18:55 10.06.2021
Ռուսաստանը զգալի և էական ներդրում ունի Լեռնային Ղարաբաղում և հարակից տարածքներում հակամարտությանը հաջորդող շրջանում ականազերծման գործընթացում։ Այս մասին ամենշաբաթյա ճեպազրույցի ժամանակ հայտնել է ՌԴ արտգործնախարարության պաշտոնական ներկայացուցիչ Մարիա Զախարովան։
Նա նշել է, որ տարածքների ականազերծման խնդիրը հանդիսանում է ցանկացած զինված հակամարտության ամենավտանգավոր և դժվար վերացող հետևանքներից մեկը։
«2020 թվականի նոյեմբերի 23-ից ռուս խաղաղապահների ջանքերով հայտնաբերվել է շուրջ 26 000 պայթյունավտանգ առարկա և մաքրվել է շուրջ 2 000 հեկտար տարածք, ստուգվել է ավելի քան 2000 շենք և 650 կմ ճանապարհ։ Նման միջոցառումներ են ձեռնարկվում նաև ՌԴ ԱԻՆ-ի գծով։ Այս տարվա հունվարի 4-ից ադրբեջանական կողմի հետ համաձայնեցմամբ ռուս մասնագետներն Աղդամի շրջանում ուսումնասիրել են 550 հա տարածք և վնասազերծել են 18 000 պայթյունավտանգ առարկա»,- ասել է Զախարովան։
ՌԴ ԱԳՆ խոսնակը հայտնել է, որ Երևանի և Բաքվի հետ պարբերական շփումների ընթացքում, այդ թվում՝ բարձր մակարդակով, Մոսկվան կոչ է անում համագործակցել ականազերծման հարցերում, այդ թվում՝ ականադաշտերի մասին տեղեկատվության փոխանակման միջոցով։
«Ռուսաստանի ԱԳ նախարարն այդ թեման քննարկել է Երևան և Բաքու կատարած այցի ընթացքում՝ մայիսի առաջին տասնօրյակում։ Մենք ակնկալում ենք, որ այդ գործընթացը կարագացվի։ Մոսկվան հետևողականորեն կոչ է անում, որ հումանիտար նշանակություն ունեցող բոլոր հարցերը, այդ թվում՝ ռազմագերիների, պահվող անձանց, զոհերի մարմինների վերադարձը, անհետ կորածների ճակատագրի պարզաբանումը, լուծվեն Հայաստանի, Ադրբեջանի և Ռուսաստանի՝ 2020 թվականի նոյեմբերի 9-ի և 2021 թվականի հունվարի 11-ի հայտարարություններին խիստ համապատասխանությամբ, և որ դա կատարվի ամենաօպերատիվ կերպով և առանց որևէ նախապայմանի»,- հավելել է Զախարովան։
23:59 11.05.2025
Խեցեգործ Վարդանն ու նրա նկարչուհի կինը՝ Լիլիթը Սարյանի կտավները ներկայացնում են կերամիկայի միջոցովԽեցեգործ Վարդանն ու նրա նկարչուհի կինը՝ Լիլիթը, միասին հիմնել են «Մայոլիկա կերամիքս» ապրանքանիշը։ Այս մասին հայտնել են ՀՀ կառավարությունից: Համագործակցելով Մարտիրոս Սարյանի ժառանգների հետ` նկարչի կտավները ներկայացնում են կերամիկայի միջոցով՝ մայոլիկայի և մանրանկարչական ոճով։ Մանրամասները՝ տեսանյութում: ...
23:48 11.05.2025
ՃՏՊ Թալին-Արտենի ավտոճանապարհին․ կան տուժածներՄայիսի 11-ին, ժամը 18:13-ին Ճգնաժամային կառավարման ազգային կենտրոն ահազանգ է ստացվել, որ Արագած-Արտենի ավտոճանապարհին տեղի է ունեցել ՃՏՊ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Թալին-Արտենի ավտոճանապարհի 23-րդ կմ-ին «Mercedes-Benz» մակնիշի ավտոմեքենան բախվել է ճամփեզրի բետոնե արգելապատնեշին, գլորվել (մոտ 30 մ) և հայտնվել դաշտամիջյան հատվածում։ […] ...
23:38 11.05.2025
Երևանում գործող հայտնի սրճարաններից մեկում հայտնաբերվել է տղամարդու մարմինՄայիսի 11-ին, ողբերգական դեպք է տեղի ունեցել Երևանում։ Ժամը 20:30-ի սահմաններում ՀՀ Ներքին գործերի նախարարության Ոստիկանության համայնքային ոստիկանության գլխավոր վարչության կենտրոնականի բաժնում օպերատիվ տեղեկություններ են ստացվել որ Աբովյան փողոցի 23 հասցեում գործող «De France» սրճարանում դի կա։ Ինչպես հայտնում է shamsyan.com-ը, դեպքի վայր են ժամանել ոստիկանության Կենտրոնական բաժնի օպերատիվ խումբը: Տեղում պարզվել է, որ ստացված […] ...
23:17 11.05.2025
Աֆղանստանում արգելվել է շախմատըԱֆղանստանի առաքինությունների խթանման և արատների կանխարգելման նախարարությունը պաշտոնապես արգելել է շախմատը երկրում։ Այս մասին հայտնել է Khaama Press պորտալը։ Նշվում է, որ նախարարությունն արդեն լուծարել է Աֆղանստանի շախմատի ֆեդերացիան։ ...
22:56 11.05.2025
Al Arabiya. Իսրայելը հարվածներ է հասցնում Եմենի նավահանգիստներն Ալ-ՀոդեյդայումԻսրայելական ինքնաթիռները սկսել են հարվածել Եմենի Հոդեյդա, Ռաս Իսա և Աս-Սալիֆ նավահանգիստներին, որոնք գտնվում են Կարմիր ծովի ափին և գտնվում են հութիների վերահսկողության տակ: Այս մասին հաղորդում է Սաուդյան Արաբիայի Al Arabiya հեռուստաալիքը՝ հղում անելով իր աղբյուրներին։ Հութիների գլխավորած կառավարության Ներքին գործերի նախարարությունը նույնպես հայտարարել է, որ նահանգը ենթարկվել է իսրայելական հարձակման: Ավելի վաղ Իսրայելի […] ...
22:39 11.05.2025
Reuters. ԱՄՆ-ն և Չինաստանը համաձայնության են եկել առևտրային դեֆիցիտը կրճատելու հարցումԱՄՆ-ի և Չինաստանի պաշտոնյաները հայտարարել են, որ Ժնևում երկօրյա բանակցություններից հետո համաձայնության են եկել առևտրային դեֆիցիտը կրճատելու վերաբերյալ, որի մանրամասները կհայտարարվեն մայիսի 12-ին: Այս մասին հայտնել է Reuters-ը՝ հղում անելով բանակցություններին մասնակցող ամերիկյան պատվիրակության ներկայացուցիչներին: «ԱՄՆ առևտրային ներկայացուցիչ Ջեյմիսոն Գրիրը, որը մասնակցել է բանակցություններին (ԱՄՆ ֆինանսների նախարար Սքոթ) Բեսենտի, փոխվարչապետ Հե Լիֆենգի և երկու չինացի […] ...
