14:25 07.10.2019
WCIT 2019-ի ընթացքում կրթության, գիտության, մշակույթի և սպորտի նախարարության կողմից ստեղծված տաղավարի մոտ լրագրողների զրույցում կրթության, գիտության, մշակույթի և սպորտի նախարար Արայիկ Հարությունյանը, պատասխանելով հարցին, թե երբ մեր աշակերտները կունենան 21-րդ դարին հատուկ կրթություն, ասաց.
«Հետ ենք նայում մեր տաղավարին և տեսնում, որ մեր աշակերտներն այսպիսի նորարարություններ ներկայացնելու համար արդեն բավարար գիտելիքներ ունեն»:
Նախարարը, սակայն, դա բավարար չի համարում և կարծում է, որ պետք է զարգացվի ընդհանուր հանրակրթական ոլորտը:
«Գիտե՞ք՝ արդեն այս տարվա ընթացքում մենք ծրագրեր ենք իրականացնում, և դպրոցների շուրջ 50 տոկոսը կունենա ինժեներական լաբորատորիաներ, ինչը միջնաժամկետ կտրվածքով հսկայական ազդեցություն է ունենալու կրթական ոլորտի վրա: Իհարկե, հաջորդ տարի մենք ջանքեր կգործադրենք որպեսզի նման լաբորատորիաներ ունենանք մյուս 50 տոկոս դպրոցներում և, ըստ էության, ցիկլը փակված կհամարենք»,- ասաց Հարությունյանը՝ վստահություն հայտնելով, որ երեքից հինգ տարվա ընթացքում նախարարության տաղավարը բավարար չի լինելու նորարարությունները ներկայացնելու համար:
Անդրադառնալով բարձրագույն կրթության որակին՝ նա ասաց, որ մեր բուհերն ավարտած ուսանողներն աշխատում են առաջատար ընկերություններում անգամ մինչև համապատասխան բուհերի կամ կենտրոնների դասընթացների ավարտը: Միաժամանակ նա ընդգծեց, որ ճիշտ չի լինի ասել, թե մակարդակը բավարար է, և բոլոր ուսանողները, որոնք ավարտում են տեխնոլոգիական բուհեր կամ ֆակուլտետներ, պատրաստ են բարձրակարգ ընկերություններում աշխատելու:
«Իհարկե, բարելավելու շատ տեղ ունենք: Բայց մեր խորին համոզմունքն է, որ բուհերում լավագույն մասնագետներ պատրաստելու համար պետք է հիմքեր ստեղծենք հանրակրթության ոլորտում, ինչը և անում ենք»,- նշեց նախարարը՝ հավելելով, որ նախարարությունը հատուկ է ստեղծել այս հարթակը, որպեսզի հնարավորություն լինի կապեր հաստատելու համաժողովին այցելած առաջադեմ կազմակերպությունների հետ:
«Արդեն որոշակի քննարկումներ կան. գուցե ամսի 9-ին մենք քննարկենք և հասկանանք՝ ինչ կապեր են հաստատվել: Բայց այն, որ նախարարությունը ջանացել է իր կրթական առաջատար բրենդների համար կապեր հաստատելու հարցում, միանշանակ է: Այս միջոցառումը որոշակի միջոց է ամփոփելու այն, ինչ որ ունենք, նոր կապեր հաստատելու և դրանց միջոցով է՛լ ավելի զարգացնելու մեր կրթական ծրագրերը: Բայց այն, որ կրթական բրենդներն արդեն ներկայանալի են, և տաղավարն ամենամեծ հետաքրքրություն առաջացնողներից մեկն է, դա միանշանակ է»,- եզրափակեց Արայիկ Հարությունյանը:
23:22 15.05.2025
Տավուշի մարզի Ջուջևան գյուղում բախվել են «Mercedes Vito»-ն և «Opel Astra»-ն․ կա վիրավորՄայիսի 15-ին, ավտովթար է տեղի ունեցել Տավուշի մարզում։ Ժամը 18։00-ի սահմաններում Իջևան-Նոյեմբերյան ավտոճանապարհին՝ Ջուջևան գյուղի վարչական տարածքում բախվել են Տավուշի մարզի բնակիչներ 43-ամյա Սասուն Զ․-ի վարած «Opel Astra» մակնիշի և 26-ամյա Վահե Բ․-ի վարած «Mercedes Vito» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 1 հոգի մարմնական վնասվածքներով տեղափոխվել է «Նոյեմբերյան» բժշկական կենտրոն։ ...
23:16 15.05.2025
Տեղի է ունեցել «Քաղաքացիական պայմանագիր» կուսակցության Նախաձեռնող խմբի նիստՄայիսի 15-ին տեղի է ունեցել «Քաղաքացիական պայմանագիր» կուսակցության Նախաձեռնող խմբի նիստ: Քննարկվել են Գյումրիում հետընտրական զարգացումները։ ...
23:11 15.05.2025
ԵՄ ներկայացուցիչները ողջունել են Հայաստանի և Ադրբեջանի միջև խաղաղության համաձայնագրի տեքստի համաձայնեցումըՀայաստանի Հանրապետության վարչապետ Նիկոլ Փաշինյանը Տիրանայում անցկացվող Եվրոպական քաղաքական համայնքի 6-րդ գագաթնաժողովի շրջանակներում հանդիպում է ունեցել Եվրոպական խորհրդի նախագահ Անտոնիու Կոշտայի և Եվրոպական հանձնաժողովի նախագահ Ուրսուլա ֆոն դեր Լայենի հետ: Հանդիպման ընթացքում քննարկվել են Հայաստան-Եվրամիություն հարաբերությունների խորացմանն ուղղված օրակարգային հարցեր, ընդգծվել է երկկողմ համագործակցության շարունակական զարգացման կարևորությունը՝ հատկապես ժողովրդավարության ամրապնդման, տնտեսական ինտեգրման, ենթակառուցվածքների արդիականացման և […] ...
23:08 15.05.2025
Հայ հեծանվորդները միջազգային վարկանիշային մրցաշարի կմասնակցեն ԱստանայումՄայիսի 16-18-ն Աստանայում կանցկացվի հեծանվասպորտի միջազգային վարկանիշային «Silk Way Series Astana» մրցաշարը, որը ներառված է Միջազգային հեծանվային միության (UCI) օրացույցում և հնարավորություն է տալիս մարզիկներին վաստակել վարկանիշային միավորներ՝ աշխարհի առաջնություններին և Օլիմպիական խաղերին մասնակցելու համար։ Մրցաշարին կմասնակցեն մարզիկներ Հայաստանից, Ադրբեջանից, Լատվիայից, Լիտվայից, Ռուսաստանից, Բելառուսից, Ուզբեկստանից, Հունաստանից, Կորեայից և Ղազախստանից: Մրցումը տեղի կունենա «Սարյարկա» վելոդրոմում, որը […] ...
23:02 15.05.2025
Մայիսի 15-ն ընտանիքի միջազգային օրն էՄայիսի 15-ին նշվում է Ընտանիքի միջազգային օրը։ Այն հաստատվել է ՄԱԿ-ի Գլխավոր վեհաժողովի կողմից 1993 թվականին, թեեւ տոնի գաղափարը եղել է դեռեւս 80-ականներին։ Հայաստանում օրը նշելու որոշումը կայացվել է 2010 թվականի մայիսի 20-ին, իսկ 2011 թվականից՝ արդեն ամրագրվել օրենքում։ Մանրամասները՝ տեսանյութում: ...
22:51 15.05.2025
Թրամփն ասել է, որ Իրանի հետ միջուկային գործարքի կնքումն իրատեսական է դառնում․ ինչ կշահի դրանից ՀՀ-նԴոնալդ Թրամփը հայտարարել է, որ Իրանի հետ միջուկային գործարքի ստորագրումը շատ մոտ է: Իր լավատեսությունն ԱՄՆ նախագահը բացատրել է նրանով, որ Թեհրանը համաձայնել է Վաշինգտոնի պայմաններին: Իրանական կողմը հաստատո՞ւմ է այն, որ համաձայնագիրը կարող է շուտով ստորագրվել: Թեմային՝ «Հորիզոնի» տաղավարում անդրադարձել է Արտյոմ Երկանյանը. «Մինչ այդ ասեմ, որ Թրամփի հայտարարությունն իսկապես անսպասելի էր. քաթարցի և […] ...
