20:05 03.09.2020
Տնտեսությունը սահմանափակումների թուլացումից հետո սկսել է ակտիվանալ ։ Ռեստորաններում միջոցառումներն առայժմ, մասնակիցների թվի սահմանափակումներով, թույլատրելի են: Շղթայաբար ակտիվանում է նաև գեղեցկության սրահների և հուշանվերների խանութների աշխատանքը: Պարապուրդի շրջանում կրած վնասները նախ պետք է վերականգնեն, ապա մտածեն շահութաբերության մասին: Այսօր կորոնավիրուսի տնտեսական հետևանքներից խոսել են տուժած ոլորտների ներկայացուցիչները: Տուժել է գործատուն, հետևաբար նաև աշխատողները: Սպասարկման ոլորտում աշխատողների ու աշխատավարձերի կրճատումներ են տեղի ունեցել:
Գյումրիի կենտրոնում ռեստորաններում ու սրճարաններում ազատ տեղեր գտնելը դժվար է: Պատկերն այսպիսին է հիմնականում հանգստյան օրերին: Սահմանափակումների թուլացումից հետո քաղաքի բնակիչներն ու հյուրերը հանգիստը արտերկրում անցկացնելու հնարավորության բացակայությունը լրացնում են զբոսանքով, մշակութային օջախներ , սրճարաններ ու ռեստորաններ այցելելով:
Փակ տարածքներում կենդանի երաժշտությունը դեռ թույլատրված չէ, բայց սահմանված քանակով մասնակիցներով միջոցառումներ կարելի է: Սա բերել է ոչ միայն ռեստորանների աշխատանքի ակտիվացմանը: Սպասարկման ոլորտը շղթա է, ազդեցությունը նույնպես՝ շղթայական:Մարտ ամսից որոշ աշխատողներ սպասարկման ոլորտում դեռ աշխատանքի չեն վերադարձել: Կան կրճատվողներ, արձակուրդում գտնվողներ: Նրանց նորից աշխատանքի անցնելու հնարավորությունն ուղիղ համեմատական է այն որոշումներին, որոնք պարետատունն ու կառավարությունն են կայացնում:
«Անորոշ իրավիճակում ենք հիմա գտնվում, որովհետև այսօր սահմանները փակ են, վաղը կարող է բացվել , հետո նորից կարող է փակվել:Չգիտենք ինչ է տեղի ունենալու, որ ըստ այդմ կազմենք ռազմավարական պլան: Պետք է կազմես ռազմավարական 4 պլան , որ գոնե մեկը համապատասխանի կայացվող որոշումներին »,-ասել է «Ֆլորենս Գյումրի» ռեստորանի տնօրեն Կարեն Հարությունյանը:
Համավարակի ու սահմանափակումների շրջանը նաև նոր հնարավորություններ են բացել ու նոր բիզնես գաղափարներ են իրականություն դարձել: Դրանցից մեկի հեղինակն էլ Ժաննա Չամաքյանն է: Սահմանափակումների պայմաններում, երբ չեն աշխատում համայնքապատկան մանկապարտեզները նախադպրոցական երեխաների զարգացման կենտրոն է հիմնել: Սա գործունեության այն տեսակն է, որը Գյումրիում զարգանալ սկսեց հենց համավարակի օրերին:
«Ծնողները զանգում են, գրանցում են իրենց երեխաներին: Ասում են, որ աշխատող են, իսկ բալիկներին տեղ չունեն թողնելու: Առանց երաշխիքի, առանց շահույթի, պարետի ցուցումներին հետևելով ռիսկի գնացինք ու բացեցինք»,- ասել է երեխաների զարգացման կենտրոնի տնօրեն Ժաննա Չամաքյանը:
Ըստ սպասարկման ոլորտի ներկայացուցիչների առնվազն 5 ամիս կպահանջվի իրենց բիզնեսի վերականգնման համար: Սա այն պարագայում, եթե նոր սահմանափակումներ չկիրառվեն: Այսօր կառավարությունը շրջանառության մեջ է դրել արտակարգ դրությանը փոխարինող նոր կարգավորումների օրենսդրական փաթեթը: Առաջարկվում է արտակարգ դրության փոխարեն ներդնել կարանտին հասկացությունը։
11:00 09.07.2025
Ապօրինի շրջանառությունից հանվել է 6 կիլոգրամից ավելի թմրանյութ. Քրեական ոստիկանության բացահայտումըՔրեական ոստիկանության թմրամիջոցների անօրինական շրջանառության դեմ պայքարի վարչության ծառայողներն, օպերատիվ-հետախուզական ծավալուն միջոցառումների արդյունքում, ստացան ապօրինի թմրաշրջանառության վերաբերյալ հերթական հավաստի տեղեկությունը, որն իրացրին համագործակցելով Էրեբունի և Նուբարաշեն վարչական շրջանների քննչական բաժնի ծառայողների և Երևանի պարեկների հետ: Համատեղ աշխատանքի արդյունքում հուլիսի 7-ին` ժամը 15.20-ին, մայրաքաղաքի Մազմանյան փողոցում ձերբակալվեցին Ձորաղբյուրի բնակիչ երկու տղամարդ ու ու երևանցի մի կին: […] ...
10:48 09.07.2025
Սևանա լճի ջրի միջին ջերմաստիճանն առափնյա հատվածում՝ հուլիսի 9-ի 08։00 դրությամբՍևանա լճի ջրի միջին ջերմաստիճանն առափնյա հատվածում հուլիսի 9-ի 08։00 դրությամբ կազմել է 17.6°C: Այս մասին հայտնում է «Հիդրոօդերևութաբանության և մոնիթորինգի կենտրոն» ՊՈԱԿ-ը։ ...
10:36 09.07.2025
Տուժածների կյանքին վտանգ չի սպառնում․ ՀՀ ՊՆՏուժածների կյանքին վտանգ չի սպառնում, նրանք հոսպիտալի բուժանձնակազմի հսկողության ներքո են և ստանում են անհրաժեշտ բուժօգնություն։ Այս մասին հայտնում է ՀՀ պաշտպանության նախարարությունը՝ անդրադառնալով երեկվա միջադեպին։ Հուլիսի 8-ին նախարարությունը հայտնել էր, որ ժամը 16:00-ի սահմաններում՝ ՊՆ N զորավարժադաշտում ուսումնական պարապմունքի ընթացքում ականանետային կրակոցի պայթյունի հետևանքով կան տուժածներ: Դեպքի հանգամանքներն ամբողջովին պարզելու նպատակով ընթանում է քննություն: ...
10:30 09.07.2025
2025թ. առաջին կիսամյակում Երևանում շուրջ 6300 3000 Կելվին ջերմատվությամբ լուսատուներ են տեղադրվելԵրևանյան փողոցներում 2024 թ․ սկզբից մեկնարկել է 3000 Կելվին ջերմատվությամբ լուսատուների տեղադրումը: Այս մասին հայտնում են Երևանի քաղաքապետարանից։ 2025թ. առաջին կիսամյակում շուրջ 6300 3000 Կելվին ջերմատվությամբ լուսատուներ են տեղադրվել: Միջազգային առողջապահական ուսումնասիրությունների համաձայն, մասնավորապես՝ American Medical Association-ի (Ամերիքըն մեդիքըլ ասոցիացիա), 3000 Կելվին ջերմատվությամբ լուսատուներն ավելի ճիշտ ընտրություն են, քան 4000 Կելվին և բարձր ջերմատվությամբ լուսատուները՝ […] ...
10:11 09.07.2025
«Ռեալ Մադրիդի» ֆուտբոլիստներով ինքնաթիռը մի քանի ժամ չի կարողացել վայրէջք կատարել Նյուարկում«Ռեալ Մադրիդի» ֆուտբոլիստներին տեղափոխող ինքնաթիռը մի քանի ժամ չի կարողացել վայրէջք կատարել Նյուարկի օդանավակայանում: Այս մասին հաղորդում է Marca թերթը: Ակումբային աշխարհի առաջնության կիսաեզրափակչում «Ռեալ Մադրիդը» կխաղա «Պարի Սեն Ժերմենի» հետ։ Խաղը կկայանա Նյուարկում հուլիսի 9-ին։ Իսպանական թիմը Մայամիից Նյուարկ էր ուղևորվում: Փոթորիկը մեկուկես ժամով հետաձգել է նրանց թռիչքը: Ինքնաթիռը վայրէջքից առաջ պտտվել է օդանավակայանի […] ...
10:00 09.07.2025
ԵՄ-ն քննարկում է Ուկրաինային աջակցելու համար 100 միլիարդ եվրոյի հիմնադրամի ստեղծումըԵվրամիությունը ուսումնասիրում է Ուկրաինային աջակցելու համար 100 միլիարդ եվրոյի հատուկ հիմնադրամ ստեղծելու հնարավորությունը, հաղորդում է Bloomberg-ը։ «Եվրամիությունը քննարկում է 100 միլիարդ եվրոյի հիմնադրամ ստեղծելու հարցը՝ Ուկրաինային աջակցելու համար, քանի որ Ռուսաստանի հետ նրա պատերազմը ավարտի նշաններ չի ցույց տալիս», – ասվում է զեկույցում։ Bloomberg-ի աղբյուրները հայտնել են, որ եթե անդամ պետությունները համաձայնության գան բյուջեի շուրջ […] ...
