12:09 29.01.2021
Ռուսաստանի արտակարգ իրավիճակների նախարարության մասնագետները շարունակում են ականազերծման աշխատանքները Լեռնային Ղարաբաղում: ՌԴ ԱԻՆ-ի փոխանցմամբ՝ նրանք ուսումնասիրել են ավելի քան 123 հա տարածք և հայտնաբերել են շուրջ 15,5 հազար պայթուցիկ առարկա:
Նախարարությունը նշում է, որ «Լիդեր» կենտրոնի հրատեխնիկական խումբն այժմ աշխատում է Մարտունու շրջանում (ավելի վաղ՝ Ասկերանում): Ամբողջ ժամանակահատվածում այս տարածքներում մասնագետները հետազոտել են ավելի քան 110 հա տարածք, որտեղ գտել են շուրջ 15 հազար զինամթերք: Տեղի բնակիչներն օգնություն են տրամադրում վարչության աշխատակիցներին՝ մասնավոր տարածքներում պայթուցիկ օբյեկտների հնարավոր առկայության մասին տեղեկություններ հայտնելով։
Գերատեսչությունը հաղորդում է, որ հայտնաբերված զինամթերքի մեջ արդեն կա ավելի քան 6800 հրետանային արկ և 3400 տարբեր տրամաչափի փամփուշտներ, ինչպես նաև ավելի քան 730 ականանետի ական և ավելի քան 1100 նռնակ:
Միայն երեկվա ընթացքում պիրոտեխնիկները հայտնաբերել են 115 պայթյունավտանգ առարկա, որոնց մասին տեղեկատվությունը ստացվել է տեղի բնակչությունից:
Դրան զուգահեռ ականազերծումը շարունակվում է Աղդամի շրջանի Աֆաթլի բնակավայրի մոտակայքում: Այնտեղ պիրոտեխնիկներն արդեն ուսումնասիրել են շուրջ 13 հա տարածք, հայտնաբերել և վնասազերծել են 395 պայթյունավտանգ առարկա, այդ թվում՝ 100 հակատանկային և 196 հակահետևակային ական, ինչպես նաև 98 նռնակ:
ՌԴ ԱԻՆ-ի կայքում նաև նշվում է, որ գերատեսչության մասնագետներն ադրբեջանցի գործընկերների հետ միասին մաքրում են տարածքը ձեռքով և Մոսկվայից բերված երկու MV-4 ականազերծող մեքենաների միջոցով:
Գերատեսչությունը հավելում է, որ Ռուսաստանի ԱԻՆ-ի և Ադրբեջանի ԱԻՆ-ի համագործակցության շրջանակներում շարունակվում են տեսական և գործնական պարապմունքները հանրապետական ԱԻՆ-ի 30 պիրոտեխնիկների հետ։ Դասընթացների ընթացքում ՌԴ ԱԻՆ-ի մասնագետները պատմում են պայթյունավտանգ առարկաների կառուցվածքային առանձնահատկությունների մասին և մանրակերտերի վրա ցույց են տալիս դրանց գործունեության սկզբունքները և չեզոքացման մեթոդները:
11:39 14.05.2025
ԿԳՄՍ նախարարությունը դատապարտում է Մերձավան գյուղի միջնակարգ դպրոցում տեղի ունեցած միջադեպըՀՀ կրթության, գիտության, մշակույթի և սպորտի նախարարությունը խստորեն դատապարտում է Արմավիրի մարզի Փարաքար համայնքի Մերձավան գյուղի միջնակարգ դպրոցում տեղի ունեցած միջադեպը, որի ընթացքում պատմության ուսուցչի նկատմամբ դրսևորվել է անթույլատրելի վերաբերմունք՝ դպրոցի տնօրենի ժամանակավոր պաշտոնակատարի, որոշ ուսուցիչների, աշակերտների և ծնողների մասնակցությամբ։ «Միաժամանակ տեղեկացնում ենք, որ Արմավիրի մարզպետի աշխատակազմի հետ համագործակցությամբ որոշում է կայացվել սահմանված կարգով տնօրենի […] ...
11:27 14.05.2025
Արարատ Միրզոյանի դեմ մահափորձի գործով Արա Բադոյանը դատապարտվել է 3,5 տարվա ազատազրկմանԱրտաքին գործերի նախարար Արարատ Միրզոյանի նկատմամբ 2020 թվականին (խմբ. Արարատ Միրզոյանն այդ ժամանակ ՀՀ ԱԺ նախագահն էր) իրականացված մահափորձի գործով մեղադրյալ Արա Բադոյանը դատապարտվել է 3.5 տարվա ազատազրկման։ Այս մասին «Արմենպրես»-ի հետ զրույցում հայտնել են ՀՀ գլխավոր դատախազության հանրային կապերի բաժնից։ «Հաշվի առնելով անձի անազատության մեջ գտնվելու հանգամանքը, ազատության մեջ գտնվելու օրերը հաշվակցվել են նշանակված […] ...
11:18 14.05.2025
ԵՄ դեսպանները հաստատել են Ռուսաստանի դեմ պատժամիջոցների 17-րդ փաթեթըԵՄ դեսպանները հաստատել են Ռուսաստանի դեմ պատժամիջոցների 17-րդ փաթեթը։ Այս մասին լրագրողներին հայտնել է ԵՄ ինստիտուտների աղբյուրը։ «ԵՄ մշտական ներկայացուցիչների կոմիտեն հաստատել է Ռուսաստանի դեմ պատժամիջոցների 17-րդ փաթեթը», – ասել է նա՝ հավելելով, որ ԵՄ արտաքին գործերի նախարարների կողմից այս սահմանափակումների հաստատումը սպասվում է մայիսի 20-ին։ ...
11:10 14.05.2025
Կոտայքի մարզի դպրոցներից մեկում գործարկվելու է էլեկտրական շչակՄայիսի 15-ին՝ ժամը 10:00-ից մինչև 14:00-ն ընկած ժամանակահատվածում, Կոտայքի մարզի «Աղավնաձորի Զ. Դանիելյանի անվան միջնակարգ դպրոց» ՊՈԱԿ-ում անցկացվելու է «Ազդարարում, տարհանում, պատսպարում» թեմայով դասախոսություն, որի ընթացքում գործարկվելու է էլեկտրական շչակ։ ...
11:05 14.05.2025
«Ինտերը» չունի ՊՍԺ-ի, «Մանչեսթեր Սիթիի» կամ «Բավարիայի» բյուջեները․ ԻնձագիԻտալիայի չեմպիոն «Ինտերի» գլխավոր մարզիչ Սիմոնե Ինձագին խոսել է Եվրոպայի խոշորագույն ակումբների հետ ֆինանսական տեսանկյունից մրցակցության մասին։ Ա Սերիայի 36-րդ տուրում «Ինտերը» 2:0 հաշվով հաղթել է «Տորինոյին» եւ առաջատար «Նապոլիից» հետ է 1 միավոր։ «Ցավոք, Սկուդետոյի ճակատագիրը մեր ձեռքում չէ, բայց մենք պետք է կենտրոնացած լինենք մինչեւ վերջին խաղը։ Այս խաղում բացակայած ֆուտբոլիստները չեն լինի […] ...
10:58 14.05.2025
Լուլա դա Սիլվան մտադիր է Մոսկվայում Պուտինին փոխանցել Կիևի հարցադրումներըԲրազիլիայի նախագահ Լուիս Ինասիո Լուլա դա Սիլվան մտադիր է Չինաստան կատարած այցից հետո մեկնել Մոսկվա՝ Ռուսաստանի նախագահ Վլադիմիր Պուտինի հետ քննարկելու Ուկրաինայի իշխանությունների խնդրանքները մայիսի 15-ին Ստամբուլում հնարավոր բանակցությունների և պատվիրակությունների կազմի վերաբերյալ։ «Երբ ես մեկնեմ Մոսկվա, կփորձեմ խոսել Պուտինի հետ այս մասին», – ասել է Լուլա դա Սիլվան Պեկինում կայացած մամուլի ասուլիսում։ Նա նաև […] ...
