Արմեն Սարգսյանը ընտրվեց ՀՀ նախագահ: Այս մեկ տարվա ընթացքում նախագահի գրաֆիկը չափազանց հագեցած էր: Արմեն Սարգսյանը Հայաստանում հյուրընկալեց համաշխարհային ճանաչում վայելող հյուրերի, նշանավոր քաղաքական գործիչների, աշխատանքային այցեր կատարեց մի շարք երկրներ, մասնակցեց համաժողովների, միջազգային հայտնի պարբերականների հարցազրույցներ տվեց և այլն:

SHANTNEWS.am-ն առանձնացրել է Արմեն Սարգսյանի նախագահության մեկ տարվա ընթացքում շատ քննարկված ու հետաքրքիր իրադարձությունները:

Արմեն Սարգսյանի ընտրությունից հետո երկրում սկսվեցին ներքաղաքական իրադարձությունները՝ վարչապետի ընտրություն, նոր կառավարության ձևավորում, իսկ այս ամենի ֆոնին սկսվեցին նաև ցույցերն ու բողոքի ակցիաներն ընդդեմ նոր կառավարության:

Հանդիպումներ Սերժ Սարգսյանի հետ

Ազգային ժողովի կողմից նախագահ ընտրվելուց հետո Արմեն Սարգսյանը հանդիպում է ունեցել նախկին նախագահ ու վարչապետի թեկնածու Սերժ Սարգսյանի հետ: Ապրիլի 17-ին Սերժ Սարգսյանը ԱԺ քվեարկությամբ ընտրվում է  ՀՀ վարչապետ: Այդ օրը արդեն նախագահի նստավայրում տեղի է ունենում նախագահ Արմեն Սարգասյանի ու վարչապետ Սերժ Սարգսյանի հանդիպումը: Նախագահը ստորագրում է  Սերժ Սարգսյանին Հայաստանի Հանրապետության վարչապետ նշանակելու մասին հրամագիրը:

Բանակցություններ Հանրապետության հրապարակում 

Սերժ Սարգսյանի հրաժարականից 2 օր առաջ նախագահն անակնկալ ժամանում է Հանրապետության հրապարակ՝ Նիկոլ  Փաշինյանի հետ բանակցելու: Չափազանց լարված մթնոլորտում և ցուցարարներով շրջապատված է անցնում նախագահի ու այն ժամանակ ընդդիմության առաջնորդ Նիկոլ Փաշինյանի հանդիպումը:

Լրագրողներն ու լուսանկարիչները ցանկանում էին ունենալ իրենց բաժին պատմական կադրերն ու լուսանկարները:

Արմեն Սարգսյան և Նիկոլ Փաշինյան. երկրորդ կարևոր հանդիպումը

Նախագահի ու Նիկոլ Փաշինյանի երկրորդ հանդիպումը տեղի ունեցավ մայիսի 8-ին նախագահական նստավայրում ու ավելի հանգիստ մթնոլորտում: Այս անգամ նախագահը ստորագրեց Նիկոլ Փաշինյանին վարչապետ նշանակելու հրամանագիրը:

«Ուզում եմ մաղթել, որպեսզի որքան հնարավոր է շուտ ձևավորեք կառավարությունը և լծվեք այն բոլոր խնդիրների լուծմանը, որ մեր պետության, կառավարության, ողջ ժողովրդի և այս երկրի՝ Հայաստանի Հանրապետության առջև են: Ձեզ լավագույն մաղթանքներս և հաջողություններ»,- շնորհավորելով վարչապետին` ասել է Արմեն Սարգսյանը:

Պաղպաղակի օր

Արմեն Սարգսյանը նախագահական նստավայր է հրավիրում Երևանի թիվ 7 նախավարժարանի մի խումբ սաների: Իսկ հրավերի պատճառը դարձել է  օրեր առաջ նախագահականի մոտ պատահական հանդիպումը երեխաների հետ: Նախագահը երեխաներին պաղպաղակ է հյուրասիրել, ինչպես նաև երեխաների համար էքսկուրսի են կազմակերպել նախագահականում:

Նախագահը պարում է

«Ամուլսարն առանց հանքի» նախաձեռնության անդամները երթով շարժվել էին դեպի նախագահական՝ այնտեղ բողոքի ակցիա իրականացնելու: Նախագահի հետ բանակցություններից հետո բողոքի ակցիան վերածվում է ուրախ տոնախմբության: Արմեն Սարգսյանը ցուցարարների հետ վերվերի է պարում:

Նախագահը համբուրգեր է պատրաստում

Երեխաների իրավունքների պաշտպանության օրվա կապակցությամբ Հանրապետության նախագահ Արմեն Սարգսյանը տիկնոջ՝ Նունե Սարգսյանի հետ, այցելել է «Օրրան» բարեգործական կազմակերպություն, ներկա գտնվել փոքրիկների համար կազմակերպված տոնական միջոցառմանը:

Արմեն Սարգսյանը տիկնոջ հետ համբուրգերներ է պատրաստել երեխաների համար: Նախագահը ներկաներին կատակով ասել է.

«Եթե չահավանեն, հրաժարական կտամ»:

Նախագահը թենիս է խաղում

Հունիսի 5-ին Արմեն Սարգսյանը այցելում է  Հայ-ռուսական (Սլավոնական) համալսարան, իսկ վերջում ուսանողների հետ թենիս է խաղում:

Արմեն Սարգսյանը Nas Daily-ի վլոգում

https://www.youtube.com/watch?v=iCCG5gmi0m4

Արմեն Սարգսյանը նախագահականում հյուրընկալում է հայտնի բլոգեր Nas Daily-ին, նաև նկարվում է բլոգերի հերթական վլոգում:

Կարճատև արձակուրդ

Բացվեցին նախագահականի դարպասները

Նախագահական նստավայրի հարակից այգու դարպասները բացվեցին, և հանգստյան օրերին մարդիկ կարող են զբոսնել այնտեղ:

Գիտելիքի օրը նախագահականում

Սեպտեմբերի 1-ին դպրոցականների համար նախագահական նստավայրում միջոցառում էին կազմակերպել: Շուրջ 180 երեխա հանդիպել  է Արմեն Սարգսյանի հետ:

Այցելություն Գյումրու ներառական փուռ-սրճարան

https://www.facebook.com/AregakBakery/photos/a.1954294364638259/1991879514213077/?type=3&theater

Արմեն Սարգսյանը Գյումրիում ոչ աշխատանքային այցի ժամանակ եղել է նաև Գյումրիում բացված ներառական փուռ-սրճարանում:

Երվանդ Մանարյանին մեդալի հանձնումը

https://www.facebook.com/permalink.php?story_fbid=1886888108013733&id=100000776872213

Նախագահը այցելել է դերասան Երվանդ Մանարյանին՝ Ժողովրդական արտիստի կոչումը հանձնելու:

Նոր տարի, ու երեխաները դարձյալ նախագահականում են

Նոր տարվա նախօրեին Արմեն Սարգսյանը հյուրընկալել է մանկատների, խնամքի կենտրոնների, գիշերօթիկ դպրոցների սաների:

«Ձմեռ պապից ուզում եմ ցանկանալ, որ մեր բոլոր երեխաներն ամբողջ տարի ուրախ լինեն, երգեն, լավ նվերներ ստանան: Ուզում եմ, որ մեր տղաները, ովքեր երազում են զինվոր դառնալ, թող դառնան ու հայրենիքը պաշտպանեն, սակայն ուզում եմ, որ պատերազմ երբեք չլինի, քանի որ պատերազմը լավ բան չէ: Ուզում եմ, որ միշտ ուրախ լինեք, վստահ լինեք, որ դուք, ձեզնից յուրաքանչյուրն ունի տաղանդ»,- ասել է ՀՀ նախագահ Արմեն Սարգսյանը:

Բազմազավակ ընտանիքի տանը

Դեկտեմբերի 31-ին նախագահը հյուրընկալվել է Սուրենավանցի Հովսեփյանների բազմազավակ ընտանիք և ներկա է գտնվել երեխաներից մեկի ծննդյան օրվա արարողությանը: Ընտանիքն ունի 8 անչափահաս երեխա, որոնցից ավագը 12 տարեկան է, կրտսերը՝ 1:

Նոր տարի

2019թ. առաջին օրը նախագահը հրապարակեց ընտանեկան ջերմ լուսանկարներ:

https://www.facebook.com/Armpresident/posts/299875837328360?__xts__[0]=68.ARDFIeztkZL1aCNcVBfS6blKK3Ox0KQ6hfGC2SE9VuVos6L3MpKYySV_S-5cr8oniVDi8MPdEdIvLHT2LdnQnJSty6OZStwkI1w1CplAixCuuU5MyKY2yOpdJy7zGdlPwebWGSHgUOWWLWJR9xuuxFuOF7Ni0Ju5E36Y4IQ0RcnysXvM1CSb3EyJBIGJr_lfb6YbXcGlaH5zvCLuQYxXuv0cFvhfXhpygi2hQuCaGMQMKl2GYAOCXQXRwvEb1Z1ES0R-rMvNO_zYG-gxcsI9VnC2IZNwqv5cns25vDfIog9jraGSWXOvJONlWa0aIYB_4V_VvONxSglrQHr1_DfGxJ0&__tn__=-R

Աշխատանքային այց, ընդմիջում, պինգ-պոնգ

https://www.facebook.com/Armpresident/videos/2272055069742518/

Հունվարին Արմեն Սարգսյանը կնոջ հետ միասին աշխատանքային այցով գտնվում էր ԱՄԷ-ում: Գործնական հանդիպումների ընդմիջմանը նախագահը Նունե Սարգսյանի հետ պինգ-պոնգ է խաղացել:

Տեղափոխություն Բաղրամյան 26

https://www.instagram.com/p/Buf1nYUF0Ry/?utm_source=ig_embed

Նախագահ Արմեն Սարգսյանն իր Instagram-ի էջում տեղեկացրել է, որ այսօր իր վերջին աշխատանքային օրն է Մաշտոցի 47 հասցեում: