14:56 28.04.2020
Երևանի ավագանին այսօր` ապրիլի 28-ի նիստում, համաձայնություն տվեց «Հակատուբերկուլյոզային դիսպանսեր» փակ բաժնետիրական ընկերության լուծարման մասին որոշմանը:
Օրենքի նախագիծը ներկայացրեց Երևանի քաղաքապետարանի աշխատակազմի առողջապահության վարչության պետ Կամսար Բաբինյանը:
«Երևանի ենթակայության կողմից մատուցվել են հիվանդանոցային և արտահիվանդանոցային ծառայություններ, իսկ ֆինանսավորման հիմնական աղբյուրը եղել է պետական բյուջեից ստացվող գումարները, վճարովի հիմունքներով ծառայություններ չեն մատուցվել։
ՓԲԸ-ի կողմից ներկայացված 2020-ի պետական տեղադրման հայտը մերժվել է առողջապահության նախարարի համապատասխան որոշմամբ: Քաղաքապետի կողմից դիմել ենք նախարարին արտահիվանդանոցային ծառայության գծով պետպատվեր տրամադրելու առաջարկությամբ, մինչև ավագանու կողմից հետագա հարցի կարգավորումը, բայց մերժվել է հիմնավորմամբ, որ Երևանում պետպատվերի շրջանակում արտահիվանդանոցային տուբերկուլյոզային սպասարկում իրականացվում է 9 պոլիկլինիկաների կողմից: Հիվանդանոցի աշխատակիցների թիվը 74 էր, որոնցից 60-ի հետ լուծարվել են աշխատանքային պայմանագրերը, ներկայումս աշխատում է 12 ֆիզիկական անձ: Տուբերկուլյոզի շարունակական հսկողությունը ներառված է առողջապահական պետական նպատակային ծրագրերում և մատուցվում է անվճար հիմունքներով, և առանց պետության կողմից ֆինանսավորման՝ հետագա գործունեությունը անիրատեսական է, ուստի պետք է լուծարել»,- ասված է որոշման մեջ:
Որոշումը ներկայացնելուց հետո քաղաքապետը կատակեց. «Ասացի, որ պարոն Բաբինյանը ամենավտանգավոր մարդն է, բայց էլի հարցեր են տալիս»:
Ավագանու անդամները հետաքրքրվեցին, թե լուծարելուց հետո ինչ նպատակի է ծառայելու շենքը: Ինչին ի պատասխան՝ Կամսար Բաբինյանն ասաց, որ շենքը գտնվում է լավ վիճակում, կարող են լինել բիզնես առաջարկներ, և լինելու դեպքում կքննարկվի հարցը: Ավագանու անդամները հետաքրքրվեցին նաև, թե ինչու հիվանդանոցային շենքը չի տրամադրվում կորոնավիրուսով հիվանդներին, կամ էլ ինչո՞ւ չեն բժիշկները ներգրավվում այդ աշխատանքներում:
«Նախարարի կոչին, երբ ասաց բուժաշխատողներ են պետք, քաղաքապետարանի ենթակայության հիմնարկներից 32 բուժաշխատող այդ կոչին արձագանքեց, և այժմ աշխատում են տարբեր կազմակերպություններում: Նախարարությանը առաջարկվել է դիսպանսերի շենքը հատկացնել կորոնավիրուսով հիվանդներին բուժելու համար, բայց նախարարության մերժման հիմքում եղել է այն պատասխանը, որ նախարարությանը պետք էր ավելի մեծ հիվանդանոց, ավելի շատ մահճակալով, իսկ քաղաքային տուբերկուլյոզային դիսպանսերում ընդամենը 48 մահճակալային ֆոնդ կա»,- պատասխանեց Բաբինյանը:
Ստացիոնար բուժման կարիք ունեցող հիվանդները կշարունակեն բուժում ստանալ Աբովյանի համապատասխան հիվանդանոցում, իսկ ովքեր դեղեր էին ստանում, կստանան տարածքային պոլիկլինիկաներից:
17:18 13.05.2025
Ազգային ժողովը քննարկում է ՀՀ մարդու իրավունքների պաշտպանի 2024 թ. գործունեության վերաբերյալ տարեկան հաղորդումն ու զեկույցըԽորհրդարանը մայիսի 13-ի նիստում քննարկում է 2024 թվականի ընթացքում Հայաստանի Հանրապետության մարդու իրավունքների պաշտպանի գործունեության, մարդու իրավունքների եւ ազատությունների պաշտպանության վիճակի մասին տարեկան հաղորդումը եւ Հայաստանի Հանրապետության մարդու իրավունքների պաշտպանի՝ որպես կանխարգելման ազգային մեխանիզմի 2024 թվականի գործունեության վերաբերյալ տարեկան զեկույցը: Այն ներկայացնում է ՀՀ մարդու իրավունքների պաշտպան Անահիտ Մանասյանը: Անդրադառնալով ոստիկանության կողմից անհամաչափ ուժի գործադրման […] ...
17:14 13.05.2025
Վանաձորցի տղամարդը ձերբակալվել է թմրանյութ պահելու կասկածանքովՀամայնքային ոստիկանության Վայքի բաժնի ծառայողները, թմրանյութ պահելու և օգտագործելու կասկածանքով, մայիսի 9-ին ձերբակալել և «ԲՄՎ» մակնիշի մեքենայով հանդերձ՝ բաժին են տեղափոխել Վանաձոր քաղաքի բնակիչ 37-ամյա տղամարդու: Կազմված փաստաթղթերն ուղարկվել են նախաքննական մարմին։ Նախաձեռնվել է քրեական վարույթ, որի շրջանակում կատարված զննությամբ «ԲՄՎ»-ի սրահում և բեռնախցիկում հայտնաբերվել են ընդհանուր 9 գրամից ավելի դեղնակաչավուն զանգվածներ և մոխրացած հետքերով […] ...
17:09 13.05.2025
Քննարկվել են պաշտպանության բնագավառում Հայաստան-Միացյալ Թագավորություն համագործակցության հիմնական ուղղություններըՄայիսի 13-ին ՀՀ պաշտպանության նախարար Սուրեն Պապիկյանը Բեռլինում հանդիպել է Միացյալ Թագավորության զինված ուժերի նախարար Լյուկ Փոլարդի հետ: Հանդիպման ընթացքում քննարկվել են պաշտպանության բնագավառում Հայաստան-Միացյալ Թագավորություն համագործակցության հիմնական ուղղություններին և դրանց զարգացման հեռանկարներին առնչվող հարցեր: Երկուստեք պատրաստակամություն են հայտնել համագործակցությանը նոր թափ հաղորդել՝ երկու երկրներում պաշտպանության հարցերով կցորդներ նշանակելով: Անդրադարձել են նաև տարածաշրջանային և միջազգային […] ...
17:05 13.05.2025
Կառլո Անչելոտին կգլխավորի Բրազիլիայի հավաքականըԿառլո Անչելոտին մրցաշրջանի ավարտին կհեռանա Մադրիդի «Ռեալից» և կգլխավորի Բրազիլիայի ազգային հավաքականը, հաղորդում է Բրազիլիայի ֆուտբոլի կոնֆեդերացիան: 65-ամյա մասնագետն աշխարհի 5-ակի չեմպիոնների ղեկին աշխատանքը կսկսի հունիսից և հավաքականը կգլխավորի մինչև աշխարհի 2026 թվականի առաջնությունը ներառյալ: «Կառլո Անչելոտիին Բրազիլիայի հավաքականը գլխավորելու համար հրավիրելն ավելին է, քան պարզապես ռազմավարական քայլ։ Սա աշխարհին ուղղված հայտարարություն է։ Անչելոտին մեծագույն […] ...
17:00 13.05.2025
Մեծամոր համայնքի Նորապատ բնակավայրում գործարկվելու է էլեկտրական շչակՄայիսի 14-ին Արմավիրի մարզի Մեծամոր համայնքի Նորապատ բնակավայրում անցկացվելու է «Ազդարարում, տարհանում, պատսպարում» թեմայով գործնական պարապմունք, որի ընթացքում՝ ժամը 12։00-ին, գործարկվելու է էլեկտրական շչակ։ ՆԳՆ փրկարար ծառայությունից խնդրում են չանհանգստանալ։ ...
16:56 13.05.2025
«ՎԱԶ-2107»-ի օրինախախտ վարորդին Կոտայքի պարեկները հայտնաբերել ենՍոցիալական ցանցերում օրերս տեսանյութ էր տարածվել, որում երևում է, թե ինչպես է «ՎԱԶ- 2107» մակնիշի ավտոմեքենայի վարորդը, բացահայտ անհարգալից վերաբերմունք դրսևորելով երթևեկության մյուս մասնակիցների նկատմամբ, մեքենան վարում անկանոն՝ ստեղծելով վթարային իրավիճակներ։ Կոտայքի մարզի պարեկները ճշտել են վարորդի ինքնությունը։ Մայիսի 12-ին մեքենան տեղափոխվել է պահպանվող հատուկ տարածք։ 23-ամյա վարորդի նկատմամբ կազմվել են վարչական իրավախախտման վերաբերյալ արձանագրություններ։ […] ...
