14:02 16.05.2020
ՀՀ վարչապետ Նիկոլ Փաշինյանն այսօր լրագրողների խնդրանքով արձագանքեց Ադրբեջանի նախագահ Իլհամ Ալիևի՝ Գարեգին Նժդեհի հասցեին հնչեցրած գնահատականներին և Հայաստանին նացիստների հետ համագործակցելու մեջ մեղադրելու փորձերին:
«Գարեգին Նժդեհի հետ կապված մի նրբության եմ ուզում անդրադառնալ. դեռ Աշխաբադում՝ ԱՊՀ երկրների ղեկավարների նիստի ժամանակ եմ անդրադարձել դրան: Ռուսական մամուլում մի շատ լավ հոդված կարդացի, որտեղ ասվում էր՝ Գարեգին Նժդեհը ռուսական բանակի սպա է եղել, մասնակցել է Բալկանյան պատերազմին ռուսական բանակի կազմում և պարգևատրվել է, այս առումով կարծում եմ՝ Ռուսաստանում ևս նրան որպես պատմական ֆիգուր և ռուսական բանակի սպա պետք է վերարժևորեն»,- ասաց նա:
Վարչապետը հայ ժողովրդի՝ Հայրենական պատերազմին մասնակցության տվյալներ ներկայացրեց, նշեց՝ հնարավոր չէ հայ ժողովրդի ավանդը և մասնակցությունը երկրորդ աշխարհամարտին նսեմացնել, ընդ որում՝ ոչ միայն ԽՍՀՄ կազմում, այլև աշխարհում: Նա նշեց ֆրանսիական դիմադրության լիդերներից Միսաք Մանուշյանի օրինակը:
«Քանի որ ադրբեջանցիները անընդհատ փորձում են մեզ ներկայացնել որպես նացիստների հետ համագործակցող, մի քանի տվյալ ներկայացրեմ: Երկրորդ աշխարհամարտի տարիներին Ադրբեջանի մոտ 75 000 քաղաքացի ներգրավված է եղել նացիստական լեգեոներական խմբավորումներում, գոյություն է ունեցել ադրբեջանական լեգեոն, որն ունեցել է դրա համար անհրաժեշտ բոլոր ատրիբուտները՝ սկսած հագուստից՝ նացիստական տարբերանշաններով, ղեկավար կազմը նացիստական հետախուզական դպրոցներում դասընթացներ է անցել և այդպես շարունակ»,- նշեց վարչապետը:
Փաշինյանը նաև հայտնեց՝ ժամանակին Գերմանիայում լույս է տեսել «Ադրբեջան» լեգեոներական պաշտոնաթերթը, այսինքն՝ այդ մարդիկ ունեցել են պաշտոնաթերթեր՝ նացիստա-ադրբեջանական դրոշ, համազգեստ:
«Բայց այս պատմության մեջ շատ ավելի կարևոր է՝ ինչպես են վերաբերում ադրբեջանա-նացիստական խմբավորման թիվ մեկ կազմակերպչին: 2014թ. Ադրբեջանի նախագահ Իլհամ Ալիևի հրամանով Ադրբեջանում մեծ շուքով նշվել է Ռասուլզադեի 130-ամյակը»,- ասաց վարչապետը:
19:00 28.06.2025
Գազայի հատվածում թերսնման պատճառով մահացող երեխաների թիվն աճել էԳազայի հատվածում երեխաների թերսնուցման հետևանքով մահացածների թիվը հասել է 66-ի՝ անցակետերի շարունակական շրջափակման և մանկական սննդի արգելքի ֆոնին, շաբաթ օրը հայտարարել են տեղական իշխանությունները։ «Գազայի կառավարության մամուլի ծառայությունը խորը մտահոգություն է հայտնում, որ երեխաների մոտ սուր թերսնուցման հետևանքով մահացածների թիվը հասել է 66-ի, քանի որ իսրայելական օկուպացիան շարունակում է փակել անցակետերը և կանխել մանկական սննդի […] ...
18:51 28.06.2025
Էդուարդ Սպերցյանը՝ Ռուսաստանի Պրեմիեր լիգայի մրցաշրջանի լավագույն կիսապաշտպան«Կրասնոդարի» և Հայաստանի ազգային հավաքականի ֆուտբոլիստ Էդուարդ Սպերցյանը ճանաչվել է Ռուսաստանի Պրեմիեր լիգայի 2024/2025 մրցաշրջանի լավագույն կիսապաշտպան, հաղորդում է մրցաշարի մամուլի ծառայությունը: 25-ամյա ֆուտբոլիստը մասնակցել է 28 խաղի, խփել 11 գոլ և կատարել 7 գոլային փոխանցում: ...
18:45 28.06.2025
Մերցը հայտարարել է, որ Պուտինին զանգահարելու մտադրություն չունիԳերմանիայի կանցլեր Ֆրիդրիխ Մերցը հայտարարել է, որ հեռախոսով չի խոսի Ռուսաստանի նախագահ Վլադիմիր Պուտինի հետ՝ իբրև թե վախենալով, որ դա կհանգեցնի Ուկրաինայում իրավիճակի սրման։ «Süddeutsche Zeitung» թերթին տված հարցազրույցում Մերցը նշել է, որ Ռուսաստանը, իբր, ակտիվացրել է ռազմական գործողությունները Ուկրաինայում Հունգարիայի վարչապետ Վիկտոր Օրբանի Մոսկվա այցից և Գերմանիայի նախկին կանցլեր Օլաֆ Շոլցի և Պուտինի միջև […] ...
18:32 28.06.2025
Արարատ Միրզոյանը հեռախոսազրույց է ունեցել Թուրքմենստանի փոխվարչապետ, ԱԳ նախարար Ռաշիդ Մերեդովի հետՀՀ ԱԳ նախարար Արարատ Միրզոյանը հեռախոսազրույց է ունեցել Թուրքմենստանի փոխվարչապետ, ԱԳ նախարար Ռաշիդ Մերեդովի հետ։ Այս մասին հայտնում են ՀՀ ԱԳՆ-ից։ «Զրուցակիցները քննարկել են երկկողմ քաղաքական երկխոսության և համագործակցության զարգացմանն ուղղված աշխատանքները։ Արարատ Միրզոյանը և Ռաշիդ Մերեդովը մտքեր են փոխանակել բազմակողմ հարթակներում փոխգործակցության հարցերի շուրջ»,-ասված է հաղորդագրության մեջ։ ...
18:22 28.06.2025
Կհանդիպե՞նք Լոս Անջելես-2028-ում, Արթուր․ ՄՕԿ-ը Արթուր Դավթյանի մասին տեսանյութ է հրապարակելՄիջազգային օլիմպիական կոմիտեն տեսանյութ է պատրաստել՝ նվիրված հայ մարմնամարզիկ, Օլիմպիական խաղերի արծաթե և բրոնզե մեդալակիր, աշխարհի չեմպիոն, Եվրոպայի եռակի չեմպիոն Արթուր Դավթյանի անցած ուղուն։ «Պատմություն կերտելով իր երկրի համար և ապացուցելով, որ համբերությունը գլխավորն է։ Արթուր Դավթյանից պահանջվեցին երեք Օլիմպիական խաղեր՝ սպորտային մարմնամարզությունում Հայաստանի առաջին օլիմպիական մեդալը նվաճելու համար, իսկ չորրորդում՝ Փարիզ-2024-ում, նա բրոնզը փոխեց […] ...
18:12 28.06.2025
The Times. Իսրայելը սկսել է Իրանի դեմ գործողության նախապատրաստվել 2010 թվականինԻսրայելը Իրանի դեմ գործողության նախապատրաստությունը սկսել է 2010 թվականին։ Այս մասին հայտնել է բրիտանական The Times թերթը՝ հղում անելով իսրայելական հետախուզական ծառայությունների փաստաթղթերին։ Հոդվածում նշվում է, որ մի քանի տարի շարունակ Իսրայելի հետախուզության գործակալները, Իրանում գտնվող իրենց գործակալների միջոցով, հետևել են Իրանի միջուկային ծրագրի զարգացմանը։ Այսպիսով, նրանք որոշել են ուրանի հարստացման ցենտրիֆուգների արտադրության ճշգրիտ վայրը […] ...
