20:40 19.02.2020
Փետրվարի 19-ին Ճանապարհային ոստիկանությունում տեղի ունեցավ աշխատանքային խորհրդակցություն, որը վարում էր ոստիկանության պետի տեղակալ Հայկ Մհրյանը։
Ներկա էին Ճանապարհային ոստիկանության պետ Եգոր Կարապետյանն ու ստորաբաժանման ղեկավար կազմը։
Ողջունելով ներկաներին՝ Հայկ Մհրյանը խոսեց ճանապարհային ոստիկանության ծառայության մասին` վեր հանելով նաև թերություններն ու բացթողումները։
Ոստիկանության պետի տեղակալը նշեց, որ քաղաքացիները ոստիկանության մասին կարծիք են ձևավորում արտաքին ծառայության հետ շփումներում, ուստի ճանապարհային ոստիկանները պետք է լինեն գրագետ, կարգապահ ու կոկիկ, քաղաքացիների հետ շփումներում՝ բարեկիրթ։
Կարևորվեց նաև ճանապարհային ոստիկանների մարտական և ֆիզիկական պատրաստականությունն ու ծառայության ճիշտ բաշխումը։
Հայկ Մհրյանը վերլուծեց նախորդ տարի մահվան ելքերով ու վիրավորներով ճանապարհատրանսպորտային պատահարների վիճակագրությունն ու դրանց նվազեցման ուղղությամբ տվեց կոնկրետ ցուցումներ ու հանձնարարականներ։
Խոսվեց նաև ճանապարհային երթևեկության կազմակերպման մասին։ Ոստիկանության պետի տեղակալը մասնավորապես ընդգծեց որոշ փողոցներում ճանապարհային երթևեկության նշանների բացակայության ու թերի գծանշումների խնդիրը։
Անդրադառնալով ճանապարհապարեկային ծառայությանը՝ Հայկ Մհրյանը հանձնարարեց խիստ միջոցառումներ ձեռնարկել հայտնաբերելու ոչ սթափ, թաղանթապատ հողմապակիներով, մայթերում ու փողոցների երկրորդ շարքում կայանած, ժամկետն անց ԱՊՊԱ պայմանագրերով երթևեկող, չամրակապված և գերհզոր ձայնազդանշանային համակարգեր ունեցող մեքենաների վարորդներին ու ենթարկել պատասխանատվության։
23:59 17.08.2025
Սերբիայում գիշերային անկարգությունների հետևանքով վիրավորվել է վեց ոստիկանՍերբիայում գիշերային անկարգությունների հետևանքով վիրավորվել է վեց ոստիկան, ձերբակալվել են հանրահավաքի մասնակիցներ։ Այս մասին հայտնում է երկրի ՆԳՆ մամուլի ծառայությունը։ «Սերբիայում երեկվա չգրանցված հանրային հավաքների ժամանակ վիրավորվել է ընդհանուր առմամբ 6 ոստիկան, 56 մարդ տարվել է ոստիկանական բաժանմունք, 16 մարդ ձերբակալվել է մարզական միջոցառման կամ հանրային հավաքի ժամանակ ագրեսիվ վարքագծի հետ կապված հանցագործություն կատարելու հիմնավոր […] ...
23:24 17.08.2025
Հալեպում ահաբեկչություն է տեղի ունեցել. SANAՍիրիայի հյուսիս-արևմուտքում գտնվող Հալեպ քաղաքում պայթյուն է տեղի ունեցել: SANA լրատվական գործակալության փոխանցմամբ՝ անհայտ անձը պայթուցիկ սարք է գործադրել ալ-Մայսար շրջանում գտնվող հացաբուլկեղենի խանութի մոտ: Քաղաքի անվտանգության ծառայությունների աղբյուրը գործակալությանը հայտնել է, որ նախնական տեղեկությունների համաձայն՝ քաղաքացիական անձանց շրջանում տուժածներ չկան: Պայթյունն իրականացրած անձը տեղում մահացել է, իսկ իրավապահ մարմինները պարզում են նրա ինքնությունը: ...
22:50 17.08.2025
Արման Ծառուկյանի գրառումը՝ UFC-ում Չիմաևի չեմպիոնությունը նվաճելու պատվինUFC-ի թեթև քաշային կարգի դասակարգման երկրորդ համար Արման Ծառուկյանը իր Instagram-յան էջում լուսանկար է հրապարակել միջին քաշային կարգի նոր չեմպիոն Խամզաթ Չիմաևի հետ։ «Լավագույնը»,– լուսանկարին կից գրել է հայ մարտիկը, ով Չիմաևին օգնել էր տիտղոսային մենամարտին պատրաստվելու հարցում։ ...
22:23 17.08.2025
Սևանա լճում լողամիջոց է շրջվել․ օգնության են հասել ջրափրկարարներըՕգոստոսի 17-ին՝ ժամը 14։10-ին, Գեղարքունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Սևանա լճի 3-րդ հանրային լողափում հերթապահություն իրականացնելիս ջրափրկարարները նկատել են, որ ափից մոտ 200 մ հեռավորության վրա լողամիջոց է շրջվել․ անհրաժեշտ է օգնություն։ Ջրափրկարարներն ափից մոտ 500 մ հեռավորությունից ափ են դուրս բերել քաղաքացու։ ...
22:00 17.08.2025
Թրամփը նախ կհանդիպի Զելենսկիի հետ, հետո՝ եվրոպական երկրների առաջնորդների. BildԱՄՆ նախագահ Դոնալդ Թրամփը օգոստոսի 18-ին Վաշինգտոնում նախ կհանդիպի Վլադիմիր Զելենսկիի հետ, որից հետո Զելենսկիին ուղեկցող եվրոպական երկրների առաջնորդները կմիանան հանդիպմանը, հաղորդում է Bild թերթը՝ հղում անելով Գերմանիայի կառավարության աղբյուրներին։ Նրանց տեղեկությունների համաձայն՝ կլինի նաև աշխատանքային ճաշ և մի քանի ժամ տևողությամբ քննարկում՝ ընդլայնված կազմով։ Հանդիպմանը մասնակցելու մասին հայտարարել էին Գերմանիայի կանցլեր Ֆրիդրիխ Մերցը, Եվրահանձնաժողովի […] ...
21:25 17.08.2025
Ղազախստանի հյուսիսում թեթև շարժիչով ինքնաթիռ է կործանվելՂազախստանի հյուսիսում գտնվող Ակմոլա շրջանում վթարի է ենթարկվել Aerostar R40F թեթև շարժիչով ինքնաթիռ, կիրակի օրը հաղորդել է հանրապետության տրանսպորտի նախարարության մամուլի ծառայությունը։ Մի շարք ղազախական լրատվամիջոցներ, այդ թվում՝ պետական, հայտնել են, որ կործանված ինքնաթիռում երկու մարդ է եղել՝ օդաչուն և ուղևորը. երկուսն էլ զոհվել են։ Նշվում է, որ ստեղծվել է հատուկ հանձնաժողով։ Աղետի վայր են […] ...
