«Բայց դու համովն ես». ահա այդպիսի «սեռական հետապնդում» է իրականացրել Կանադայի սպորտի նախարարը

 Միանգամից երկու հայտնի գործիչներ Կանադայում հրաժարական են տվել սեռական ոտնձգությւնների պատճառով: Պաշտոնները կորցրել են սպորտի նախարար  Քենտ Հեհրը  և  Օնտարիոյի ընդդիմադիր պահպանողական կուսակցության առաջնորդ  Պատրիկ Բրաունը:

Նախարար գործընկերոջ վարքագիծը դատապարտել է  Կանադայի վարչապետ Ջասթին Տրյուդոն. «Ցանկացած ոտնձգություն դատապարտելի է: Կանադացիներն իրավունք ունեն ապրել և աշխատել  այնպիսի հասարակությունում, որն ազատ է ոտնձգություններից, կարևոր է  նաև աջակցել այն կանանց, ովքեր այդպիսի հայտարարություն են անում: Եվ դա այն է, ինչ կանի մեր կառավարությունը»,- ասել է նա: 

Միջադեպի մանրամասները վարչապետը պատմել է  Դավոսի համաշխարհային  տնտեսական համաժողովի ժամանակ: 2008-2015 թվականերին, երբ  Քենտ Հեհրն աշխատում էր  Ալբերտա շրջանի օրենսդիր մարմնում, մի օր  վերելակի մեջ իր գործընկեր մի կնոջ ասել է՝ բայց դու  համովն ես: Դրանից հետո կինը խուսափել է նրա  հետ նույն տարածքում մնալ: Միջադեպի մասին հայտնի է դարձել վերջերս: Իրավապահներն արդեն սկսել  են  քննել  մանրամասները: 

 Իսկ կանադական ԶԼՄ- ները ուշադրություն են դարրձել այն փաստին, որ Հեհրը չի ազատվել աշխատանիքից վարչապետի հրամանով, այլ սեփական դիմումի համաձայն է հեռացել՝ վարչապետի  հետ  «անմիջական» զրույցից հետո: 

Ի դեպ՝ 48-ամյա  Քենտ Հեհրը  1991 թվականից տեղաշարժվում է հաշմանդամության սայլակով: Դա հետևանք է  ճանապարհատրանսպորտային պատահարի:  Երիտասարդ տաիներին նա զբաղվում էր հոկեյով և  բեյսբոլով, պատրաստվում էր  իր կյանքը  կապել այդ  սպորտաձևերից  որևէ  մեկի հետ  կամ դառնալ ֆիզկուլտուրայի ուսուսցիչ: Այն ժամանակ, երբ վթարը տեղի ունեցավ, Հեհրը  խաղում էր Ալբերտա շրջանի հոկեյի թիմի  կազմում: Ավտովթարը ամբողջովին փոխեց նրա ծրագրերը: Երկար ժամանակ նա վերականգնում էր առողջությունը, հետո իրավագիտություն սովորեց  Կալգարիի համալսարանում: Նա համարվոմ էր վերջին 40 տարվա 40 լավագույն ուսանողներից  մեկը: Բացի իրավագիտութունից, զբաղվում էր նաև սահմանափակ հնարավորությւններով մարդկանց իրավունքներով: 

 Քենտ Հեհրը  սպորտի նախարարի պաշտոնը զբաղեցնում էր 2017 թվականի օգոստոսի 28-ից: 

 Հերհի միջադեպից  մեկ օր առաջ էլ նույն՝ սեքսուալ ոտնձգությունների մեղադրանքով ստիպված  էր պաշտոնից հրաժարվել  մեկ այլ հայտնի քաղաքական գործիչ՝  ընդդիմադիր պրոգրեսիվ պահպանողական կուսակցության առաջնորդ   39-ամյա  Պատրիկ Բրաունը:  Նրա դեմ  լուրջ մեղադրանքներ են ներկայացրել 2 կանայք: 

Նրանցից  մեկը պատմել է, որ 10 տարի առաջ,երբ դեռահաս էր, Բրաունը դրդել է նրան օրալ սեքսի և առաջարկել է սպիտային խմիչք: Բրաունն այդ ժամանակ  Դաշնային պառլամետի անդամ  էր: 

 Մյուս կինը պատմել է, որ  Բրաունը ոտնձգություն է կատարել իր նկատամբ, երբ միասին աշխատում էին խորհրդարանում:  Այդ  կնոջ վարկածով Բրաունն իրեն հրավիրել է իր տուն, խմիչք հյուրասիրել և սեքսուալ գործողություններ կատարել: 

 Անձի անվտանգության նկատառումները հաշվի առնելով՝ երկուսի տվյալներն են գաղտնի են պահվում: 

 «ես հերքում եմ բոլոր մեղադրանքերը, ես այպիսի  մարդ չեմ»,-ասել է Բարունը:  Ամեն դեպքում, նա  այլևս  չի ղեկավարում  Օնտարիոյի պահպանողակաների կուսակցությունը: