18:45 01.11.2019
«Հեռանկար»-ի տաղավարում ԱԺ փոխնախագահ Լենա Նազարյանն անդրադարձել է «Կուսակցությունների մասին» օրենքի փոփոխությանը.
«Մենք սկզբում կփոխենք «Կուսակցությունների մասին» օրենքը, հետո Ընտրական օրենսգիրքը, այնուհետև կաշխատենք Սահմանադրության փոփոխությունների վրա: Կարծում եմ՝ էստեղ տրամաբանության շեղում տեղի չի ունենում, որովհետև յուրաքանչյուր իրավական փաստաթուղթ իր խնդիրն է լուծում, և «Կուսակցությունների մասին» օրենքը ձևակերպում է այն միջավայրը, որը շատ կարևոր է մշակել, ունենալ»,- ասել է Նազարյանը:
Նա հիշեցրել է իրենց այն հայտարարության մասին, որ նախընտրում են համամասնական համակարգին անցնելը, ասել, որ Ընտրական օրենսգրքի քննարկումների ժամանակ դարձյալ կանդրադառնան այդ հարցին.
«Ազգային ժողովը շատ օրենքներ է քննարկում, բայց մենք բոլոր օրենքներին հատուկ չենք անդրադառնում: Ինչո՞ւ է «Կուսակցությունների մասին» օրենքը կարևոր, որովհետև այն սահմանում է որոշակի ընդհանուր կանոններ և սկզբունքներ, որոնք անհրաժեշտ են կուսակցական համակարգը, քաղաքական համակարգը կայացնելու, զարգացնելու համար: Ես համոզված եմ, որ կուսակցական համակարգն ուղիղ կապ ունի երկրի ժողովրդավարական համակարգի հետ: Մեր Սահմանադրությամբ և մեր օրենքներով՝ կուսակցությունները միակ գործիքն են, որով քաղաքական ուժերը մասնակցում են ընտրությունների, հաղթելու դեպքում կազմակերպում են տեղական կառավարումը, ձևավորում են խորհրդարան և կառավարություն: Այս պատճառով չափազանց կարևոր է, որ մենք հիմա քննարկենք, թե ինչ սկզբունքներով և ընդհանուր կանոններով են գործելու կուսակցությունները»:
Նազարյանը շեշտել է, որ շատ բան տրված է կուսակցությունների ինքնավարությանը, շատ բան պայմանավորված է նրանով, թե ինչ արժեքներ է դավանում կուսակցությունը, ինչ որոշումներ է կայացնում կուսակցության ղեկավար մարմինը, իսկ շատ բան պայմանավորված է նաև պետական ինստիտուտների կայացվածությամբ, օրենքներով, որ, անկախ նրանից՝ ինչ կուսակցություն է ղեկավար ուժ դառնում, այն լինի թափանցիկ, ոչ խտրական վերաբերմունք ցուցաբերի կառավարությունում սեռերի ներկայացվածությանը:
ԱԺ փոխնախագահը հավելել է, որ ամեն դեպքում կուսակցությունները պետք է նաև ենթարկվեն որոշակի կանոնների ու սկզբունքների:
18:30 15.07.2025
ԵՄ-ն պատժամիջոցներ է սահմանել Իրանի ութ քաղաքացիների նկատմամբ՝ մարդու իրավունքների խախտումների համարԵՄ արտաքին գործերի նախարարները պատժամիջոցներ են սահմանել Իրանի ութ քաղաքացիների նկատմամբ՝ ընդդիմությանը հետապնդելու և մարդու իրավունքները խախտելու համար։ Այս մասին ասվում է ԵՄ խորհրդի հայտարարության մեջ, որն ընդունվել է Բրյուսելում ԵՄ արտաքին գործերի նախարարների նիստից հետո։ «ԵՄ խորհուրդը պատժամիջոցներ է կիրառել իրանցի ութ անհատների և մեկ կազմակերպության նկատմամբ՝ մարդու իրավունքների խախտումների և սահմանային ճնշումների համար», […] ...
18:02 15.07.2025
Քրեական ոստիկանները բացահայտել են համակարգչային հափշտակություններ կատարող հանցավոր կազմակերպությունԱյս տարվա փետրվարին Քրեական ոստիկանության կիբեռհանցագործությունների դեմ պայքարի վարչությունում ստացվել էին հանցավոր կազմակերպության գործունեության վերաբերյալ հերթական հավաստի օպերատիվ տեղեկությունները, ըստ որոնց՝ Երևանի Գարեգին Նժդեհի փողոցի գրասենյակային նշանակության տարածքում Հայաստանի և օտարերկրյա մի խումբ քաղաքացիներ ստեղծել են հանցավոր կազմակերպություն և զբաղվում են համակարգչային հափշտակություններով: Ամիսներ տևած օպերատիվ-հետախուզական ծավալուն միջոցառումների արդյունքում հնարավոր եղավ պարզել հանցագործությունների կատարման եղանակը, […] ...
17:54 15.07.2025
62-ամյա տղամարդուն դանակահարած երիտասարդը ձերբակալվել էՀուլիսի 11-ին՝ ժամը 20:54-ին, «Էրեբունի» բժշկական կենտրոնից ՆԳՆ ոստիկանության օպերատիվ կառավարման կենտրոն հաղորդում է ստացվել, որ «գոտկային շրջանի կտրած-ծակած վերք» ախտորոշմամբ բուժօգնության է դիմել 62-ամյա տղամարդ: Համայնքային ոստիկանության Կենտրոնական բաժնի ծառայողները ձեռնարկած օպերատիվ-հետախուզական միջոցառումների արդյունքում պարզել են, որ Վարդանանց-Հանրապետության փողոցների խաչմերուկում տեղի ունեցած վիճաբանության ժամանակ 62-ամյա տղամարդուն կտրող-ծակող գործիքով հարվածել է Երևանի բնակիչ 36-ամյա երիտասարդը: […] ...
17:49 15.07.2025
ԱԱԾ տնօրենի երեք տեղակալները վերանշանակվել են իրենց պաշտոններումՎարչապետը որոշումներ է ստորագրել, ըստ որոնց՝ ԱԱԾ երեք պաշտոնյաների վերանշանակել է իրենց պաշտոններում: ԱԱԾ տնօրենի տեղակալի պաշտոնում վերանշանակվել է Արամ Հակոբյանը: «Ղեկավարվելով «Հանրային ծառայության մասին» օրենքի 6-րդ հոդվածի 3.1-ին մասով, 9-րդ հոդվածի 6-րդ մասով և «Ազգային անվտանգության մարմինների մասին» օրենքի 4.1-ին հոդվածի 4-րդ մասով՝ Ազգային անվտանգության ծառայության տնօրենի տեղակալի ժամանակավոր պաշտոնակատար Արամ Հակոբյանին վերանշանակել ազգային […] ...
17:42 15.07.2025
Գևորգ Պապոյանն ընդունել է Ուրուգվայի դեսպանինՀՀ էկոնոմիկայի նախարար Գևորգ Պապոյանը հուլիսի 15-ին ընդունել է Հայաստանում Ուրուգվայի Արևելյան Հանրապետության արտակարգ և լիազոր դեսպան Սիլվանա Լեսկա Բարոլինին։ Քննարկվել են երկու երկրների միջև տնտեսության ոլորտում համագործակցության ընդլայնման հեռանկարները, հնարավոր համագործակցության ուղիները։ Անդրադարձ է կատարվել գյուղատնտեսական արտադրանքի արտահանման խթանմանը, համատեղ ներդրումային ծրագրերի իրականացմանը, ինչպես նաև B2B հանդիպումների կազմակերպման հնարավորությանը՝ Ուրուգվայի շուկայում հայկական արտադրանքի առաջմղման […] ...
