21:18 15.03.2019
Ջուլիետա Ղուկասյանին ծեծելով մահվան հասցնելու մեջ մեղադրվող ռուս զինծառայողին ռազմաբազայից Հայաստանի քրեակատարողական հիմնարկ տեղափոխելու բողոքի քննությունը Շիրակի մարզի ընդհանուր իրավասության դատարանում երկրորդ անգամ է չի կայանում:
Հիշեցնենք, որ Ջուլիետա Ղուկասյանի իրավահաջորդի ներկայացուցիչները ռուս զինծառայողին քրեակատարողական հիմնարկ տեղափոխելու մասին միջնորդություն էին ներկայացրել նախաքննական մարմնին, որը մերժել էր, որպես հիմնավորում ներկայացնելով այն, որ կխախտվի Ռուսաստանի Դաշնության օրենսդրությունը: Մերժումը բողոքարկել են դատարանում, իսկ բողոքի քննություն, որպես այդպիսին, դեռ տեղի չի ունեցել նիստերին քննիչի բացակայության և նոր դատախազի ներգրավելու պատճառով:
Ջուլիետա Ղուկասյանի իրավահաջորդի փաստաբանների բողոքի քննության երկրորդ նիստն էր, որն այսօր կես ժամ ուշացումով մեկնարկեց: Փոխվել էր գործում ներգրավված պետմեղադրողը: Նախորդն արձակուրդում է:
Նիստը սկսվեց նոր պետմեղադրողի միջնորդությամբ, որով ժամանակ էր խնդրում բողոքի նյութերին ծանոթանալու համար: Տուժողի իրավահաջորդի փաստաբանն էլ սա որակեց ընդամենը բողոքի քննությունը ձգձգելու պատրվակ: Բողոքի բովանդակությունը, ըստ փաստաբան Արայիկ Զալյանի, ծավալուն չէ, ծանոթանալու համար մի քանի ժամն էլ, ըստ նրա, բավարար է:
«Արհեստականորեն գործի քննությունը ձգձգելու ինչ-որ միտում ունի դատախազությունը: Չգիտեմ, թե դա ինչով է պայմանավորված՝ գործի ավարտը հայտարարելով, կամ չգիտեմ ինչով: Ամեն դեպքում այսօրվա դատական նիստին հանպատրաստի ներկայացան նմանատիպ գործով և այն պատճառաբանությամբ, թե դատախազը արձակուրդում է: Իրենք պետք է տեղյակ լինեին, որ տվյալ անձը արձակուրդի մեջ է և պետք է պատրաստված գային դատական նիստին »,- SHANTNEWS.am-ին ասել է տուժողի իրավահաջորդի ներկայացուցիչ Արայիկ Զալյանը:
Ջուլիետա Ղուկասյկանին ծեծելով մահվան հասցնելու գործի նախաքննությունն ավարտական փուլում է, այսինքն` շուտով դատարան կհասնի: Մինչ այդ կարևոր է, որ դատարանն ավարտի տուժողի իրավահաջորդների բողոքը` ռուս զինծառայողին քրեակատարաողական հիմնարկ տեղափոխելու մասին: Դատարանի որոշումից է կախված, թե Ջուլիետա Ղուկասյանին ծեծելով մահվան հասցնելու գործը կքննվի Շիրակի մարզի առաջին ատյանի՞ դատարանում, թե՞ նույն դատարանի կողմից, բայց ռուսական ռազմաբազայի տարածքում, ինչպես Պերմյակովի դեպքում էր:
«Ես հույս ունեմ, որ մեր դատարանները կգործեն օրենքի սահմաններում, և մենք չենք հայտնվի այդ իրավիճակում»,- ասել է Արայիկ Զալյանը:
Դատարանը հետաձգելու միջնորդությունը բավարարեց , բայց այսօրվա նիստում հասցրեց նաև որոշում կայացնել, որը վերաբերում էր դատական նիստերի լուսաբանմանը: Նիստը փակ ու առանց տեսախցիկների անցկացնելու հիմքեր չկան, ըստ այդմ՝ տեսանկարահանումը դատարանը թույլատրեց:
23:59 11.05.2025
Խեցեգործ Վարդանն ու նրա նկարչուհի կինը՝ Լիլիթը Սարյանի կտավները ներկայացնում են կերամիկայի միջոցովԽեցեգործ Վարդանն ու նրա նկարչուհի կինը՝ Լիլիթը, միասին հիմնել են «Մայոլիկա կերամիքս» ապրանքանիշը։ Այս մասին հայտնել են ՀՀ կառավարությունից: Համագործակցելով Մարտիրոս Սարյանի ժառանգների հետ` նկարչի կտավները ներկայացնում են կերամիկայի միջոցով՝ մայոլիկայի և մանրանկարչական ոճով։ Մանրամասները՝ տեսանյութում: ...
23:48 11.05.2025
ՃՏՊ Թալին-Արտենի ավտոճանապարհին․ կան տուժածներՄայիսի 11-ին, ժամը 18:13-ին Ճգնաժամային կառավարման ազգային կենտրոն ահազանգ է ստացվել, որ Արագած-Արտենի ավտոճանապարհին տեղի է ունեցել ՃՏՊ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Թալին-Արտենի ավտոճանապարհի 23-րդ կմ-ին «Mercedes-Benz» մակնիշի ավտոմեքենան բախվել է ճամփեզրի բետոնե արգելապատնեշին, գլորվել (մոտ 30 մ) և հայտնվել դաշտամիջյան հատվածում։ […] ...
23:38 11.05.2025
Երևանում գործող հայտնի սրճարաններից մեկում հայտնաբերվել է տղամարդու մարմինՄայիսի 11-ին, ողբերգական դեպք է տեղի ունեցել Երևանում։ Ժամը 20:30-ի սահմաններում ՀՀ Ներքին գործերի նախարարության Ոստիկանության համայնքային ոստիկանության գլխավոր վարչության կենտրոնականի բաժնում օպերատիվ տեղեկություններ են ստացվել որ Աբովյան փողոցի 23 հասցեում գործող «De France» սրճարանում դի կա։ Ինչպես հայտնում է shamsyan.com-ը, դեպքի վայր են ժամանել ոստիկանության Կենտրոնական բաժնի օպերատիվ խումբը: Տեղում պարզվել է, որ ստացված […] ...
23:17 11.05.2025
Աֆղանստանում արգելվել է շախմատըԱֆղանստանի առաքինությունների խթանման և արատների կանխարգելման նախարարությունը պաշտոնապես արգելել է շախմատը երկրում։ Այս մասին հայտնել է Khaama Press պորտալը։ Նշվում է, որ նախարարությունն արդեն լուծարել է Աֆղանստանի շախմատի ֆեդերացիան։ ...
22:56 11.05.2025
Al Arabiya. Իսրայելը հարվածներ է հասցնում Եմենի նավահանգիստներն Ալ-ՀոդեյդայումԻսրայելական ինքնաթիռները սկսել են հարվածել Եմենի Հոդեյդա, Ռաս Իսա և Աս-Սալիֆ նավահանգիստներին, որոնք գտնվում են Կարմիր ծովի ափին և գտնվում են հութիների վերահսկողության տակ: Այս մասին հաղորդում է Սաուդյան Արաբիայի Al Arabiya հեռուստաալիքը՝ հղում անելով իր աղբյուրներին։ Հութիների գլխավորած կառավարության Ներքին գործերի նախարարությունը նույնպես հայտարարել է, որ նահանգը ենթարկվել է իսրայելական հարձակման: Ավելի վաղ Իսրայելի […] ...
22:39 11.05.2025
Reuters. ԱՄՆ-ն և Չինաստանը համաձայնության են եկել առևտրային դեֆիցիտը կրճատելու հարցումԱՄՆ-ի և Չինաստանի պաշտոնյաները հայտարարել են, որ Ժնևում երկօրյա բանակցություններից հետո համաձայնության են եկել առևտրային դեֆիցիտը կրճատելու վերաբերյալ, որի մանրամասները կհայտարարվեն մայիսի 12-ին: Այս մասին հայտնել է Reuters-ը՝ հղում անելով բանակցություններին մասնակցող ամերիկյան պատվիրակության ներկայացուցիչներին: «ԱՄՆ առևտրային ներկայացուցիչ Ջեյմիսոն Գրիրը, որը մասնակցել է բանակցություններին (ԱՄՆ ֆինանսների նախարար Սքոթ) Բեսենտի, փոխվարչապետ Հե Լիֆենգի և երկու չինացի […] ...
