19:30 07.03.2019
Ախուրյան խոշորացված համայնքը 2010թ. անավարտ մնացած բնակարանաշինական ծրագիրն ավարտելու այլընտրանքային տարբերակներ է առաջարկում, հայտնում է SHANTNEWS.am-ի թղթակիցը Գյումրիից:
Խոսքը գյուղում 9 տարի առաջ կառուցված առանձնատների մասին է: Շինարարությունը սկսվել էր պետական ծրագրով, կառավարությունը պետք է այդ տները գներ ու հատկացներ Ախուրյանի անօթևան ընտանիքներին: Կառավարություն-մասնավոր կառուցապատող ընկերություն անհամաձայնության հետևանքով գործը կիսատ է մնացել: Հիմա տների շինարարությունն ավարտին հասցնելու մի քանի տարբերակներ է համայնքապետարանն առաջարկում արդեն հերթացուցակից դուրս մնացած անօթևան ընտանիքներին:
Թեթև կոնստրուկցիաներից, արագ կառուցվող ու ավելի հարմար գյուղական բնակավայրի համար. սա բնակարանաշինական այն մոտեցումն էր, որով 2010-ին Ախուրյանում կառավարությունը որոշել էր առանձնատներ կառուցել: Կառուցապատող էր ընտրվել «Չիգանա» ՍՊԸ-ն: Փորձնական 6 տուն էր կառուցվելու` 6-ից 2-ի շինարարությունն ավարտին էին հասցրել, մյուսները կիսակառույց են:
Ախուրյանի համայնքապետը չի թաքցնում, որ շինարարության ձգձգումներն ի սկզբանե ծրագրի ձախողումն էին կանխատեսում: Տները կառավարությունը գնելու ու հատկացնելու էր Ախուրյանի անօթևաններին: Հերթը բաշխմանը չհասավ: Կառավարությունն ու մասնավոր կառուցապատողը համաձայնության չէին եկել. պատճառներն այդպես էլ համայնքի ղեկավարին հայտնի չդարձան: Իսկ 2 առանձնատները, որոնք գրեթե պատրաստ էին, վաճառքի էին հանվել, բայց գնորդ չէր գտնվել:
Առանձնատների ապակիները կոտրված են, դռները՝ բաց, ներսում՝ ամեն ինչ թալանված: Տարածքը պահակ չունի: Այն, ինչ 9 տարի առաջ պետական ծրագիր էր համարվում, հիմա պարզապես առանց տնօրինման քայքայվում է: Ախուրյանի գյուղապետարանը մի քանի անգամ առաջարկել է սեփականատերերին առանձնատները նվիրատվությամբ իրենց հանձնել, իսկ համայնքն էլ պատրաստ է իր միջոցներով շինարարությունն ավարտին հասցնել ու հատկացնել անօթևան ընտանիքներին:
«Համայնքը պատրաստ է մասնակցել, միասին ընտրենք շահառուներին, ավարտին հասցնենք տները և հատկացնենք անօթևաններին: Սա տարբերակներից մեկն է: Հաջորդ տարբերակն այն է, որ ընտրված շահառուները ևս ներդրում ունենան տների շինարարությունն ավարտին հասցնելուն: Տարբերակները շատ են, կապված սեփականատերերի հայեցողության հետ, նաև մենք պատրաստ ենք մասնակցելու»,- SHANTNEWS.am–ի հետ զրույցում նշել է Ախուրյան համայնքի ղեկավար Արծրուն Իգիթյանը:
Առաջին անգամ չէ համայնքի ղեկավարը նման առաջարկությամբ դիմում: Ըստ Արծրուն Իգիթյանի՝ արձագանք չի եղել, որովհետև սեփականատերը մեկ անձ չէ, այլ մի քանիսը: Նրանք մերժել են անգամ գյուղի բնակիչներից մեկի տունը մատչելի գնով ձեռք բերելու ու այն վերակառուցելու մասին առաջարկը:
Խնդիրը կարգավորման պետական տիրույթից արդեն դուրս է: Շինությունները նվիրելու կամ այլ տարբերակով տնօրինելու իրավունքը մասնավորինն է, իսկ այդ ընկերության սեփականատերերը վաղուց Ախուրյանում չեն երևացել, իսկ ընկերության անվանումը բացակայում է Հայաստանի գործարար տեղեկատուի ցանկից:
14:00 23.07.2025
Պեսկովը հայտնել է, որ ռուսական պատվիրակությունը բանակցությունների համար մեկնում է ՍտամբուլՌուսական պատվիրակությունը մեկնել է Ստամբուլ, որտեղ հուլիսի 23-ին կկայանա Ուկրաինայի հետ բանակցությունների երրորդ փուլը։ Այս մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը։ «Իսկապես, մեր պատվիրակությունը մեկնել է Ստամբուլ, և իսկապես, երեկոյան նախատեսված են բանակցություններ։ Սա կլինի ռուս-ուկրաինական ուղիղ բանակցությունների երրորդ փուլը», – ասել է Պեսկովը՝ պատասխանելով լրագրողների խնդրանքներին՝ հաստատել թուրքական վարչակազմի այն […] ...
13:47 23.07.2025
Գլխավոր դատախազությունը պահանջում է դատավոր Սամվել Մարդանյանից բռնագանձել անշարժ գույքեր և դրամական միջոցներՀակակոռուպցիոն դատարանը վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը: Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ դատավոր Սամվել Կոստյայի Մարդանյանից, նրա կնոջից և որդուց հօգուտ Հայաստանի Հանրապետության բռնագանձել՝ 3 անշարժ գույք, 1 տրանսպորտային միջոց, շուրջ 203 միլիոն դրամ՝ որպես ապօրինի եկամտի մնացորդի և […] ...
13:33 23.07.2025
ԿԳՄՍ նախարարությունը հանրակրթական դպրոցների ուսուցիչներին հրավիրում է առցանց հանդիպման2025-2026 ուսումնական տարվա մեկնարկին ընդառաջ՝ ԿԳՄՍ նախարարությունը հանրակրթական դպրոցների ուսուցիչներին հրավիրում է առցանց հանդիպման, որը կանցկացվի օգոստոսի 13-ին՝ ժամը 10։00-ին։ Հանդիպման ընթացքում ԿԳՄՍ նախարարի տեղակալ Արաքսիա Սվաջյանը, ԿԶՆԱԿ-ի տնօրեն Արտաշես Թորոսյանը, ԿՏԱԿ-ի տնօրեն Արտակ Պողոսյանը, ինչպես նաև հանրակրթության ոլորտի այլ պատասխանատուներ կներկայացնեն պարզաբանումներ հանրակրթության ոլորտին առնչվող հարցերի վերաբերյալ: Հանդիպմանը մասնակցելու համար ուսուցիչները մինչև օգոստոսի 8-ը […] ...
13:20 23.07.2025
Նորատուսի համայնքի մանկապարտեզում շահագործման հանձնվեց կեղտաջրերի մաքրման կայան՝ Սևանա լճի պահպանության նպատակովՍևանա լճի պահպանության ուղղությամբ հերթական գործնական քայլն իրականացվեց Նորատուս համայնքում։ «EU4Sevan» ծրագրի շրջանակում Նորատուսի թիվ 2 մանկապարտեզի տարածքում բացվեց կենսաբանական մաքրման ապակենտրոնացված կայան, որն ապահովելու է մանկապարտեզի կեղտաջրերի անվտանգ մաքրմանը և թույլ կտա մաքրված ջուրը կիրառել ոռոգման նպատակով։ Նոր կայանը ոչ միայն էկոլոգիական, այլև կրթական դեր է ստանձնում։ Նրա տեղակայումը հենց մանկապարտեզում խորհրդանշում է մաքուր […] ...
13:07 23.07.2025
Վարդավառը՝ ձնոցիով․ Երևանի քաղաքապետարանը հրավիրում է Երևանի գեղասահքի և հոկեյի մարզադպրոցՀուլիսի 27-ին՝ ժամը 13:00-ից մինչև 18:00-ը, Երևանի քաղաքապետարանը հրավիրում է Երևանի գեղասահքի և հոկեյի մարզադպրոց՝ միասին նշելու Վարդավառը՝ ուրախ ու գունեղ մթնոլորտում: Ավանդական ջրոցիից բացի սպասվում է ձնոցի, փրփուրի շոու, լարախաղաց, պլանետարիում: Երեխաները հնարավորություն կունենան օգտվել տարածքում տեղադրված բատուտից, նկարվել photobooth-ում՝ տեղում վերցնելով լուսանկարները, նաև ակվագրիմ ունենալ, պարել և սնվել: ...
12:54 23.07.2025
Կարեն Նալբանդյանը և Գևորգ Հովհաննիսյանը՝ ՈւԵՖԱ Կոնֆերենցիաների լիգայի հանդիպումների մրցավարների տեսուչներՀուլիսի 24-ին կկայանան ՈւԵՖԱ Կոնֆերենցիաների լիգայի որակավորման երկրորդ փուլի հանդիպումները։ Ղազախստանի մայրաքաղաք Աստանայում կկայանա «Աստանա» (Ղազախստան) – «Զիմբրու» (Մոլդովա) հանդիպումը, որի մրցավարների տեսուչ է նշանակվել Կարեն Նալբանդյանը: Լեհաստանի Չեստոխովա քաղաքում էլ կկայանա «Ռակով» (Լեհաստան)-«Ժիլինա» (Սլովակիա) հանդիպումը: Այս հանդիպման մրցավարների տեսուչը կլինի Գևորգ Հովհաննիսյանը: ...
