19:59 15.07.2020
Գյումրիի շատ փողոցներում ու թաղամասերում ջրահեռացման համակարգ կամ չկա, կամ էլ եղածը չի գործում: Օրինակ` նախօրեին հորդառատ անձրևի հետևանքով ջրածածկ եղած տներն ու փողոցները:
Այդ օրը քաղաքի կենտրոնի փողոցներն էին անանցանելի, բայց կան թաղամասեր, որտեղ խնդիրը մշտական է: Ամեն անձրևից հետո տները ողողվում են անձրևաջրերով: Այդպիսիներից մեկը Ձորի թաղն է: Քաղաքի ամենացածրադիր հատվածն է, որտեղ նաև հին բնակֆոնդն է: Ամբողջ թաղամասի ջրահեռացման համակարգը չի գործում, իսկ հարակից Շիրակացի փողոցում ընդհանրապես բացակայում է, որի հետևանքով ամեն անձրևից հետո Անի թաղամասի ու Շիրակացի փողոցի սելավաջրերը կուտակվում են Ձորի թաղում:
Սելավաջրերը լցվել են տները, ողողել հիմքերը, որի հետևանքով հատակի փայտերը փտել են, պատերը՝ խոնավացել: Ձորի թաղում չկա մի տուն, որը խոնավ չլինի:
Բուն պատճառը թաղամասի ջրահեռացման համակարգի բացակայությունն է: Ո՛չ ձորի թաղում, ո՛չ էլ հարակից Շիրակացի փողոցում ջրահեռացում չի կատարվում: Բնակիչները նշում են՝ քաղաքապետարանի մասնագետներին մի քանի անգամ տարածք են հրավիրել, առաջարկել են թաղամասում ջրահեռացման խողովակաշար անցկացնել:
Ձորում արդեն այլ տեսարան է բացվում՝ ներքևում Գյումրի գետակն է, որի չորս կողմերում հսկայական աղբակույտեր են: Բնակիչները չեն թաքցնում՝ գրեթե ամբողջ կենցաղային ու շինարարական աղբն այստեղ են թափում, հետևանքը հակասանիտարական վիճակն է ու մոծակները:
Գյումրիի քաղաքապետարանի կոմունալ ծառայության տնօրենի ժամանակավոր պաշտոնակատարը աղբահանության ու ջրահեռացման խնդիրներին ժամանակավոր լուծում տալու առաջարկով էր թաղամաս եկել: Աղբը տարածքից հեռացնել չեն կարող, որովհետև ձորին տեխնիկա մոտեցնել հնարավոր չէ: Միակ տարբերակը աղբակույտերը հողով ծածկելն է: Իսկ ջրահեռացման հարցը լուծելու համար պետք է ուսումնասիրություն կատարեն:
«Պետք է փորձենք եռակողմ խնդիր լուծել: Հողը կլցնենք, աղբակույտերը կփակենք՝ հույսով, որ այլևս չկրկնվի: Ջրահեռացման համակարգը մեր ունեցած տեխնիկայով կբացենք, խողովակներով կհեռացնենք, որ չլցվի տները, հույսով, որ Շիրակացի փողոցը կապիտալ նորոգում կունենա»,- SHANTNEWS-ին ասել է Գյումրիի քաղաքապետարանի կոմունալ ծառայության տնօրենի ժամանակավոր պաշտոնակատար Վարդգես Սամսոնյանը:
Այսինքն` ջրահեռացման հարցը Ձորի թաղի այս հատվածում վերջնականապես կլուծվի, երբ Շիրակացի փողոցը հիմնանորոգվի ու ջրահեռացման համակարգ կառուցվի: Սա քաղաքապետարանի ապագայի ծրագրերում է՝ անորոշ ժամկետով: Այս տարվա փողոցաշինական ծրագրերում Շիրակացի փողոցն ընդգրկված չէ:
20:35 07.07.2025
Անչելոտիի որդին կգլխավորի «Բոտաֆոգոն»
20:35 07.07.2025
Անչելոտիի որդին կգլխավորի «Բոտաֆոգոն»Բրազիլիայի ազգային հավաքականի գլխավոր մարզիչ Կառլո Անչելոտիի որդին` Դավիդե Անչելոտին, աշխատանքի կանցնի «Բոտաֆոգոյում», հաղորդում է ինսայդեր Ֆաբրիցիո Ռոմանոն։ Բրազիլական ակումբն անցնող օրերին բանակցել է 35-ամյա մասնագետի հետ ու ձեռք բերել ամբողջական համաձայնություն։ Կողմերը պայմանագիր կստորագրեն, որն ուժի մեջ կլինի մինչև 2027թ. հունվարի 1-ը։ Դավիդե Անչելոտին առաջին անգամ կնշանակվի գլխավոր մարզիչ։ Նա «Ռեալում», ՊՍԺ-ում, «Նապոլիում», «Էվերթոնում» […] ...
20:22 07.07.2025
Հուլիսի 8-ին կդադարեցվի Գեղարքունիքի և Սյունիքի մարզերի որոշ հասցեների գազամատակարարումըՊլանային աշխատանքներ իրականացնելու նպատակով՝ հուլիսի 8-ին ժամը 09:30-ից մինչև ժամը 17:45-ը, կդադարեցվի Գեղարքունիքի մարզի Վարդենիկ բնակավայրի գազասպառողների, հարակից տարբեր նշանակության հանրային կազմակերպությունների գազամատակարարումը։ Պլանային աշխատանքներ իրականացնելու նպատակով՝ հուլիսի 8-ին ժամը 14:30-ից մինչև ժամը 17:30-ը, կդադարեցվի Սյունիքի մարզի Կապան քաղաքի Շահումյան փողոցի թիվ 5ա/15բ բազմաբնակարան շենքի գազասպառողների, Դանիել Դանիելյան ԱՁ-ի, «Ֆաստ Բանկի» մասնաճյուղի գազամատակարարումը։ ...
20:11 07.07.2025
Պարեկային ծառայության և օպերատիվ կառավարման կենտրոնի ձևավորումը նոր խոսք է իր հետ բերել․ ՆԳ նախարարՆերքին գործերի նախարար Արփինե Սարգսյանը հուլիսի 7-ին Պարեկային ծառայության և Օպերատիվ կառավարման կենտրոնի վարչական համալիրում մասնակցել է ծառայությունների կազմավորման 4-րդ տարեդարձին նվիրված տոնական միջոցառմանը։ Ներկա էին Ոստիկանության պետը, տեղակալները, ՆԳ նախարարության և Ոստիկանության ղեկավար կազմը, պարեկային ծառայողներ։ Շնորհավորելով ներկաներին՝ նախարար Սարգսյանն ընդգծել է, որ ոստիկանության պատմության մեջ 4 տարին կարող է կարճ ժամանակահատված թվալ, սակայն […] ...
19:54 07.07.2025
«Նոայի» հայտացուցակը Չեմպիոնների լիգայի համար«Նոայի» մամուլի ծառայությունը ներկայացրել է ակումբի A հայտացուցակը, որը նախատեսված է Չեմպիոնների լիգայի որակավորման առաջին փուլի համար։ Հայտացուցակում ընդգրկվել են հետևյան ֆուտբոլիստները. Դարպասապահներ. Օգնյեն Չանչարևիչ, Ալեքսեյ Պլոշչադնի։ Պաշտպաններ. Էրիկ Բոակյե, Հովհաննես Համբարձումյան, Դավիթ Սուալեհե, Գոնսալու Սիլվա, Ներմին Զոլոտիչ։ Կիսապաշտպաններ. Արտակ Դաշյան, Իմրան Ուլադ Օմար, Գուստավո Սանգարե, Զավեն Խուդավերդյան, Գոռ Մանվելյան, Յան Էթեկի, Հովհաննես Հարությունյան։ Հարձակվողներ. […] ...
19:46 07.07.2025
Քննարկվել են Գլխավոր դատախազության և Հայ իրավաբանական միության միջև համագործակցությունը խորացնելու հեռանկարներըԳլխավոր դատախազի տեղակալ Լիլիթ Գրիգորյանն այսօր ընդունել է «Հայ իրավաբանական միություն» կազմակերպության նախագահ Լյուսի Վարպետյանի գլխավորած պատվիրակությանը: Հանդիպումը կայացել է Գլխավոր դատախազության շենքում բացված՝ ԵՊՀ իրավաբանական լաբորատորիայում: Լիլիթ Գրիգորյանը ողջունել է Հայ իրավաբանական միության գործընկերներին Գլխավոր դատախազությունում և ներկայացրել Լաբորատորիայի գործունեության թեմատիկ ուղղությունները: Լյուսի Վարպետյանը ներկայացրել է Կազմակերպության ընթացիկ ծրագրերն ու գործունեության հիմնական ուղղությունները, ընդգծել […] ...
