19:44 09.03.2019
2010 և 2012 թվականներին Գյումրիի Մուշ 2-2 թաղամասում կառուցված բնակարանների սեփականաշնորհումը կվերսկսվի: Գործընթացը երկու տարուց ավելի է` դադարեցված է: Պատճառը քաղաքաշինության պետական կոմիտեի հաշվեկշռից քաղաքապետարանին փոխանցման պրոցեսն էր, որը ձգձգվում էր: Շենքերը հիմա քաղաքապետարանի հաշվեկշռում են, բայց բնակարանների սեփականաշնորհումը վերսկսելու համար ավագանու որոշում է պետք:
Ընդհանուր առմամբ, Մուշ 2-2 թաղամասում դեռ 494 բնակարան սեփականաշնորհված չէ բնակարանատերերի փաստաթղթային խնդիրների պատճառով:
1056 բնակարան կառուցվել է 2010 թվականին, ևս 1756-ը` 2012 թվականին: Երկու փուլով կառուցված բնակարանների սեփականաշնորհումը պետական ֆինանսավորմամբ կատարվեց մինչև 2016 թվականի վերջը: Կառավարությունը ֆինանսավորում էր այն բնակարանների սեփականաշնորհումը, որոնց տերերը փաստաթղթային խնդիրներ չունեին և ամենակարևորը, որոնց տնակներն ապամոնտաժված էին ու կային քանդման ակտերը:
Սա անլուծելի հարց էր բազմանդամ ընտանիքների համար, որոնք հատկացված բնակարանում չէին տեղավորվել, մի մասը տնակում էր մնացել, ըստ այդմ էլ քանդման ակտ ունենալ հնարավոր չէր: Հիմա բազմանդամ ընտանիքների բնակարանները սեփականաշնորհելու պայմանները փոխվել են` կառավարության որոշմամբ` թույլատրվում է տնակներից միայն մեկը քանդելու պայմանով սեփականաշնորհում կատարել, իսկ այն ընտանիքները, որոնք բազմանդամ չեն, բայց և տնակը չեն ապամոնտաժել, սեփականաշնորում չի թույլատրվում: Բնակարանի նկատմամբ սեփականության իրավունքի գործարք սկսելու խոչընդոտներից մեկն էլ բացակա անդամների լիազորագրերն են, որոնք շատերը չհասցրեցին սեփականաշնորհման համար սահմանված ժամկետներում ներկայացնել: Մուշ թաղամասում 494 չսեփականաշնորհված բնակարան կա: Դրանք հանձնված են քաղաքապետարանին:
«Շենքերն արդեն տիրապետում է քաղաքապետարանը, և քաղաքապետարանը պետք է սեփականաշնորհմամբ զբաղվի: Մարտի 12-ին Գյումրիի ավագանու նիստին ենք ներկայացնելու նախագիծ, որը վերաբերում է միայն Մուշ 2-2 թաղամասի 60 շենքերի թվով 494 բնակարաններին, որոնք դեռևս սեփականաշնորհված չեն, որպեսզի այդ բնակարանները նվիրատվության եղանակով օտարեն քաղաքացիներին»,- SHANTNEWS.am-ի հետ զրույցում տեղեկացրել է Գյումրիի քաղաքապետարանի բնակտնտեսության և համատիրությունների համակարգման բաժնի առաջատար մասնագետ Նարինե Մելքոնյանը:
Շենքերը քաղաքապետարանին հանձնելուց հետո 6-ամսյա ժամկետում է սեփականաշնորհումը վերսկսվում: Սա սահմանված կարգ է, իսկ Մուշ 2-2 թաղամասի դեպքում դա նաև փաստաթղթային խնդիրները լուծելու համար սահմանված ժամանակ է: Մինչև մարտի վերջ սեփականաշնորհումը կվերսկսվի, բայց արդեն առանց պետական ֆինանսավորման:
Նոտարական վավերացման և կադաստրային գրանցման բոլոր ծախսերը կատարելու են բնակիչները: Սա վերաբերում է նաև Կարմիր խաչ, Հանթսմանի թաղամասերի շենքերին, որոնք ավելի շուտ են կառուցվել, բայց նոր են փոխանցվել քաղաքապետարանի հաշվեկշիռ և դրանց սեփականաշնորհումը վերսկսելու հարցը մեկ ամսից նոր լուծում կստանա:
14:00 23.07.2025
Պեսկովը հայտնել է, որ ռուսական պատվիրակությունը բանակցությունների համար մեկնում է ՍտամբուլՌուսական պատվիրակությունը մեկնել է Ստամբուլ, որտեղ հուլիսի 23-ին կկայանա Ուկրաինայի հետ բանակցությունների երրորդ փուլը։ Այս մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը։ «Իսկապես, մեր պատվիրակությունը մեկնել է Ստամբուլ, և իսկապես, երեկոյան նախատեսված են բանակցություններ։ Սա կլինի ռուս-ուկրաինական ուղիղ բանակցությունների երրորդ փուլը», – ասել է Պեսկովը՝ պատասխանելով լրագրողների խնդրանքներին՝ հաստատել թուրքական վարչակազմի այն […] ...
13:47 23.07.2025
Գլխավոր դատախազությունը պահանջում է դատավոր Սամվել Մարդանյանից բռնագանձել անշարժ գույքեր և դրամական միջոցներՀակակոռուպցիոն դատարանը վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը: Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ դատավոր Սամվել Կոստյայի Մարդանյանից, նրա կնոջից և որդուց հօգուտ Հայաստանի Հանրապետության բռնագանձել՝ 3 անշարժ գույք, 1 տրանսպորտային միջոց, շուրջ 203 միլիոն դրամ՝ որպես ապօրինի եկամտի մնացորդի և […] ...
13:33 23.07.2025
ԿԳՄՍ նախարարությունը հանրակրթական դպրոցների ուսուցիչներին հրավիրում է առցանց հանդիպման2025-2026 ուսումնական տարվա մեկնարկին ընդառաջ՝ ԿԳՄՍ նախարարությունը հանրակրթական դպրոցների ուսուցիչներին հրավիրում է առցանց հանդիպման, որը կանցկացվի օգոստոսի 13-ին՝ ժամը 10։00-ին։ Հանդիպման ընթացքում ԿԳՄՍ նախարարի տեղակալ Արաքսիա Սվաջյանը, ԿԶՆԱԿ-ի տնօրեն Արտաշես Թորոսյանը, ԿՏԱԿ-ի տնօրեն Արտակ Պողոսյանը, ինչպես նաև հանրակրթության ոլորտի այլ պատասխանատուներ կներկայացնեն պարզաբանումներ հանրակրթության ոլորտին առնչվող հարցերի վերաբերյալ: Հանդիպմանը մասնակցելու համար ուսուցիչները մինչև օգոստոսի 8-ը […] ...
13:20 23.07.2025
Նորատուսի համայնքի մանկապարտեզում շահագործման հանձնվեց կեղտաջրերի մաքրման կայան՝ Սևանա լճի պահպանության նպատակովՍևանա լճի պահպանության ուղղությամբ հերթական գործնական քայլն իրականացվեց Նորատուս համայնքում։ «EU4Sevan» ծրագրի շրջանակում Նորատուսի թիվ 2 մանկապարտեզի տարածքում բացվեց կենսաբանական մաքրման ապակենտրոնացված կայան, որն ապահովելու է մանկապարտեզի կեղտաջրերի անվտանգ մաքրմանը և թույլ կտա մաքրված ջուրը կիրառել ոռոգման նպատակով։ Նոր կայանը ոչ միայն էկոլոգիական, այլև կրթական դեր է ստանձնում։ Նրա տեղակայումը հենց մանկապարտեզում խորհրդանշում է մաքուր […] ...
13:07 23.07.2025
Վարդավառը՝ ձնոցիով․ Երևանի քաղաքապետարանը հրավիրում է Երևանի գեղասահքի և հոկեյի մարզադպրոցՀուլիսի 27-ին՝ ժամը 13:00-ից մինչև 18:00-ը, Երևանի քաղաքապետարանը հրավիրում է Երևանի գեղասահքի և հոկեյի մարզադպրոց՝ միասին նշելու Վարդավառը՝ ուրախ ու գունեղ մթնոլորտում: Ավանդական ջրոցիից բացի սպասվում է ձնոցի, փրփուրի շոու, լարախաղաց, պլանետարիում: Երեխաները հնարավորություն կունենան օգտվել տարածքում տեղադրված բատուտից, նկարվել photobooth-ում՝ տեղում վերցնելով լուսանկարները, նաև ակվագրիմ ունենալ, պարել և սնվել: ...
12:54 23.07.2025
Կարեն Նալբանդյանը և Գևորգ Հովհաննիսյանը՝ ՈւԵՖԱ Կոնֆերենցիաների լիգայի հանդիպումների մրցավարների տեսուչներՀուլիսի 24-ին կկայանան ՈւԵՖԱ Կոնֆերենցիաների լիգայի որակավորման երկրորդ փուլի հանդիպումները։ Ղազախստանի մայրաքաղաք Աստանայում կկայանա «Աստանա» (Ղազախստան) – «Զիմբրու» (Մոլդովա) հանդիպումը, որի մրցավարների տեսուչ է նշանակվել Կարեն Նալբանդյանը: Լեհաստանի Չեստոխովա քաղաքում էլ կկայանա «Ռակով» (Լեհաստան)-«Ժիլինա» (Սլովակիա) հանդիպումը: Այս հանդիպման մրցավարների տեսուչը կլինի Գևորգ Հովհաննիսյանը: ...
