18:16 29.05.2019
ԱԺ-ում կառավարության հետ հարցուպատասխանի ժամանակ «Իմ քայլը» դաշինքի պատգամավոր Արտաշես Պետրոսյանը բարձրացրեց այս պահին Արագածավանում բողոքող հողօգտագործողների պահանջը:
«Գյուղացիները փակել են միջպետական ճանապարհն ու երկաթուղին ու պահանջում են ոռոգման ջրի գնի վերանայում: Որքանո՞վ է հիմնավորված նրանց պահանջը և ի՞նչ լուծումներ կան այս հարցի վերաբերյալ»,- ասաց պատգամավորը:
Հարցին ի պատասխան` տարածքային կառավարման և զարգացման նախարար Սուրեն Պապիկյանը նշեց, որ տեղեկացել է ճանապարհների փակվելու մասին:
«Երկու անգամ Ջրային կոմիտեի մեր գործընկերները գնացել են և տեղում քննարկել քաղաքացիների հետ հարցը, փորձել են լուծումներ գտնել»,- ասել է Պապիկյանը:
Հողօգտագործողների պահանջի հիմնավոր կամ չհիմնավոր լինելուն անդրադառնալով` նախարարն ասել է, որ ՀՀ-ում ջրօգտագործողների ընկերությունը ջուրը ստանում են ջրառից 1.01 դրամով և հանձնում են գյուղացուն 11 դրամով, բայց սա ընդամենը այդ ջրի սակագնի կեսն է, որովհետև մնացածը՝ 50 տոկոսը, սուբսիդավորում է ՀՀ-ն: Ըստ այդմ` ոռոգման ջրի միջինացված գինը կազմում է 22 դրամ:
«Ինքնահոս տարբերակով ստացված ջուրը մատչելի է, բայց խորքային հորերից մեխանիկական եղանակով ստացված ջուրը հաճախ տարբեր տեղերում 1 խմ-ի համար հասնում է մոտավորապես 150 դրամ, նույնիսկ ավելի: Այդ միջինացված գնից զատ, ՀՀ կառավարությունը իր տված սուբսիդիայով չի կարողանում այսօր բավարարել ջրօգտագործողների ընկերության և ընդհանրապես Ջրային կոմիտեների ծախսի ինքնածածկումը: Սա մեծ խնդիր է»,- ասաց Սուրեն Պապիկյանը:
Նախարարը նաև նշեց, որ այս տարի մոնիթորինգ են անցկացնելու, որ իրենց կողմից վերահսկելի լինի ջրի ամբողջական հոսքը, որ կարողանան կառավարել ջրի արհեստական կորուստները: Հայտնի է նաև, որ հիմա պատկան մարմինները ստուգումներ են անցկացնում ջրային ընկերություններում, որոնց մի մասում հայտնաբերել են խախտումներ և հարուցվել են քրեական գործեր:
«Սա համալիր լուծում է պահանջում, իսկ արագածավանցիներին ես խնդրում եմ ուղղակի բացել ճանապարհը և քննարկումներն ու իրենց պահանջը տեղափոխել ՀՀ ջրային կոմիտե, որտեղ քննարկում կլինի, և եթե հիմնավորված են ու եղել են չարաշահումներ, ապա մենք կարող ենք դա քննարկել, հասկանալ: Իսկ եթե ուղղակի ցանկություն կա, որ այս փուլում ջրի սակագինը իջնի, ապա այս փուլում կառավարությունն ի վիճակի չէ ջրի սակագնի փոփոխություն կատարել, քանի որ մենք չենք կարող տեղայնական լուծումներ տալ»,- հավելեց Պապիկյանը:
20:12 14.05.2025
Միրզոյանն ու Կալասը քննարկել են ՀՀ-ԵՄ գործընկերության խորացման հարցում ձևավորված տեսլականն ու հեռանկարներըՄայիսի 14-ին ՀՀ արտաքին գործերի նախարար Արարատ Միրզոյանն աշխատանքային այց է կատարել նաև Բրյուսել: Նախարար Միրզոյանը հանդիպում է ունեցել Եվրոպական հանձնաժողովի փոխնախագահ, ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասի հետ։ Այս մասին հայտնել են ԱԳՆ-ից: Զրուցակիցները քննարկել են ՀՀ-ԵՄ գործընկերության խորացման հարցում ձևավորված տեսլականն ու հեռանկարները, ինչպես նաև համատեղ աշխատանքներն՝ ուղղված […] ...
19:54 14.05.2025
Անչելոտին ցանկանում է Ոսկե գնդակի դափնեկրին տեսնել Բրազիլիայի հավաքականի իր մարզչական շտաբումԲրազիլիայի հավաքականի նորանշանակ գլխավոր մարզիչ Կառլո Անչելոտին մի քանի բրազիլացի աստղերի առաջարկել է միանալ իր մարզչական շտաբին, հաղորդում է CNN Brazil-ը։ Նշվում է, որ այդ աստղերից մեկը Կական է, որն իտալացի մասնագետի ղեկավարությամբ 2007 թվականին նվաճել է «Ոսկե գնդակը»։ Անչելոտին արդեն կապ է հաստատել Կակայի հետ այս հարցի շուրջ։ Նրա վերջնական պատասխանը մնում է անհայտ, […] ...
19:47 14.05.2025
Քննարկվել են ճանապարհների ընթացիկ պահպանմանն առնչվող հարցեր«Ճանապարհային դեպարտամենտ» հիմնադրամի գործադիր տնօրեն Արկադի Չերչինյանը հանդիպել է ՀՀ միջպետական և հանրապետական նշանակության ավտոճանապարհների ամառային և ձմեռային պահպանում իրականացնող կազմակերպությունների ղեկավարների հետ։ Մասնակցում էին նաև ՀՀ ՏԿԵ նախարարի խորհրդական Արման Խաչատրյանը, Ճանապարհային դեպարտամենտի փոխտնօրեն Սերժիկ Պետրոսյանը, դեպարտամենտի ճանապարհների պահպանման և շահագործման բաժնի աշխատակիցները։ Քննարկվել են ճանապարհների ընթացիկ պահպանմանն առնչվող հարցեր։ Հիմնադրամի գործադիր տնօրենը շեշտել […] ...
19:40 14.05.2025
Գևորգ Պապոյանն ընդունել է «Յովիան» երիտասարդական միավորման ներկայացուցիչներինՄայիսի 14-ին ՀՀ էկոնոմիկայի նախարար Գևորգ Պապոյանն ընդունել է «Յովիան» երիտասարդական միավորման ներկայացուցիչներին։ Հանդիպմանը մասնակցել են ՀՀ տարբեր համալսարանների ուսանողներ, որոնք հետաքրքրված են Հայաստանի տնտեսական զարգացման գործընթացներով։ Նախարարը ներկայացրել է նախարարության գործառույթներն ու կառուցվածքը՝ անդրադառնալով տնտեսական քաղաքականության հիմնական ուղղություններին։ Նա պատասխանել է ուսանողների հարցերին, որոնք վերաբերում էին արտահանման և ներմուծման դիվերսիֆիկացմանը, ներդրումների խթանմանը, ստվերային տնտեսության […] ...
19:34 14.05.2025
Արարատի մարզում «Honda»-ն բախվել է երկաթե արգելապատնեշներին և գլխիվայր հայտնվել դաշտումԱյսօր՝ մայիսի 14-ին, ավտովթար է տեղի ունեցել Արարատի մարզում: Ժամը 17:20-ի սահմաններում «Honda» մակնիշի ավտոմեքենան Երևան-Երասխ ավտոճանապարհի Ազատավան բնակավայրի վարչական տարածքում՝ դեպի Երասխ ընթանալիս, դեռևս անհայտ հանգամանքներում դուրս է եկել երթևեկելի գոտուց, բախվել երկաթե արգելապատնեշներին, մի քանիսը կոտրել, հայտնվել դաշտում, բախվել ջրատար բետոնե խողովակին և գլխիվայր շրջվել: Ինչպես հայտնում է shamshyan.com-ը, վթարի հետևանքով վարորդն ու […] ...
