19:00 12.06.2020
Խիստ սահմանափակումներից հետո Գյումրիում բացված 7 մանկապարտեզները նորից փակվել են։
Հիշեցնենք՝ պարետի որոշմամբ՝ միայն աշխատող ծնողների երեխաների համար 24 մանկապարտեզից աշխատանքը վերսկսեց 7-ը, իսկ հաճախող երեխաների թիվն ընդամենը 21-ն էր։
Երկամսյա դադարից հետո մանկապարտեզներում աշխատանքի վերադարձը նոր պահանջներ ու խնդիրներ էր առաջ բերել։ Նախ՝ ոչ բոլորն էին պատրաստ պարետատան որոշման կետերին համապատասխան հակահամաճարակային պայմաններն ապահովել, հետո էլ ծնողների հետ աշխատանքն էր դժվար։
Դրա համար էլ 24 մանկապարտեզից միայն 7-ը վերսկսեց աշխատանքը, իսկ նրանցից յուրաքանչյուրում մանկապարտեզ հաճախող երեխաների թիվը չգերազանցեց 5-ը։ Կանոնների պահպանման խնդիրներ, շեղումներ չեն եղել, ամենօրյա հսկողություն է կատարվել, բայց փակվելու պատճառներն այլ տեղ են՝ ծնողների զգուշավորությունն ու անհանգստությունը։
«Ծնողները երեխաներին տանելու ժամանակ մտահոգություն հայտնեցին, որ ուրբաթ օրվանից երեխաներին չբերեն մանկապարտեզ»,- SHANTNEWS.am-ի հետ զրույցում ասում է Գյումրիի «Կարմիր գլխարկ» մանկապարտեզի տնօրեն Շուշանիկ Ստեփանյանը։
Խնդիրներից մեկն էլ ծնողների համար ամեն օր տնից երեխաների համար մեկանգամյա օգտագործման տարաներով սնունդ ուղարկելն էր։ Օրվա մեջ երեքանգամյա սնունդ են ուղարկել երեխաների հետ։ Տարբեր կերակուրները, տարբեր չափաբաժնով ու կալորիականությամբ, բարդացրել են դաստիարակների գործը։
«Սնունդն էլ կազմակերպեցինք, ձեռք բերեցինք միկրոալիքային վառարան սնունդը տաքացնելու համար և փոքր սառնարան, տարանք, հենց խմբում դրեցինք։ Երեխաներին անվտանգ սնունդ էինք ապահովում, պարզապես տարբեր ծնողներ տարբեր բաներ էին բերում ու բոլորը չէ, որ այդ պահանջները բավարարում էին»,- պատմում է Գյումրիի «Արձագանք» մանկապարտեզի տնօրեն Ջուլիետա Ավետիսյանը։
Ծնողների դիմումների ու տնօրենների զեկուցագրերի հիման վրա մանկապարտեզները նորից գնացին հարկադրված պարապուրդի հունիսի 5-ից:
Քաղաքապետարանի կրթության բաժինը սպասում է պարետի նոր որոշմանը, որով կհստակեցվեն հետագա քայլերը։
Եթե որոշման պահանջներում փոփոխություններ չլինեն, քաղաքի մանկապարտեզներից շատերը դեռևս վերաբացվելու հնարավորություն չեն ունենա։
«Մինչև հունիսի 13-ը արտակարգ դրություն է հայտարարված, երևի թե բոլորը սպասում են հետագա որոշմանը, և եթե արտակարգ դրությունը դուրս գա, ինձ թվում է՝ կսկսվեն նախապատրաստական աշխատանքները։ Մեր կամքը չէ, ծնողի կամքն է, մենք չենք կարող պարտադրել, իրենք պիտի ցանկություն ունենան երեխաներին մանկապարտեզ բերելու»,- ասում է Գյումրիի քաղաքապետարանի կրթության բաժնի պետի ժամանակավոր պաշտոնակատար Շողիկ Ալեքսանյանը:
15:40 14.05.2025
Հռոմի պապը հայտարարել է աշխարհում հակամարտությունների կարգավորմանը նպաստելու իր պատրաստակամության մասինՆորընտիր Հռոմի պապ Լեո XIV-ը հայտարարել է աշխարհում հակամարտությունների կարգավորմանը նպաստելու իր պատրաստակամության մասին, չորեքշաբթի օրը հաղորդել է Vatican News-ը։ «Պապը հայտնել է իր հանձնառությունը՝ անել ամեն ինչ՝ խաղաղության գերիշխանությունն ապահովելու համար», – հաղորդում է Vatican News-ը։ Պապի խոսքով՝ Սուրբ Աթոռը պատրաստ է ցանկացած ջանք գործադրել, որպեսզի «թշնամիները դեմ առ դեմ հանդիպեն և խոսեն»։ Հռոմի […] ...
15:30 14.05.2025
Ալեն Սիմոնյանը հանդիպել է Ղազախստանի նախագահ Կասիմ-Ժոմարտ Տոկաեւի հետՀՀ ԱԺ նախագահ Ալեն Սիմոնյանն Աստանա կատարած պաշտոնական այցի շրջանակում հանդիպել է Ղազախստանի նախագահ Կասիմ-Ժոմարտ Տոկաեւի հետ: Երկկողմ հարաբերությունների օրակարգի հարցերի քննարկումից բացի կողմերն անդրադարձել են նաեւ տարածաշրջանային զարգացումներին վերաբերող խնդիրներին: ՀՀ ԱԺ նախագահը ողջունել է ղազախական կողմի հայտարարությունները Հայաստանի եւ Ադրբեջանի միջեւ խաղաղության համաձայնագրի շուրջ բանակցությունների ավարտի վերաբերյալ, ինչպես նաեւ Ղազախստանի աջակցությունը` ուղղված երկու […] ...
15:17 14.05.2025
Եվրոպայի խորհրդի նախարարական նստաշրջանի ընթացքում նախարար Միրզոյանը շփումներ է ունեցել ԵԽ և մասնակից այլ երկրների գործընկերների հետԵվրոպայի խորհրդի նախարարական նստաշրջանի ընթացքում նախարար Միրզոյանը շփումներ է ունեցել ԵԽ և մասնակից այլ երկրների գործընկերների հետ, այդ թվում՝ Վրաստանի ԱԳ նախարար Մակա Բոճորիշվիլիի, ԵԽ նախարարների կոմիտեում նախագահություն ստանձնող Մալթայի փոխվարչապետ, ԱԳ, Եվրոպայի և զբոսաշրջության նախարար Իեն Բորջի, ԵԽԽՎ նախագահ Թեոդորոս Ռուսոպուլոսի, Չեռնոգորիայի փոխվարչապետի և այլ պաշտոնյաների հետ։ Այս մասին հայտնում են ՀՀ ԱԳՆ-ից։ ...
15:08 14.05.2025
Թրամփը չի բացառել Ռուսաստանի և Իրանի դեմ նոր պատժամիջոցներըԱՄՆ նախագահ Դոնալդ Թրամփը հայտարարել է, որ «մշտապես քննարկում է» Ռուսաստանի և Իրանի դեմ պատժամիջոցները խստացնելու հնարավորությունը։ «Ես չեմ ուզում դրա մասին խոսել, բայց ես միշտ դիտարկում եմ երկրորդական պատժամիջոցների հնարավորությունը», – Սաուդյան Արաբիայից թռիչքից հետո նախագահական ինքնաթիռում լրագրողներին ասել է ամերիկացի առաջնորդը՝ պատասխանելով լրագրողի հարցին։ Ամերիկայի նախագահի խոսքով՝ «Իրանի դեմ երկրորդական պատժամիջոցները «երկիրը հասցրել […] ...
14:48 14.05.2025
Մարտունիում հացամթերքի արտադրամասի գործունեություն է կասեցվելՀՀ սննդամթերքի անվտանգության տեսչական մարմնի Գեղարքունիքի մարզային կենտրոնի տեսուչները վերահսկողական միջոցառումներ են իրականացրել «ՎԱԳԵ» ՍՊԸ-ին պատկանող հացամթերքի արտադրամասում (Գեղարքունիքի մարզ, ք․ Մարտունի), որտեղ պարզել են, որ այն գործում է սանիտարահիգիենիկ պայմանների խախտումներով։ Այս մասին տեղեկացնում է ՍԱՏՄ-ն։ Մասնավորապես՝ – արտադրական օբյեկտի պատերի, առաստաղների մակերևույթները պատրաստված չեն եղել անջրանցիկ, լվացվող, ախտահանվող նյութերից. – արտադրական օբյեկտը ապահովված […] ...
