18:15 29.08.2019
Մեծ Բրիտանիան Եվրամիությանն է միացել 1973թ.: 2016-ին՝ կառույցի կազմում 43 տարի մնալուց հետո, բրիտանացիները հանրաքվեի միջոցով որոշեցին դուրս գալ Եվրամիությունից, սակայն «Բրեքսիթի» գործընթացն անընդհատ ձգձգվում է:
Մեծ Բրիտանիայի նախորդ վարչապետ Թերեզա Մեյի հրաժարականի պատճառն այն էր, որ «Բրեքսիթի» հարցով ԵՄ-ի հետ կնքված պայմանագիրը բազմիցս մերժվել էր պատգամավորների կողմից:
Մեծ Բրիտանիան Եվրամիությունը լքելու երկու տարբերակ ունի՝ համաձայնագրով և առանց համաձայնագրի: BBC-ի ռուսական ծառայության փոխանցմամբ՝ Եվրամիության կազմից համաձայնագրով դուրս գալու դեպքում ևս 2-3 տարի ամեն ինչ կընթանա առաջվա նման, և այդ ընթացքում փոխհամաձայնություններ ձեռք կբերվեն ապագա հարաբերությունների մասին: Իսկ կոշտ «Բրեքսիթը» ենթադրում է, որ կառույցի հետ բոլոր կապերն անմիջապես կկտրվեն, և հարկավոր կլինի առևտրային արդեն նոր գործընկերոջ կարգավիճակով զրոյից պայմանավորվել հարաբերությունների հետագա զարգացման շուրջ:
Նորընտիր վարչապետ Բորիս Ջոնսոնը կոշտ «Բրեքսիթի» կողմնակից է: Ջոնսոնը նաև շատ վճռական քաղաքականություն է դրսևորել երկրի խորհրդարանի նկատմամբ. նա ստացել է թագուհու համաձայնությունը և գրեթե 5 շաբաթով դադարեցրել Համայնքների պալատի աշխատանքը:
«Մենք չենք պատրաստվում սպասել մինչև հոկտեմբեր 31-ը, որպեսզի իրականացնենք այս երկիրն առաջ մղելու մեր ծրագրերը: Դա անելու համար մեզ նոր օրենսդրություն է հարկավոր: Մենք պետք է նոր և կարևոր օրինագծեր ընդունենք: Հենց այդ նպատակով էլ թագուհին ելույթ կունենա, և դա տեղի կունենա հոկտեմբերի 14-ին»,- ասել է Ջոնսոնը:
Կառավարությունը պնդում է, որ երբ հոկտեմբերի կեսերին խորհրդարանը վերսկսի աշխատանքը, «Բրեքսիթը» քննարկելու համար դեռ ժամանակ կմնա: Սակայն Ջոնսոնի քայլի ընդդիմադիրներն այդ կարծիքին չեն:
«Սա Սահմանադրության կոպիտ խախտում է: Սա վարչապետի կողմից փորձ է՝ շրջանցել խորհրդարանը և թույլ չտալ որևէ օրենսդրություն կամ քննարկում, որը կխոչընդոտի առանց համաձայնագրի «Բրեքսիթը»,- հայտարարել է ընդդիմադիր Լեյբորիստական կուսակցության առաջնորդ Ջերեմի Քորբինը:
We're doing everything we can to stop Boris Johnson's smash and grab against our democracy. pic.twitter.com/hox20SNOoC
— Jeremy Corbyn (@jeremycorbyn) August 28, 2019
Բորիս Ջոնսոնի որոշման դեմ Լոնդոնում հարյուրավոր մարդիկ ցույցի են դուրս եկել: Ցույցեր են կազմակերպվել նաև Մեծ Բրիտանիայի այլ քաղաքներում: Քննադատներից ոմանք էլ Բորիս Ջոնսոնին անվանել են բռնապետ:
Այնուամենայնիվ, ինչպես փոխանցում է BBC-ն, կառավարության աշխատանքը դադարեցնելով՝ Մեծ Բրիտանիայի վարչապետը որևէ օրենք չի խախտել. դա սովորական ընթացակարգ է խորհրդարանի նոր ծրագիրը նախապատրաստելուց առաջ: Պարզապես ընդդիմության տեսանկյունից այդ քայլը բոլորովին տեղին չէր այս պահին, երբ որոշվում է «Բրեքսիթի» ճակատագիրը:
Ի դեպ, «Բրեքսիթը» կանդրադառնա ոչ միայն Բրիտանիայի և Եվրամիության տնտեսության վրա: Եվրամիության 28 երկրների ընդհանուր ՀՆԱ-ն կազմում է 19 տրիլիոն դոլար: Դա համաշխարհային տնտեսության 20 տոկոսից ավելին է, հետևաբար, տվյալ տարածաշրջանում ցանկացած անկայունություն կանդրադառնա ողջ աշխարհի վրա:
Մեծ Բրիտանիան Եվրամիության կազմից պետք է դուրս գա հոկտեմբերի 31-ին:
22:25 07.05.2025
Կարծում եմ անկհայտ է, որ միջազգային հանրությունը, Արևմուտքը հստակ դիրքորոշում ունեն, որ չի կարելի թույլ տալ որևէ էսկալացիա«Հեռանկարն» այսօր հյուրընկալել է քաղաքագետ Էդգար Վարդանյանին։ Զրույցը ծավալվել է վերջին օրերի և սպասվող իրադարձությունների շուրջ։ Ճի՞շտ է վարչապետի Մոսկվա մեկնելը, թե ոչ։ Փորձագիտական շրջանակներում միանշանակ չէ կարծիքը, ոմանք ասում են, որ պետք չէ մեկնի, լուրջ հիմնավորումներ ներկայացնելով, մյուսները հակառակն են պնդում։ Արդյո՞ք ինչ-որ բան կփոխվի ԱՄՆ նոր վարչակազմի և ԵՄ-ի՝ Հայաստանի հանդեպ մոտեցումներում։ Իվերջո […] ...
22:12 07.05.2025
Տիգրան Մկրտչյանը դասախոսությամբ է հանդես եկել ամերիկյան Վեբստեր համալսարանի աթենքյան մասնաճյուղումԱմերիկյան Վեբստեր համալսարանի աթենքյան մասնաճյուղի հրավերով, համալսարանական «Դեսպանների դասախոսությունների շարք»-ում, համալսարանի ռեկտոր, պրոֆ․Վասիլիս Բոտոպուլոսի հրավերով դասախոսությամբ հանդես եկավ Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը։ Դասախոսության թեման էր՝ «Հայաստանի արտաքին քաղաքականությունը անհանգիստ ժամանակներում»։ Դասախոսության ընթացքում դեսպան Մկրտչյանն անդրադարձավ Հայաստան-Ադրբեջան հարաբերություններին և խաղաղության համաձայնագրի համաձայնեցմանը հաջորդող փուլին, Հայաստանի կողմից ներկայացված և միջազգային աջակցություն վայելով […] ...
21:45 07.05.2025
Ալիևը չի մասնակցի մայիսի 9-ին Մոսկվայում կայանալիք շքերթին. ՈւշակովԱդրբեջանի նախագահ Իլհամ Ալիևը չի մեկնի Մոսկվա՝ մասնակցելու Հաղթանակի 80-ամյակին նվիրված միջոցառումներին: Այս մասին հայկտարարել է Ռուսաստանի նախագահի օգնական Յուրի Ուշակովը։ «Մենք հաղորդագրություն ստացանք, որ Ալիևը, ցավոք, չի ժամանելու։ Նրանք բացատրեցին, որ նա պետք է մասնակցի Հեյդար Ալիևին նվիրված ներքին միջոցառումներին», – ասել է դիվանագետը: Մայիսի 10-ը Հեյդար Ալիևի ծննդյան օրն է, որը մահացել է […] ...
21:29 07.05.2025
Խորհրդարանը երկրորդ ընթերցմամբ քննարկել է ՀՀ ջրային օրենսգրքում փոփոխություններ և լրացում նախատեսող օրենքի նախագիծըԽորհրդարանը երկրորդ ընթերցմամբ քննարկել է ՀՀ ջրային օրենսգրքում փոփոխություններ և լրացում նախատեսող օրենքի նախագիծը, որը ներկայացրել է նախարարի տեղակալ Տիգրան Գաբրիելյանը։ Նախագծի ընդունմամբ կկարգավորվի գետերի հուների մաքրման գործընթացը, կհստակեցվեն ջրօգտագործման թույլտվության տրամադրման, վերանայման, կասեցման հետ կապված կարգավորումները, ինչն էլ կնպաստի ջրային ռեսուրսների արդյունավետ կառավարմանը: Շրջակա միջավայրի նախարարությունը մշակել է «Ջրային ռեսուրսի հունը կենցաղային աղբից, ջրաբերուկներից և […] ...
21:18 07.05.2025
Օրենսդրական կարգավորմամբ էկոպարեկային ծառայողների սոցիալական երաշխիք կսահմանվի դրամական օգնությունըԽորհրդարանը երկրորդ ընթերցմամբ քննարկել է «Էկոպարեկային ծառայության մասին» օրենքում փոփոխությունների նախագիծը: Նախագիծը ներկայացրել է Շրջակա միջավայրի նախարարի տեղակալ Արա Մկրտչյանը: Նախագծով սոցիալական երաշխիքներ է սահմանվում էկոպարեկային ծառայողին՝ իր պարտականությունները կատարելու ժամանակ հաշմանդամություն ունեցող անձ ճանաչվելու դեպքում, իսկ զոհվելու դեպքում՝ միանվագ դրամական օգնություն՝ ծառայողի մերձավոր հարազատին: Կարգավորմամբ էկոպարեկային ծառայողներն իրենց վերապահված լիազորությունները կիրականացնեն օրենքով սահմանված կարգով […] ...
