19:30 14.11.2019
30 տարի անց վերականգնվում է քանդակագործ Ֆերդինանտ Առաքելյանի «Հյուրընկալություն» հարթաքանդակը: Այն զարդարում էր նախկին «Շիրակ» հյուրանոցի մուտքը:
Մեկ տարի առաջ նախկին հյուրանոցի տարածքում սկսվեցին նոր շենքի կառուցման աշխատանքները: Ներդրումային ծրագրով և կառավարության որոշմամբ` տարածքը հատկացվեց «Բասենի գովք» ընկերությանը:
Մասնավոր ներդրողին պարտադիր պահանջ ներկայացվեց պահպանել և վերականգնել հարթաքանդակը: Այժմ շինարարությանը զուգահեռ ընթանում է «Հյուրընկալություն» հարթաքանդակի ռեստավրացիան, իսկ աշխատանքներն իրականացնում են քանդակագործ Սարիբեկյան եղբայրները:
Լենինականի հայտնի ու ժամանակի ամենաշքեղ «Շիրակ» հյուրանոցի մուտքը զարդարած «Հյուրընկալություն» հարթաքանդակի աշխատանքները քանդակագործ Ֆերդինանտ Առաքելյանը ավարտել է 1977 թվականին, մեկ տարի անց շենքը հանձնվել է շահագործման:
Գյումրեցու հյուրընկալությունը բնորոշող որմնաքանդակը, ինչպես և 11-հարկանի հյուրանոցային համալիրը 1988-ին կանգուն մնացին, բայց շենքը վթարային դարձավ պահպանության բացակայության ու թալանի պատճառով: Որմնաքանդակը, որպես մշակութային արժեք, ևս հատուկ պահպանության չարժանացավ:
Քանդակի հեղինակի ահազանգերն ու խնդրանքները ևս անտեսվում էին: Բաց երկնքի տակ մնալով` որմնաքանդակը ոչ միայն խոնավությունից, այլև նախկինում կատարված ապամոնտաժման աշխատանքներից էր տուժել:
«Հիմնականում վերևի մասն էր քայքայված, կոտրված։ Երկրաշարժի հետևանքով դեմքերն էին վնասված, քարեր կային, որ երկրաշարժին էին կոտրվել»,- հարթաքանդակի վիճակն է ներկայացրել քանդակագործ Սարիբեկ Սարիբեկյանը։
Քանդակագործ Սարիբեկյան եղբայրները ստանձնել են զարդաքանդակի վերականգնման գործն արագ ավարտին հասցնելը: Քարի հետ աշխատանքում ամենաբարդը դիմային պատկերների վերականգնումն է: Վնասված հատվածները շատ են, աշխատում են այնպես, որ հյուրընկալ մարդուն վայել դիմապատկերները նույնությամբ պահպանվեն, ինչպես բնօրինակում էր: Կերպարների ամբողջականությունը վերականգնելուց բացի, մաքրում են կարմիր տուֆի սևացած հատվածները:
Նրանց համար կարևոր ու պատասխանատու աշխատանք է հայտնի քանդակագործի` ժամանակին հատուկ մրցանակի արժանացած զարդաքանդակի վերականգնումը: Գործը բարդացել է, քանի որ պահպանված չեն քանդակի գծագրերն ու էսքիզները:
«Ֆերդինանտ Առաքելյանը ճանաչված քանդակագործ էր, մենք էլ ուզում ենք, որ իր արածը չփչանա, չվերանա: Շատ զգույշ պիտի լինես, որ չշեղվես, քարը չվնասես, քանդակների տեսքը չաղավաղվի»,- նշում է Սարիբեկ Սարիբեկյանը:
Առայժմ վերականգնման աշխատանքները կատարվում են ամենամեծ հատվածում, որն ունի շուրջ 7 մետր երկարություն: Հարթաքանդակի շարունակությունը ավելի փոքր չափերի է և շինության աջակողմյան հատվածում, որը, ըստ մասնագետների եզրակացության, ավելի շատ է վնասված:
Պատկերները քայքայված են, քարերը` իրարից հեռացած: Կարմիր տուֆից հարթաքանդակը վերականգնումից հետո համադրելի կլինի նախկին հյուրանոցի հիմքերի վրա կառուցվող շենքի ճարտարապետությանը։
00:06 21.07.2025
Երկրաշարժ՝ Սևան քաղաքից 10 կմ հյուսիս
00:06 21.07.2025
Երկրաշարժ՝ Սևան քաղաքից 10 կմ հյուսիսՀուլիսի 20-ին` տեղական ժամանակով ժամը 23:27-ին (Գրինվիչի ժամանակով` ժամը 19։27-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.64⁰ և արևելյան երկայնության 44.98⁰ աշխարհագրական կոորդինատներով Հայաստան՝ Սևան քաղաքից 10 կմ հյուսիս, օջախի 10 կմ խորությամբ 2․4 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 3 բալ: Երկրաշարժը զգացվել է […] ...
23:59 20.07.2025
Քաբուլում տասնյակ կանայք ձերբակալվել են դրես կոդը խախտելու համարԱֆղանստանի առաքինության խթանման և արատների կանխարգելման նախարարության աշխատակիցները Քաբուլում ձերբակալել են տասնյակ երիտասարդ կանանց՝ հագուստի կանոնակարգը խախտելու մեղադրանքով, կիրակի օրը հաղորդել է Afghanistan International լրատվական պորտալը։ «Թալիբանի բարոյականության ոստիկանությունը տասնյակ երիտասարդ կանանց է ձերբակալել Քաբուլում՝ հագուստի կանոնակարգի ենթադրյալ խախտման համար շարունակվող հետապնդման շրջանակներում», – հաղորդում է թերթը։ Ըստ տեղեկությունների՝ ձերբակալությունները տեղի են ունեցել ուրբաթ և […] ...
23:48 20.07.2025
Հրդեհ է բռնկվել «Scania» մակնիշի բեռնատարումՀուլիսի 20-ին՝ ժամը 16։20-ին, Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Լիճքվազ գյուղի խաչմերուկում այրվում է բեռնատար ավտոմեքենա: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ հրդեհը բռնկվել է Մեղրի-Քաջարան ավտոճանապարհի 30-րդ կմ-ին՝ «Scania» մակնիշի բեռնատարում։ Հրդեհը մեկուսացվել է ժամը 17:36-ին, մարվել՝ […] ...
23:27 20.07.2025
Ճապոնիայի իշխող կոալիցիան կորցրել է մեծամասնությունը խորհրդարանի վերին պալատումՃապոնիայի Լիբերալ-դեմոկրատական կուսակցության (ԼԴԿ) և «Կոմեյտո» կուսակցության իշխող կոալիցիան կորցրել է իր մեծամասնությունը խորհրդարանի վերին պալատում ընտրություններից հետո` ըստ տարածաշրջանային և շրջանային ընտրական հանձնաժողովների տվյալների, փոխանցում է ՏԱՍՍ-ը: Այս տվյալների համաձայն՝ ԼԴԿ-ն և «Կոմեյտոն» չեն կարողանա ստանալ անհրաժեշտ քանակությամբ մանդատներ՝ վերին պալատում կոլեկտիվ մեծամասնությունը պահպանելու համար։ Կոալիցիոն մեծամասնությունը պահպանելու համար նրանք պետք է ստանային 124 […] ...
23:00 20.07.2025
Անհամբեր սպասում ենք բոլոր մասնակիցներին և շահագրգիռ կողմերին Հայաստանում՝ կենսաբազմազանության պահպանման ջանքերն առաջ մղելու համար. վարչապետՎարչապետ Նիկոլ Փաշինյանը X-ի իր միկրոբլոգում գրառում է կատարել, որում ասվում է. «Ուրախ ենք հայտարարել, որ Կենսաբազմազանության COP17 համաժողովի ամսաթվերը հաստատված են։ Այն տեղի կունենա Երևանում՝ 2026 թվականի հոկտեմբերի 18-30-ը։ Անհամբեր սպասում ենք բոլոր մասնակիցներին և շահագրգիռ կողմերին Հայաստանում՝ կենսաբազմազանության պահպանման ջանքերն առաջ մղելու համար»: ...
22:35 20.07.2025
Հայաստանը՝ Կենսաբազմազանության համաշխարհային օրակարգի կենտրոնում. հայտնի են COP17-ի անցկացման օրերըՇրջակա միջավայրի նախարարությունից տեղեկացնում են, որ հայտնի են COP17-ի անցկացման օրերը: «Հպարտությամբ հայտնում ենք, որ 2026 թվականի հոկտեմբերի 18-ից 30-ը Հայաստանը կընդունի ՄԱԿ-ի Կենսաբազմազանության մասին կոնվենցիայի Կողմերի 17-րդ համաժողովը՝ COP17-ը։ Այս տասնմեկ օրերի ընթացքում մեր երկիրը կընդունի համաշխարհային բնապահպանական համայնքի ուշադրությունը՝ հյուրընկալելով պետական, գիտական և քաղաքացիական ոլորտի հարյուրավոր ներկայացուցիչների աշխարհի բոլոր անկյուններից։ Երևանը կվերածվի գլոբալ […] ...
