16:36 06.10.2021
Վրաստանում ավարտվել է Ադրբեջանի, Թուրքիայի ու Վրաստանի պաշտպանության նախարարների հանդիպումը: Տարածաշրջանում անվտանգություն, պաշտպանական համագործակցության ուղղություններ և ապագա ծրագրեր. սրանք էին եռակողմ հանդիպման հիմնական թեմաները: Հանդիպումը տեղի է ունեցել Կախեթիում, Ծինանդալիում, փոխանցում է Aliq.ge-ն։
Ըստ Վրաստանի պաշտպանության նախարարության տարածած հաղորդագրության՝ նախարար Ջուանշեր Բուրճուլաձեն հայտարարել է, որ պաշտպանության ոլորտում եռակողմ համագործակցության ձևաչափն արդյունավետ է և ծառայում է տարածաշրջանի անվտանգությանն ու կայունությանը:
«Ադրբեջան-Թուրքիա-Վրաստան ռազմավարական գործընկերությունը, վստահության և փոխադարձ հարգանքի վրա հիմնված հարաբերությունները մեծ նշանակություն ունեն տարածաշրջանի անվտանգության, մեր ժողովուրդների բարեկեցության և մեր պաշտպանական ուժերի զարգացման համար»,- ասել է Վրաստանի պաշտպանության նախարարը:
Նախարարն ընդգծել է տարածաշրջանում անվտանգության մարտահրավերներն ու հիշեցնելով Իրակլի Ղարիբաշվիլիի՝ ՄԱԿ -ի 76 -րդ նստաշրջանում հնչեցրած խաղաղ նախաձեռնությունը՝ նշել, որ գոյություն ունեցող հակամարտությունների՝ խաղաղ ճանապարհով լուծմանն այլընտրանք չկա:
Թուրքիայի և Ադրբեջանի պաշտպանության նախարարները շնորհակալություն են հայտնել վրացի գործընկերոջը արդյունավետ ու բարձր մակարդակով կազմակերպված հանդիպումների համար:
«Մենք քննարկեցինք պաշտպանության և անվտանգության, ինչպես նաև այլ ոլորտներում համագործակցության ներկա և ապագա ծրագրերը: Վրաստանի, Ադրբեջանի և Թուրքիայի տեսանկյունից մենք քննարկեցինք, թե ինչ կարող ենք անել տարածաշրջանի բարգավաճման և կայունության համար»,- ասել է Թուրքիայի պաշտպանության նախարարը:
Ադրբեջանի պաշտպանության նախարարն իր հերթին նշել է. «Այսօրվա հանդիպումները մեր երկրների ռազմավարական համագործակցության օրինակ են: Եռակողմ հանդիպումների ընթացքում կարևորվեցին եղբայրական և բարեկամ ժողովուրդների հարաբերությունների զարգացման և եռակողմ ձևաչափի ընդունման քայլերը: Մենք քննարկեցինք ապագա հեռանկարներն ու խոսեցինք համագործակցության տարբեր ոլորտների մասին»:
Նախարարական հանդիպումների ավարտին բոլոր երեք երկրների պաշտպանության նախարարները ստորագրեցին համագործակցության եռակողմ փաստաթուղթ:
19:54 23.06.2025
Տափօղակով հոկեյի Հայաստանի հավաքականի հարձակվողը պայմանագիր է ստորագրել Կրասնոյարսկի «Սոկոլի» հետՏափօղակով հոկեյի Հայաստանի հավաքականի հարձակվող Էդգար Վարագյանը պայմանագիր է ստորագրել Կրասնոյարսկի «Սոկոլի» հետ։ Այս մասին հաղորդում է ակումբի մամուլի ծառայությունը: 22-ամյա հոկեյիստի պայմանագիրը նախատեսված է մեկ մրցաշրջանի համար: Այս ակումբը հանդես է գալիս Ռուսաստանի երկրորդ դիվիզիոնում: Վարագյանը մինչև այս հանդես էր գալիս ռուսական «Յուժնի Ուրալ» և «Մագնիտկա» ակումբներում և 45 խաղում վաստակել էր 5 միավոր […] ...
19:45 23.06.2025
Հայտնաբերվել է 411 ոչ սթափ վարորդ․ պարեկների անցած շաբաթվա ծառայության արդյունքներըՀունիսի 16-ից 23-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 4516 խախտում՝ պահպանվող հատուկ տարածք տեղափոխելով 136 ավտոմեքենա։ Մասնավորապես, հայտնաբերվել է ոչ սթափ 186 վարորդ, առանց վարորդական իրավունքի վկայականի՝ 303 անձ։ Հայտնաբերվել է հաշվառման համարանիշի հետ կապված՝ 19, չամրակապված վարելու՝ 978, առանց մանկական նստատեղի՝ քարսիթի՝ 19, վարելու ընթացքում ծխելու՝ 392, վարելիս […] ...
19:38 23.06.2025
Վահան Հակոբյանն ազատվել է ՌԴ-ում Հայաստանի դեսպանությանը կից մաքսային կցորդի պաշտոնիցՎարչապետ Նիկոլ Փաշինյանի հունիսի 23-ի որոշմամբ Վահան Հակոբյանն ազատվել է Ռուսաստանի Դաշնությունում Հայաստանի Հանրապետության դեսպանությանը կից մաքսային կցորդի պաշտոնից: «Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասը և «Դիվանագիտական ծառայության մասին» Հայաստանի Հանրապետության օրենքի 10-րդ հոդվածի 9-րդ մասը՝ Վահան Գագիկի Հակոբյանին ազատել Ռուսաստանի Դաշնությունում Հայաստանի Հանրապետության դեսպանությանը կից մաքսային […] ...
19:28 23.06.2025
Վարչապետի որոշմամբ՝ Էկոնոմիկայի նախարարն ու ՊԵԿ նախագահը գործուղվել են ԹբիլիսիՀՀ վարչապետի որոշմամբ՝ Էկոնոմիկայի նախարար Գևորգ Պապոյանն ու ՊԵԿ նախագահ Էդուարդ Հակոբյանն այսօր գործուղվել են Թբիլիսի։ «Այցի շրջանակում հանդիպեցինք Վրաստանի առաջին փոխվարչապետ, էկոնոմիկայի և կայուն զարգացման նախարար Լևան Դավիթաշվիլիի, Գյուղատնտեսության և շրջակա միջավայրի նախարար Դավիթ Սոնգուլաշվիլիի, ինչպես նաև Պետական եկամուտների ծառայության ղեկավար Իրակլի Բերաիայի հետ։ Բարձր մակարդակով կայացած բանակցությունների արդյունքում պայմանավորվածություն է ձեռք բերվել Գեզի […] ...
19:14 23.06.2025
Բիչախչյանի գոլային փոխանցումըՀայաստանի ազգային հավաքականի կիսապաշտպան Վահան Բիչախչյանը Վարշավայի «Լեգիայի» կազմում լեհական «Վիսլա Պլոցկի» ակումբի դեմ ընկերական խաղում գոլային փոխանցում է կատարել: 6-րդ րոպեին Բիչախչյանի փոխանցումից հետո Միգել Ալֆարելան հավասարեցրել է խաղի հաշիվը` 1-1։ «Լեգիան» պարտվել է 2-3 հաշվով: Սա «Լեգիայի» առաջին ընկերական խաղն էր նախամրցաշրջանային հավաքի ընթացքում։ Լեհաստանի գավաթակիրը պատրաստվում է Եվրոպա լիգայի որակավորման առաջին փուլին, […] ...
