23:23 09.06.2020
ԱՄԷ-ում հետազոտողների կողմից մշակված նոր կորոնավիրուսի (COVID-19) բուժման մեթոդը ստացել է մտավոր սեփականության պաշտպանության իրավունք՝ հնարավորություն ընձեռելով շատ հիվանդների օգտվել այս բուժումից։
Ինչպես «Արմենպրես»-ին տեղեկացրին Հայաստանում Արաբական Միացյալ Էմիրությունների դեսպանությունից, Աբու Դաբիի ցողունային բջիջների կենտրոնի (ADSCC) մի խումբ բժիշկներ և մասնագետներ դոկտոր Յանդրի Վենտուրայի գլխավորությամբ նախորդ ամիս հայտարարել էին նոր կորոնավիրուսի նորարարական և խոստումնալից բուժման հայտնաբերման մասին, որը, կարծես, օգնում է մարմնին պայքարել վիրուսի դեմ և նվազեցնել հիվանդության ախտանիշները։
«Հունիսի 8-ին Աբու Դաբիում գտնվող ցողունային բջիջների կենտրոնը հայտարարել է, որ վերլուծությունների արդյունքների համաձայն՝ բուժումն արդյունավետ և անվտանգ է։
««Sheikh Khalifa Medical City» կենտրոնի հեմատոլոգիայի և ուռուցքաբանության բաժանմունքի վարիչ, դոկտոր Ֆաթիմա Ալ-Քաաբին նշել է. «Հիվանդների վիճակը, ովքեր ստացել են ցողունային բջիջների թերապիա, ավելի արագ է բարելավվել, քան նրանք, ովքեր ստացել են միայն ստանդարտ բուժում»։
Նա նաև հավելել է. «Ինչ վերաբերում է ծանր հիվանդներին, ապա նրանց բուժումը ցողունային բջիջներով տևել է մոտ վեց օր, ինչը շատ ավելի կարճ ժամանակահատված է, քան ավանդական բուժման ընթացքի տևողությունը, որի ժամանակ հիվանդները մոտ 22 օր անցկացրել են հիվանդանոցում»:
Այլ վերլուծություններից պարզվել է նաև, որ վարակակիրները, ովքեր ստացել են ցողունային բջիջների բուժում, վերականգնվել են յոթ օրից պակաս ժամանակահատվածում և 3,1 անգամ արագ, քան սովորական բուժում ստացածները: Թեստերը հաստատում են, որ ցողունային բջիջներով բուժում ստացած հիվանդների 67% -ը լիովին ապաքինվել է միայն այս նորարարական բուժման շնորհիվ, առանց որևէ այլ գործոնի:
Աբու Դաբիի ցողունային բջիջների կենտրոնը հավաստիացրել է, որ կարողացել է ձեռք բերել այս բուժման մտավոր սեփականության պաշտպանության իրավունքը, ինչը հնարավորություն կընձեռի բուժման մանրամասներով կիսվել այլոց հետ համապատասխան լիցենզիայի միջոցով այն բանից հետո, երբ ԱՄԷ-ի կառավարությունը պաշտոնապես հավանություն կտա դրան։
Աբու Դաբիի ցողունային բջիջների կենտրոնը պարզել է, որ հետազոտողները ներկայումս իրականացնում են փորձերի տարբեր փուլեր` որոշելու բուժման արդյունավետությունը /երրորդ փորձնական փուլը/, իդեալական առավելագույն չափաբաժինը, ինչպես նաև բուժման արդյունավետությունն այլ շնչառական հիվանդությունների դեպքում»,- նշված է հաղորդագրության մեջ։
10:16 08.07.2025
Բրազիլական «Պալմեյրասի» սանը կարիերան կշարունակի «Ալաշկերտում»Բրազիլացի հարձակվող Կայո Էնրիկեն վարձակալական հիմունքներով հանդես կգա «Ալաշկերտում»։ Այս մասին հայտնում է ակումբի մամուլի ծառայությունը։ 20-ամյա ֆուտբոլիստը բրազիլական «Պալմեյրասի» սան է, հանդես է եկել «Կրուզեյրոյի» մինչև 17 տարեկանների թիմում։ Էնրիկեի նախորդ ակումբը եղել է «Գրեմիո Օզասկո Օդաքսը»։ ...
10:11 08.07.2025
Պենտագոնը պատրաստվում է լրացուցիչ պաշտպանական զենքեր տեղափոխել Միացյալ Նահանգներից Կիև․ ReutersՊենտագոնը պատրաստվում է լրացուցիչ պաշտպանական զենքեր տեղափոխել Միացյալ Նահանգներից Կիև, հաղորդում է Reuters-ը։ «Պենտագոնը հայտարարում է, որ ԱՄՆ պաշտպանության նախարարությունը լրացուցիչ պաշտպանական զենք կուղարկի Ուկրաինա», – ասվում է գործակալության հրապարակման մեջ։ Երեքշաբթի օրն ավելի վաղ ԱՄՆ նախագահ Դոնալդ Թրամփը խոստացել էր Կիևին ավելի շատ զենք տրամադրել, առաջին հերթին՝ պաշտպանական։ ...
10:00 08.07.2025
Սևանա լճի ջրի միջին ջերմաստիճանն առափնյա հատվածում՝ հուլիսի 8-ի 08։00 դրությամբՍևանա լճի ջրի միջին ջերմաստիճանն առափնյա հատվածում հուլիսի 8-ի 08։00 դրությամբ կազմել է 17.4°C: Այս մասին հայտնում է «Հիդրոօդերևութաբանության և մոնիթորինգի կենտրոն» ՊՈԱԿ-ը։ ...
09:50 08.07.2025
Քննարկվել են Աջարիայի և ՀՀ մարզերի միջև մշակութային համագործակցության ընդլայնմանն առնչվող հարցերՎրաստանում ՀՀ դեսպան Աշոտ Սմբատյանն Աջարիայի ինքնավար հանրապետություն աշխատանքային այցի ընթացքում հուլիսի 7-ին հանդիպեց ԱԻՀ մշակույթի նախարար Էլիսսո Բոլքվաձեի հետ: Հանդիպմանը քննարկվեցին Աջարիայի և ՀՀ մարզերի միջև մշակութային համագործակցության ընդլայնմանն առնչվող հարցեր։ ...
09:40 08.07.2025
Վերջին 24 ժամվա ընթացքում Գազայում զոհվել է առնվազն 100 պաղեստինցիՎերջին 24 ժամվա ընթացքում Գազայի հատվածում Իսրայելի կողմից հասցված հարվածների հետևանքով զոհվել է առնվազն 100 պաղեստինցի, հայտնել է անկլավի առողջապահության նախարարությունը: Նախարարության տվյալներով՝ վերջին 24 ժամվա ընթացքում Գազայի հատվածի հիվանդանոցներ է տեղափոխվել 105 զոհ և 356 վիրավոր։ «Վիրավորներից մի քանիսը դեռևս փլատակներում են և ճանապարհներին, որտեղ շտապօգնության անձնակազմը և քաղաքացիական պաշտպանության աշխատակիցները չեն կարող հասնել», […] ...
09:25 08.07.2025
Վանաձոր-Ալավերդի ավտոճանապարհի մի հատվածը միակողմանի է երթևեկելի մարդատար տրանսպորտային միջոցների համարՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Վանաձոր-Ալավերդի ավտոճանապարհի 41-42-րդ կմ-ի հատվածը փակ է բեռնատարների համար, միակողմանի երթևեկելի՝ մարդատար տրանսպորտային միջոցների համար։ Ըստ Ճանապարհային դեպարտամենտի՝ ճանապարհաշինական աշխատանքներով պայմանավորված՝ հուլիսի 4-ից Մ-1 միջպետական ճանապարհի (Երևան-Գյումրի) կմ38+030 հատվածից (Ուջանի մոտից) երթևեկությունը կտեղափոխվի Հյուսիս-հարավի նորակառույց ճանապարհ։ ...
