Ե՞րբ կծաղկեն Մարսի խնձորենիները

 Երբ Տիեզերքի նվաճման ծրագրերի մասին են խոսում,առաջինը նշում են Մարս մոլորակը: Մարդկությունը դրանով հետաքրքրվում  է արդեն 200 տարի և ավելի շատ բան գիտի Մարսի մասին, քան Լուսնի, թեև Լուսնի վրա ամերիկացի աստղագնաց Նիլ Արմսրթոնգն անգամ զբոսնել է: 

 Երկիր Մոլորակի բնակիչների համար,պարզ  ասած,Մարսն ապրելու տեղ չէ:Նախ շատ ցուրտ է՝ձմռան գիշերներին մինչև -120 աստիճան է, շնչելու օդ չկա,թթվածին չկա,մթնլորտային ճնշումն այքան բարձր է, որքան Երկիր մոլորակինը՝ 95 կմ բարձրության վրա:Ամենակարևորը՝ Մարսը չունի մագնիսական դաշտ, որը կպաշտպանի տիեզերական մարմինների «ռմբակոծությունից» և ուլտրամանուշակագույն ճառագայթումից: Եթե Մարդը որոշի այնտեղ բնակվել, ապա պետք     է ապրի  հատուկ մետաղե անգարներում կամ հողի տակ:

Չնայած այդ պայմաններին, մի քանի երկրներ Մարսը գրավելու հայտ են նեկայացրել:Այդ մասին 2012 թվականին ասաց օրինակ Բարաք Օբաման: Անգամ խոստացավ ՆԱՍԱ -ի ամբողջ  ներուժն օգտագործել և Մարսը գաղութացնել ընթացիկ տասնամյակի վերջին:Մարսի վրա աստղագնաց իջնեցնելու, այնտեղ մշտական  կայան ունենալու հայտ են ներկայարել նաև Ռուսաստանը, Չինաստանը, Հնդկաստանը: Իսկ Ամերկացի գործարար SpaceX ընկերության հիմնադիր  Իլոն Մասկը  դեպի Մարս արշավանքի կոնկրետ ծրագիր ունի, որի վրա նրա ընկերությունն աշխատում է արդեն հիմա: Այնտեղ ստեղծվում են այնպիսի հրթիռներ, որ ապագայում կարող են բացի Երկրի ուղեծրի շուրջ բեռներ տեղափոխելուց, նաև հեռավոր թռիչքներ կատարել:Միայն թե Մասկի պլանը՝ Մարսը 2018 թվականին նվաճելու մասին, արդեն 4 անգամ հետաձգվել է: 

Ինչու՞ թռչել դեպի Մարս

Իսկապես,ոչ Մարսի, ոչ Լուսնի վրա չկան ոչ օգտակար հանածոներ, ոչ մարդկությանը պիտանի այլ էներգետիկ ռեսուրսներ, հանուն որոնց  արժեր միլիարդներ ծախսել և հասնել այնտեղ:Որպես քիչ թե շատ պատճառաբանված հիմնավորում, ներկայացվում է բնապհպանական հնարավոր  աղետը, որի մասին հաճախ խոսում են գիտնականները: Մարսը պատկերացնում են որպես հնարավոր ապաստարան, երբ Երկրի վրա  բնապհպանական աղետ կլինի: Մինչդեռ գիտնականների մեծ մասը այսպիսի հեռանկարը համարում է տեխնոլոգիական պարզունակ լավատեսություն: 

Ինչո՞վ թռչել դեպի Մարս

Վերջին 40 տարում Մարդկություն առանձնապես նոր բան չի հորինել: Անցած դարի 50-ականներին պարզ դարձավ, որ միակ տեխնոլոգիան, որը կարող է  հասցնել Մարս, ատմային էներգիան է:Մշակվեցին նաև ատոմային շարժիչներ, բայց պարզվեց, որ դրանք շատ վտանգավոր ռադիոակտիվ ճառագայթում ունեն: Ստիպված գիտնականները հրաժարվեցին:Հիմա SpaceX ընկերությունը մշակում է այնպիսի շարժիչներ, որոնք ունեն ասենք  Saturn 5, “Союз” ,”Протон”.հրթիռները:Սակայն դրանք Արեգակնային համակարգում տեղաշարժվելու համար  թանկ են և անարդյունավետ: Բացի այդ շատ վտանգավոր են: Մնում է սպասել, թե երբ Մարդկությունը  բացահայտումներ կանի ֆիզիկայում և կգտնի  դեպի Մարս թռչելու սկբունքորեն այլ մեխանիզմ՝:Մնում է նաև պարզել՝ հանուն ինչի նվաճել Մարսը: