18:20 15.03.2019
Երեկ երեկոյան քարաթափում է տեղի ունեցել Գյումրիի վթարային շենքերից մեկում՝ Անտառավան 3-րդ թաղամասի 26 շենքում, հայտնում է SHANTNEWS.am-ի թղթակիցը:
Բնակիչների ահազանգով տարածք եկած փրկարարները զգուշացրել են, որ շենքում բնակվելը խիստ վտանգավոր է: Անտառավան 26 շենքը Գյումրիի խիստ վթարային 88 շենքերի ցանկում է, որը թեև փաստաթղթերով տարիներ շարունակ գնահատվել է 3-րդ աստիճանի, բայց փաստացի 4-րդ աստիճանի վթարայնության է:
Շենքում 60 ընտանիքից մնացել է 8-ը, մյուսները լքել են իրենց բնակարանները։ Անտառավան 26-ը Գյումրիի այն 88 վթարային շենքերից է, որ 30 տարում վերականգնման ծրագրերի բացակայության պատճառով ու տեղումների ազդեցությունից քայքայվում է:
Բաց տանիքով շենքում ձնհալն ու անձրևաջրերը ամեն տարի իրենց գործն անում են: 4-րդ ու 5-րդ հարկերի առաստաղն ու հատակն ամբողջությամբ քայքայված են: Հերթական քարաթափման պատճառը դարձյալ գարնանային տեղումներն են:
Շենքի այս մուտքում 2 ընտանիք է ապրում: Առաջին անգամ չէ, որ փրկարարների էին դիմավորում: Ամեն փլուզումից հետո գալիս են, արգելափակում տարածքը ու ասում, որ բնակվելն այստեղ խիստ վտանգավոր է, բայց բնակիչներին շենքից տեղափոխելու խնդիր հիմա էլ դրված չէ:
Վթարային շենքը ո´չ համատիրությունն է սպասարկում, ո´չ էլ ջրամատակարարը: Փաստաթղթերով 3-րդ, բայց փաստացի քանդման ենթակա շենք է համարվում: Քաղաքապետարանից որպես ներկայացուցիչ տարածք եկավ «Կենտրոն» համատիրության նախագահ Մովսես Ջուհարյանը ու հիշեցրեց, որ երբ բնակտնտեսության ղեկավարն էր, 2003-2004 թվականներին այս շենքը ամրացնելու հնարավորություն եղել է, բայց ասում է, բնակիչներն են խանգարել, շենքը ժամանակին չեն ազատել:
Բայց վթարայնությունը տարիներ առաջ չխանգարեց, որ բնակարանների ակտիվ առք ու վաճառք կատարվի բնակարանների գնման վկայագրերով: 10-15 տարի առաջ էժան բնակարաններ են գնել վթարային շենքում, նույնիսկ սեփականաշնորհել, ինչը չէր թույլատրվում: Այս շենքի բնակիչների մի մասը ժամանակին կորցրել է անօթևանության կարգավիճակը վթարային շենքում տուն գնելու պատճառով:
Փրկարարները որոշեցին արագ ապամոնտաժել փլուզված պատը: Քաղաքապետարանը տրամադրեց տեխնիկան:
Նրանք հեռացել էին շենքից, երբ բնակիչներից ահազանգ ստացվեց, որ շենքում կրկին փլուզում է տեղի ունեցել ու մեկ այլ հատվածում: 5-րդ հարկի պատշգամբի հատակն ամբողջությամբ փլուզվել էր:
Փրկարարները դարձյալ շենք են վերադարձել վնասազերծման աշխատանքներ կատարելու համար:
12:47 09.07.2025
Ի՞նչ անել, եթե անշարժ գույք եք հանձնել վարձակալության
23:00 09.07.2025
Սենսացիոն պաշտոնանկություն Ֆորմուլա 1-ումՔրիստիան Հորները հեռացվել է «Ռեդ Բուլի» գործադիր տնօրենի ու թիմի ղեկավարի պաշտոնից։ Այս մասին տեղեկացնում է ավստրիական կոնցեռնի մամուլի ծառայությունը։ «Ռեդ Բուլի» ղեկավարի պաշտոնը ստանձնել է Լորան Մեկիսը։ Նա այդ պաշտոնը զբաղեցրել է նաև «Ռեյսինգ Բուլզում»։ Հորները «Ռեդ Բուլում» աշխատում էր 2005 թվականից։ Նրա գլխավորությամբ ավստրիական թիմը 6 անգամ հաղթել է Կոնստրուկտորների գավաթը։ ...
22:50 09.07.2025
Անիի Մայր տաճարը Թուրքիայի իշխանությունները մտադիր են վերածել մզկիթիԹուրքիայի մշակույթի նախարարությունը որևէ կերպ չի մեկնաբանում մամուլ թափանցած տեղեկություններն այն մասին, որ Անիի Մայր տաճարը վերանորոգումից հետո ծառայելու է որպես մզկիթ: Նախարարությունը չի հաստատել այդ տեղեկությունները, բայց չի էլ հերքել: Ինչի՞ց սկսվեցին տարածվել այդ լուրերը: Թեմային «Հորիզոնի» տաղավարում անդրադարձել է Արտյոմ Երկանյանը։ «2012թ.-ին Հուշարձանների պաշտպանության միջազգային կազմակերպության գլխավոր ասամբլեայում ընդունվեց բանաձև՝ ուղղված Թուրքիային: Բանաձևը […] ...
22:45 09.07.2025
Արդյունավետ հանդիպում ունեցա ԱՄԷ նախագահի հետ․ ՓաշինյանՀՀ վարչապետ Նիկոլ Փաշինյանը Ֆեյսբուքի իր էջում գրել է, որ արդյունավետ հանդիպում է ունեցել ԱՄԷ նախագահ, շեյխ Մուհամմադ բին Զայեդ Ալ Նահյանի հետ։ Գրառմանը կից վարչապետը տեսանյութ է ներկայացրել։ Ավելի վաղ հայտնել էինք, որ Փաշինյանն աշխատանքային այցով ժամանել է Արաբական Միացյալ Էմիրություններ: Աբու Դաբիի միջազգային օդանավակայանում ՀՀ վարչապետին դիմավորել է ԱՄԷ փոխվարչապետ, Արտաքին գործերի նախարար […] ...
22:38 09.07.2025
Հուսով եմ՝ ԵՄ անդամակցության շուրջ բանակցությունները կսկսվեն մոտ ապագայում․ Իտալիայի նախագահը՝ ԶելենսկունՈւկրաինայի ԵՄ-ին անդամակցության վերաբերյալ բանակցությունները կսկսվեն մոտ ապագայում, Իտալիան կաջակցի այս որոշմանը, չորեքշաբթի օրը հայտարարել է հանրապետության նախագահ Սերջիո Մատարելան։ «Հուսով եմ, որ այս թեմայի շուրջ բանակցությունները կսկսվեն մոտ ապագայում», – իտալական La Repubblica թերթի հաղորդմամբ՝ ասել է Մատարելան Ուկրաինայի նախագահ Վլադիմիր Զելենսկու հետ հանդիպման ժամանակ։ Մատարելան, հղում անելով ՆԱՏՕ-ի վերջին գագաթնաժողովի եզրափակիչ հայտարարությանը, կրկին […] ...
22:25 09.07.2025
«Արարատ-Արմենիան» հաղթել է վրացական «Թելավիին»«Արարատ-Արմենիան» ընկերական խաղում 4-2 հաշվով հաղթել է Վրաստանի բարձրագույն խմբում հանդես եկող «Թելավիին»։ Տուլիպայի գլխավորած թիմից գոլերը խփել են Ժոաու Լիման, Մեթյու Գբոմադուն, Միսակ Հակոբյանն ու Էդգար Գրիգորյանը։ Այս խաղով «Արարատ-Արմենիան» ավարտել է ուսումնամարզական հավաքը Վրաստանում։ Ակումբի հաջորդ հանդիպումը նախատեսված է հուլիսի 24-ին։ Կոնֆերենցիաների լիգայի որակավորման երկրորդ փուլի առաջին խաղում Երևանում «Արարատ-Արմենիան» կմրցի ռումինական «Ունիվերսիտատեա […] ...
22:10 09.07.2025
Եվրախորհրդարանը Վրաստանն անվանել է «անօրինական ռեժիմի կողմից գերեվարված երկիր»Եվրոպական խորհրդարանը հաստատել է Վրաստանի վերաբերյալ կոշտ զեկույցը, որը մերժում է ներկայիս միակուսակցական խորհրդարանի և Վրաստանի նախագահի լեգիտիմությունը՝ այն անվանելով «Վրացական երազանքի անօրինական ռեժիմի կողմից գերեվարված պետություն»։ Փաստաթուղթը հաստատվել է չորեքշաբթի՝ հուլիսի 9-ին, 490 կողմ, 147 դեմ և 49 ձեռնպահ ձայների հարաբերակցությամբ։ Եվրախորհրդարանը կոչ է անում Վրաստանին անցկացնել նոր ընտրություններ։ ...
