Մոսկվան կոչ է անում Լեռնային Ղարաբաղի շուրջ ստեղծված իրավիճակում ներգրավված բոլոր կողմերին չքաղաքականացնել հումանիտար դոսյեն այդ տարածաշրջանում: Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, հաղորդում է ТАСС-ը:
«Մենք կողմնորոշում ենք բոլոր կողմերին չքաղաքականացնել մարդասիրական դոսյեն և անմիջապես սկսել աշխատանքը, որը մեծ պահանջարկ ունի տարածաշրջանում բավականին սուր մարդասիրական իրավիճակի համատեքստում։ Դա կարևոր ներդրում կլիներ տարածաշրջանում մշակութային հուշարձանների և սրբավայրերի անվտանգության ապահովման, միջկրոնական, ազգամիջյան հաշտեցման և ներդաշնակության հասնելու գործում»,-ասել է նա։
Զախարովան նշել է, որ վերջին օրերին Ղարաբաղում ռուս խաղաղապահները շարունակել են բարենպաստ պայմաններ ստեղծել փախստականների վերադարձի համար, ականազերծման գործընթաց են իրականացրել և որոնել անհայտ կորած զինվորներին և զոհվածների դիերը: Նաև տեղակայվել է մարդասիրական արձագանքման կենտրոն, որի աշխատանքներին մասնակցում են մի քանի տասնյակ դաշնային նախարարություններ, գերատեսչություններ և գործակալություններ, մշակվել է Ադրբեջանի և Հայաստանի համապատասխան գերատեսչությունների կապը դրա աշխատանքին, անցել են մարդասիրական բեռների առաջին խմբաքանակները:
«Ռուսաստանի արտգործնախարարության միջոցով մենք միջազգային աջակցություն ենք մոբիլիզացրել ԵԱՀԿ-ում, Մինսկի խմբի մյուս համանախագահ երկրներում, ինչպես նաև ՄԱԿ-ի մասնագիտացված կազմակերպություններում: Կարմիր խաչի միջազգային կոմիտեն արդեն ակտիվորեն գործում է, մենք աշխատում ենք նաև ՄԱԿ-ի փախստականների հարցերով գերագույն հանձնակատարի գրասենյակի հետ, Համաշխարհային պարենային ծրագրի, ՅՈՒՆԵՍԿՕ-ի, ՅՈՒՆԻՍԵՖ-ի, ՄԱԿ-ի Զարգացման ծրագրի, ԱՀԿ-ի հետ»,- ասել է դիվանագետը:
Զախարովան նաև շեշտել է, որ Ռուսաստանի Դաշնության միջգերատեսչական պատվիրակության Երևան և Բաքու կատարած այցի ընթացքում «շեշտադրվել են մարդասիրական օգնություն ցուցաբերելու խնդիրները», Լեռնային Ղարաբաղի տարածաշրջանում բնականոն կյանքի պայմանների ստեղծումը: «Մենք ակնկալում ենք, որ Ռուսաստանի Դաշնության կողմից Ադրբեջանի և Հայաստանի, ինչպես նաև օտարերկրյա շահագրգիռ գործընկերների և կառույցների հետ համատեղ իրականացվող համալիր միջոցառումները կնպաստեն Հարավային Կովկասում խաղաղությանն ու անվտանգությանը»,- եզրափակել է ԱԳՆ ներկայացուցիչը:
