Կենդանաբանական այգու սպիտակ վագրի լեյկոզի ախտորոշումն անգրագիտություն է. կենդանասերներ

Օրերս Երևանի կենդանաբանական այգին իր ֆեյսբուքյան էջում տեղեկություն էր տարածել, որ սպիտակ վագրի մոտ ախտորոշվել է լեյկոզ:

«Սոնոգրաֆիան ի հայտ բերեց, որ կենդանու մոտ կա ընդգծված երիկամային անբավարարություն, իսկ արյան լաբորատոր հետազոտությունների արդյունքում ախտորոշվեց լեյկոզ:

Ախտորոշումից հետո կրկին հրավիրվեց օնլայն կոնսիլիում. այժմ մշակվում է բուժման սխեման, իսկ առաջիկայում Հայաստան կժամանեն մեր գործընկերները իրավիճակին տեղում ծանոթանալու և մասնագիտական աջակցություն ցուցաբերելու համար»,- ասված էր կենդանաբանական այգու տարածած հայտարարությունում:

https://www.facebook.com/yerevanzoo.am/posts/2554653614564357?__xts__[0]=68.ARDgjr-fMcxiTE6idbR-LUWR0i7Dug9LpqaWs4WjTjN6GDTWbatFf2jAMfiJ99pzC1cUTdlAqGizQvieQiEr3jVoLjIKLWOwvCacNsta08Ar8MH9yOif9TUzYnRFb8k_Q_w-NuUBKDDolMS8UGY2Fchja2pvAQ3xu7GxOCN-eWCAVULE9Cd8jM64NSgbZbvqhElFQX5Dn9mG1_EKe9EP3NgJ1nQOyEIMaPWo6hmszAKTLf93wVaGu1XSqVPyPTBYSnwWCRfsFjonbh36VsAnHozezvumoX-7E_akNPRRfTY_hlpDriPrwnADySRNjfuQmtHAPFLt87ynpt-MuN8MsHMVxg&__tn__=-R

Այսօր հրավիրված մամուլի ասուլիսի ժամանակ կենդանասերները նշում են, որն վագրին նման ախտորոշում տալն ակնհայտ անգրագիտություն է, քանի որ լեյկոզը կատվազգիների մոտ վիրուսային բնույթ կրող հիվանդություն է և ախտորոշումը չի կարող լինել մեկանգամյա անալիզով այն դեպքում, երբ Հայաստանում նման անալիզ իրականացնելն անհնարին է:

«Ոչ մի տեղեկություն չի տրվել, թե որտեղ է եղել այդ անալիզը և ինչ հիմունքներով են նման ախտորոշում տվել: Ախտորոշումը եղել է նրանով, որ կենդանու մոտ եղել է քթի արնահոսություն: Մինչդեռ քթի արնահոսությունը կատվազգիների մոտ զուգավորման շրջանում սովորական երևույթ է»,- ասել է Երևանի կենդանաբանական այգու նախկին անասնաբույժ Անուշ Ռաֆայելյանը:

Անասնաբույժը նշում է` ստացվում է կենդանաբանական այգում չկա մասնագետ, որը կկարողանա տարբերել լեյկոզը կենդանու սովորական սեռական ակտիվության շրջանից: Նա նշում է, որ սա վագրի հետ կապված երկրորդ առեղծվածային դեպքն է, առաջին դեպքն Ամուրյան վագրի հետ էր կապված, որի անկման վերաբերյալ ՍԱՊԾ լաբորատորիան եզրակացություն է տվել, թե կենդանին սատկել է կովի հիվանդությունից:

«Հիմա արդեն ունենք երկրորդ վագրի դեպքը ու շատ ցավալի է, քանի որ հազվագյուտ և թանկարժեք կենդանի է»,- ասել է Անուշ Ռաֆայելյանը:

Կենդանաբանական այգին իր հայտարարության մեջ գրել է նաև, որ կենդանու ծագումն անհայտ է և տարիքը հստակ չէ: Մինչդեռ Անուշ Ռաֆայելյանը նշում է, որ այդ վագրին բերել են Բելգիայից 2009 թվականին: Այն ժամանակ վագրը եղել է 1 տարեկան, այսինքն` հիմա 11 տարեկան է:

Անուշ Ռաֆայելյանը նաև հավելեց, որ եթե իրականում դա լեյկոզ է, ապա մեր հանրապետությունում ունենք խնդիր, քանի որ եթե կատուն վարակվել է լեյկոզով, ապա այստեղ համաճարակ կարող է հասունանալ:

«Ինչո՞ւ միջոցառումներ չեն ձեռնարկվում և մնացած կատվազգիները չեն ստուգվում: Ինչո՞ւ պաշտոնապես չի հայտարարվում վիրուսի հայտնաբերման մասին»,- հարցադրումներ է արել անասնաբույժը:

Երևանի կենդանաբանական այգու ակվատերարիումի նախկին ղեկավար Կարեն Մարտիրոսյանն է այլ ամենին հավելեց, որ տեղեկացել է, որ այգում բազմաթիվ սողուններ են սատկել և դրանց մասին ընդհանրապես չեն բարձրաձայնում:

«Ես մի քանի օր առաջ եմ իմացել, որ շառաչող հազվագյուտ բոժոժավոր օձն է սատկել, իգուանայի էգն է սատկել: Ոչ մի պարզաբանում չկա, թե ինչու են սատկել»,- շեշտել է Կարեն Մարտիրոսյանը: