Սկրիպալների գործը թունավորումից 1 տարի անց – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
10 07 2025
  • $
    383.82
  • RUBLE
    4.91
  • 449.11
WEATHER
+28.09 oC

Սկրիպալների գործը թունավորումից 1 տարի անց

22:59 04.03.2019

2018թ. մարտի 4: Բրիտանական Սոլսբերի քաղաքի կենտրոնում ուշագնաց վիճակում հայտնաբերվեցին ռուսական Գլխավոր հետախուզական վարչության նախկին սպա Սերգեյ Սկրիպալը և նրա դուստր Յուլյան: Այս միջադեպը և դրան առնչվող բոլոր մանրամասներն ամիսներ շարունակ միջազգային բոլոր լրատվամիջոցների առաջին էջերում էին: Սկրիպալներին թունավորել էին ռուսական «Նովիչոկ» նյարդապարալիտիկ նյութով:

Յուլյա Սկրիպալը հիվանդանոցից դուրս էր գրվել ապրիլին, նրա հայրը՝ մայիսին: Սկրիպալների առողջական վիճակի մասին ոչինչ չի հաղորդվում: Այս տարվա փետրվարին Times պարբերականն, իր աղբյուրներին հղում անելով, հաղորդել էր, որ Սկրիպալների վիճակը վատթարացել է: Բրիտանական իշխանությունները հրաժարվել էին որևէ մեկնաբանություն տալ, սակայն հաղորդել էին, որ Սկրիպալները ողջ են և գտնվում են հատուկ ծառայությունների պաշտպանության տակ:

Այնուհետև «Նովիչոկ»-ի ազդեցությանն էր ենթարկվել Սկրիպալների տունը խուզարկող ոստիկան Նիկ Բեյլին: Բեյլին Սկրիպալների տուն է մտել մարտի 4-ի երեկոյան, հոսպիտալացվել՝ մարտի 6-ին: Ոստիկանին փրկել է այն, որ բնակարան մտնելուց առաջ նա հագել է հատուկ հագուստ և ձեռնոցներ: BBC-ին տված հարցազրույցում Նիկ Բեյլին հայտնել է, որ ֆիզիկապես բավականին արագ է վերականգնվել, սակայն հոգեբանական վերականգնումը շատ ավելի երկար է տևել:

Հունիսի վերջին Սոլսբերիից 80 կմ հեռավորության վրա գտնվող Էյմսբերի քաղաքում «Նովիչոկ»-ից թունավորվել էին Չարլի Ռոուլին և նրա ընկերուհի Դոն Ստերջեսը: Վերջինս մահացել էր:

Ռոուլին և Ստերջեսը թունավորվել էին օծանելիքի սրվակից, որով նյարդապարալիտիկ նյութը, ամենայն հավանականությամբ, տեղափոխվել էր Բրիտանիա:

BBC-ին տված հարցազրույցում բրիտանական ոստիկանության՝ ահաբեկչության դեմ պայքարի բաժանմունքի ղեկավար Դին Հեյդոնը ներկայացրել է այդ սրվակի կրկնօրինակը: Ըստ Հեյդոնի՝ սրվակում գտնվող նյութը կարող էր հազարավոր մարդկանց մահվան պատճառ դառնալ:

BBC-ն նաև ներկայացրել է տեսանյութ, որը մինչ այդ հանրությանը չէր ներկայացվում: Տեսանյութում երևում են ՌԴ քաղաքացիներ Ալեքսանդր Պետրովը և Ռուսլան Բոշիրովը, որոնց Մեծ Բրիտանիան մեղադրում է հարձակման մեջ: Ըստ բրիտանական կողմի՝ նրանք Գլխավոր հետախուզական վարչության սպաներ Ալեքսանդր Միշկինն ու Անատոլի Չեպիգան են:

Ի դեպ, թունավորումից մահացած բրիտանուհու՝ Դոն Ստերջեսի 20-ամյա որդին հարցազրույց է տվել բրիտանական Mirror պարբերականին և պատմել այն մասին, որ նամակ է ուղարկել ՌԴ նախագահ Վլադիմիր Պուտինին՝ խնդրելով նրան այս գործի կասկածյալներին փոխանցել բրիտանական հատուկ ծառայություններին:

«Ցավը երբեք չի լքում ինձ և իմ ընտանիքը: Բրիտանական ոստիկանությունը հավատացած է, որ մորս մահվան համար պատասխանատու է Ռուսաստանի 2 քաղաքացի, բայց նրանց, կարծես, պաշտպանում է ձեր պետությունը: Ես խնդրում եմ Ձեզ թույլ տալ, որպեսզի մեր սպաները հարցաքննեն այս մարդկանց՝ մորս մահվան առնչությամբ»,- մասնավորապես նշված է նամակում:

Ռուսաստանը շարունակում է հերքել Սկրիպալների գործում ռուսական ներգրավվածության մասին Բրիտանիայի մեղադրանքները, որոնք ուղեկցվել են նաև դիվանագիտական հարաբերությունների խզմամբ և Մոսկվայի հանդեպ նոր պատժամիջոցներով: Ավելին, ՌԴ ԱԳՆ պաշտոնական ներկայացուցիչ Մարիա Զախարովան Комсомольская Правда-ին տված հարցազրույցում ասել է, որ Ռուսաստանն իր սեփական հետաքննությունն է վարում:

«Կան ողբերգություններ, կա տրագիկոմեդիա: Սա տրագիկոմեդիայի 1-ամյակն է: Մենք այդպես էլ չգիտենք, թե ինչ է կատարվել Սկրիպալների հետ: Մենք մեկ-երկու անգամ տեսախցիկով տեսել ենք Յուլյա Սկրիպալին: Սկրիպալին ոչ ոք չի տեսել… Մենք չենք կարողանում պարզ հարցերի պատասխան ստանալ… Մենք մեր սեփական հետաքննությունն ենք վարում: Այդ մասին չպետք է մոռանալ: Եթե ինչ-որ մեկը Արևմուտքում, Մեծ Բրիտանիայում, Վաշինգտոնում կամ Բրյուսելում մտածում է, որ Ռուսաստանն այս թեմայի շուրջ դադարեցրել է գործողությունները, նա չարաչար սխալվում են: Կարծում եմ՝ այս գործը կհասցվի իր տրամաբանական ավարտին: Մեղադրանքները շատ խիստ են եղել, հետևանքները՝ շատ լուրջ, որպեսզի ամեն ինչ անտեսենք և թերթենք էջը», – նշել է Զախարովան:

Սկրիպալների թունավորման 1-ամյակի առթիվ Մոսկվայի պետական համալսարանի քաղաքագիտության ֆակուլտետում «Սկրիպալյան ընթերցումներ» խորագրով գիտաժողով կանցկացվի: Ընթերցումների մասնակիցները կքննարկեն տեղեկատվական պատերազմի տեխնոլոգիաները: Ի դեպ, տեղեկություն էր տարածվել, թե գիտաժողովին մասնակցելու են նաև Ալեքսանդր Պետրովն ու Ռուսլան Բոշիրովը, սակայն համալսարանը հերքեց այդ լուրը՝ այն անվանելով կատակ:

Բոլոր լուրերը

Կապակցված լուրեր

Ահաբեկչության նախապատրաստության դեպքի առթիվ նախաձեռնված քրեական վարույթի շրջանակներում 7 անձ ձերբակալվել է

11:55 10.07.2025

Ահաբեկչության նախապատրաստության դեպքի առթիվ նախաձեռնված քրեական վարույթի շրջանակներում 7 անձ ձերբակալվել է

ՀՀ քննչական կոմիտեի Երևան քաղաքի քննչական վարչությունում ահաբեկչության նախապատրաստության, ինչպես նաև՝ հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառության վերաբերյալ ՀՀ քրեական օրենսգրքի 43-308-րդ հոդվածի 1-ին մասով և 335-րդ հոդվածի 1-ին մասով նախաձեռնված քրեական վարույթի շրջանակներում իրականացված մեծածավալ քննչական և վարութային գործողությունների, այդ թվում՝ մի շարք հասցեներում կատարված խուզարկությունների արդյունքում […] ...

Յամալն այնպես է շրջանցում մրցակիցներին, կարծես PlayStation է խաղում․ Էմանուել Պետի

11:48 10.07.2025

Յամալն այնպես է շրջանցում մրցակիցներին, կարծես PlayStation է խաղում․ Էմանուել Պետի

Ֆրանսիայի ազգային հավաքականի նախկին ֆուտբոլիստ, աշխարհի ու Եվրոպայի չեմպիոն Էմանուել Պետին կարծիք է հայտնել Իսպանիայի ազգային հավաքականի և «Բարսելոնայի» հարձակվող Լամին Յամալի մասին: «Յամալն այնպես է շրջանցում մրցակիցներին, կարծես PlayStation է խաղում: Լամինը կարող է գերազանցել Մեսսիին, իսկ Մեսսին 8 «Ոսկե գնդակ» ունի»,- Պետիի խոսքերը մեջբերում է The Escapist-ը: Լամին Յամալը, որը 4 օրից՝ հուլիսի […] ...

Լուլա դա Սիլվան արտակարգ նիստ է հրավիրել Թրամփի հայտարարությունից հետո

11:37 10.07.2025

Լուլա դա Սիլվան արտակարգ նիստ է հրավիրել Թրամփի հայտարարությունից հետո

Բրազիլիայի նախագահ Լուիս Ինասիո Լուլա դա Սիլվան արտակարգ նիստ է հրավիրել՝ քննարկելու ԱՄՆ մաքսատուրքերի պատասխան միջոցառումները: CNN Brasil-ի փոխանցմամբ ՝ պետության ղեկավարը կանչել է փոխնախագահ Ջերալդ Ալկմինին, ֆինանսների նախարար Ֆերնանդո Հադդադին և արտաքին գործերի նախարար Մաուրո Վիեյրային: Բրազիլիան լրջորեն քննարկում է «հայելային» միջոցառումներ մտցնելու հնարավորությունը, այն բանից հետո, երբ ԱՄՆ նախագահ Դոնալդ Թրամփը հրապարակեց նամակ, […] ...

Միացյալ Նահանգները որոշել է օգոստոսի 1-ից Բրազիլիայից ներմուծվող ապրանքների վրա 50% մաքսատուրք մտցնել

11:25 10.07.2025

Միացյալ Նահանգները որոշել է օգոստոսի 1-ից Բրազիլիայից ներմուծվող ապրանքների վրա 50% մաքսատուրք մտցնել

Միացյալ Նահանգները որոշել է օգոստոսի 1-ից Բրազիլիայից ներմուծվող ապրանքների վրա 50% մաքսատուրք մտցնել։ Այս մասին հայտարարել է ԱՄՆ նախագահ Դոնալդ Թրամփը։ Նա իր Truth Social սոցիալական ցանցում հրապարակել է Բրազիլիայի նախագահ Լուիս Ինասիո Լուլա դա Սիլվային ուղղված հաղորդագրության տեքստը, որում նշված է մաքսատուրքերի այս մակարդակը։ Եթե Բրազիլիան որոշի սահմանել պատասխան մաքսատուրքեր, Միացյալ Նահանգները կբարձրացնի Բրազիլիայի […] ...

«Լիվերպուլը» տրանսֆերային խոշոր առաջարկ է ստացել «Նապոլիից»

11:13 10.07.2025

«Լիվերպուլը» տրանսֆերային խոշոր առաջարկ է ստացել «Նապոլիից»

«Նապոլին» ցանկանում է գնել «Լիվերպուլի» հարձակվող Դարվին Նունյեսի տրանսֆերային իրավունքը, հաղորդում է լրագրող Ջանլուկա Դի Մարցիոյի կայքը։ «Նապոլին» ուրուգվայցի ֆուտբոլիստի տեղափոխության համար անգլիական ակումբին առաջարկել է 50 միլիոն եվրո։ Պայմանավորված Նունյեսի մրցելույթներով` «Լիվերպուլը» կարող է ևս 5 միլիոն եվրո պարգևավճար ստանալ։ Անգլիական ակումբը, սակայն, չի շտապում ընդունել «Նապոլիի» առաջարկը։ «Լիվերպուլը» 26-ամյա հարձակվողից կբաժանվի, եթե վճարվի […] ...

Հնդկաստանում 4.4 մագնիտուդ երկրաշարժ է գրանցվել

11:00 10.07.2025

Հնդկաստանում 4.4 մագնիտուդ երկրաշարժ է գրանցվել

Հուլիսի 10-ի առավոտյան Հնդկաստանում տեղի է ունեցել 4.4 մագնիտուդով երկրաշարժ։ Զոհերի մասին տեղեկություններ չկան, հայտնում է երկրի ազգային սեյսմոլոգիական ծառայությունը։ Երկրաշարժի էպիկենտրոնը գտնվել է Հարյանա նահանգում՝ մոտ 10 կմ խորության վրա։ Ցնցումները զգացվել են մայրաքաղաքային շրջանի տարբեր մասերում և տևել են մոտ 10-15 վայրկյան։  ...

BACK_TO_TOP