14:43 06.05.2020
«Թեստեր, դիմակներ, դեղամիջոցների առումով մեր պատրաստվածությունը շատ բարձր է»,- «Ազատության» հետ ճեպազրույցում ասաց ՀՀ առողջապահության նախարար Արսեն Թորոսյանը:
Նրա խոսքերով՝ միակ խնդիրը մահճակալային ֆոնդն է, որ աշխարհի գրեթե բոլոր երկրներում առկա է:
«Դրա մասին բազմիցս խոսել եմ. այս պահին ունենք 1550 մահճակալ, շուտով՝ առաջիկա 10 օրում ևս 150 մահճակալ կունենանք գործող հիվանդանոցներում: Անհրաժեշտության դեպքում հնարավոր է ծավալվեն ևս երեք մարզային հիվանդանոցներ. այս ամենի համար ավելացվի 300-400 մահճակալային ֆոնդ, բայց եթե բռնկումը եղավ պայթյունաձև, ինչպես ես ասել էի մի քանի օր առաջ, ոչ մի մահճակալային ֆոնդ չի կարող հերիքել»,- նշեց Թորոսյանը:
Նախարարի խոսքերով՝ առանց ախտանշանների պացիենտներին դեռևս տուն չեն ուղարկում, բայց հնարավոր է մեկ, երկու շաբաթվա մեջ արդեն ուղարկեն: Նրա խոսքերով՝ այդ ամենը կախված է թվերից:
Խոսելով այն հավանականության մասին, որ կորոնավիրուսը Հայաստանում տարածվել է ավելի վաղ՝ Արսեն Թորոսյանն ասաց.
«Ես, տեսնելով աշխարհում տեղի ունեցող իրադարձությունները, այն, որ աշխարհի երկրները վերցրել են իրենց մոտ եղած նմուշները և կրկնակի հետազոտություն են արել, ես ևս վերցրել եմ մեզ մոտ եղած դեկտեմբեր-հունվար-փետրվար ամիսների գրիպի նմուշները, որոնք պետք է ուղարկվեին դրսի լաբորատորիաներ՝ կրկնակի հաստատման համար, հանձնարարել եմ հետազոտել կորոնավիրուսի դեմ: Եթե հայտնաբերվեց, ապա ես էլ կհայտարարեմ, որ ավելի վաղ է տեղի ունեցել վարակի մուտքը: Բայց դրա հավանականությունը շատ փոքր է, քանի որ առնվազն փետրվարի սկզբից, բավական վաղ նաև աշխարհի շատ երկրներից, սկսել ենք հետազոտել կասկածելի բոլոր դեպքերը, և մեզ մոտ առաջին դեպքը հաստատվել է մարտի մեկին»:
Ինչ վերաբերում է այն հարցին, որ տարբեր ռեսպիրատոր վարակները փորձում են ներկայացնել որպես կորոնավիրուս, ապա նա նշեց, որ հայտնի է, որ շնչառական վարակները նույն ախտանշաններն են ունենում:
22:18 14.05.2025
Արարատ Միրզոյանը՝ Բաքու, Ջեյհուն Բայրամովը՝ Երևան. ի՞նչ կփոխեն հնարավոր փոխայցելություններըԱյս ամսվա սկզբին հայտնի դարձավ, որ Ադրբեջանի արտաքին գործերի նախարարն այցելելու է Երևան, իսկ Հայաստանի ԱԳ նախարարը՝ Բաքու: Այդ մասին հայտարարեց Հայաստանում Ռուսաստանի դեսպանը: Այդ փոխայցելությունները լինելու են 3+3 տարածաշրջանային խորհրդատվական հարթակի շրջանակում: Այդ հարթակը, որում ընդգրկված են Հայաստանը, Ադրբեջանը, Թուրքիան, Իրանը, Ռուսաստանը և Վրաստանը, թեև վերջինս չի մասնակցում այդ ձևաչափով հանդիպումներին, հիշեցնենք, ստեղծված է […] ...
22:11 14.05.2025
Լիբիայում բախումների հետևանքով զոհվել է առնվազն վեց մարդԼիբիայի մայրաքաղաքում չորեքշաբթի գիշերը տեղի ունեցած զինված բախումների հետևանքով զոհվել է առնվազն վեց մարդ, մոտ 70-ը՝ վիրավորվել։ Այս մասին հայտնել է Տրիպոլիի առողջապահության վարչության ներկայացուցիչ Մոհամմեդ Աբդել Վահաբը։ Նրա խոսքով, ինչպես մեջբերում է Libya Press գործակալությունը, զոհվածների թվում կան «հինգ զինյալներ և մեկ քաղաքացիական անձ՝ օտարերկրացի»։ Գործակալության տվյալներով՝ խոսքը Եգիպտոսից եկած աշխատողի մասին է, որը […] ...
21:48 14.05.2025
ՃՏՊ Ազատավան գյուղում. կա տուժածՄայիսի 10-ին, ժամը 17:32-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Արտաշատ ավտոճանապարահի 10-րդ կմ-ին տեղի է ունեցել ՃՏՊ՝ ավտոմեքենան կողաշրջվել է, կա տուժած։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Երևան-Երասխ ավտոճանապարհի 24-րդ կմ-ին՝ Ազատավան գյուղում, «Jeep» մակնիշի ավտոմեքենան դուրս […] ...
21:34 14.05.2025
Le Parisien. Ֆրանսիայում կայծակի հարվածից 13 մարդ է տուժելՖրանսիայի Բուշ դյու Ռոն դեպարտամենտի կենդանաբանական այգում կայծակի հարվածից առնվազն 13 մարդ է վիրավորվել։ Այս մասին հայտնել է Le Parisien թերթը։ Զոհերի թվում կան երեխաներ։ Բացի այդ, Գերմանիայից մեկ կին գտնվում է ծանր վիճակում։ Նշվում է, որ կենդանաբանական այգու ենթակառուցվածքները և կենդանիները չեն վնասվել։ ...
21:21 14.05.2025
Աշոցքի ոլորաններում բեռնատարի վրա տեղադրված բեռնախցիկը, որում եղել է 4 ավտոմեքենա, պոկվել ու ընկել էՄայիսի 14-ին, արտակարգ դեպք է տեղի ունեցել Շիրակի մարզում: Ժամը 14:00-ի սահմաններում Աշոցք-Գյումրի ավտոճանապարհի 2-րդ շրջադարձի մոտ «Volvo» մակնիշի բեռնատարի բեռնախցիկը, որի ներսում 4 տարբեր մակնիշի ավտոմեքենաներ են եղել, բեռնախցիկը պոկվել ու ընկել է: Ինչպես հայտնում է shamshyan.com-ը, բարեբախտաբար տուժածներ չկան: ...
