13:39 12.11.2021
Հայաստանի նկարիչների միության «Արա Սարգսյան» ցուցասրահում բացվել է ցուցահանդես՝ նվիրված Հայաստանի գեղարվեստի պետական ակադեմիայի հիմնադրման 75-ամյակին: Ցուցահանդեսում ներկայացված են բուհի դասախոսական կազմի, այդ թվում՝ ՀՀ ժողովրդական նկարիչներ Արամ Իսաբեկյանի, Փարավոն Միրզոյանի, ՀՀ ժողովրդական նկարիչ Գետիկ Բաղդասարյանի, ՀՀ մշակույթի վաստակավոր գործիչ Էդուարդ Վարդանյանի, ինչպես նաև շրջանավարտների գեղանկարչական, գրաֆիկական, քանդակագործական, կիրառական արվեստի շուրջ 100 աշխատանքներ:
Հայաստանի նկարիչների միության նախագահ Սուրեն Սաֆարյանը, ողջունելով ներկաներին, շնորհավորել է Հայաստանի գեղարվեստի պետական ակադեմիայի 75-ամյակի և հոբելյանին նվիրված ցուցահանդեսի բացման կապակցությամբ:
«Մեր սիրելի Գեղարվեստի ակադեմիան արդեն 75-ամյա պատմություն ունի, և ես իմ խոնարհումն եմ բերում բուհի երախտավորներին, հիմնադիրներին, բոլոր տարիների դասախոսներին, ադմինիստրատիվ կազմին: Այսօր էլ բուհի դասախոսները մեծ սիրով և նվիրումով են կրթում ու դաստիարակում երիտասարդ սերնդին: Ամենաջերմ և գեղեցիկ հիշողություններս կապված են մեր բուհի և ուսումնառությանս տարիների հետ, ինչի համար խորին երախտագիտությունս եմ հայտնում»,- ասել է Սուրեն Սաֆարյանը և բոլորին շնորհավորել հոբելյանի առթիվ:
Հայաստանի գեղարվեստի պետական ակադեմիայի ռեկտոր Արամ Իսաբեկյանը, ողջունելով ներկաներին, նշել է, որ ակադեմիան 1945 թվականին հիմնադրվել է Արա Սարգսյանի և Մարտիրոս Սարյանի ջանքերով: Համավարակով ու պատերազմական իրավիճակով պայմանավորված՝ հոբելյանական միջոցառումը տեղափոխվել է 2021 թվական:
«Բուհի պատմությունը կարելի է բաժանել 2 շրջանի՝ խորհրդային և անկախության: 1994 թվականից անցել է 27 տարի. այս ժամանակահատվածում ունեցել ենք աննախադեպ զարգացումներ. վերանորոգել ենք Ակադեմիայի շենքը, հիմնադրել ցուցասրահը, նոր մասնաճյուղ ստեղծել Երևանում, հիմնադրել մասնաճյուղեր Գյումրիում, Դիլիջանում, իրականացրել և զարգացրել ենք բազմաթիվ ծրագրեր, համագործակցել եվրոպական կառույցների հետ, մասնակցել ենք «ՏԵՄՊՈՒՍ» և «ԷՐԱԶՄՈՒՍ» 10 ծրագրերի, որոնցից երկուսը ղեկավարել է մեր ակադեմիան. կատարած փայլուն աշխատանքի համար եվրոպական կառույցների կողմից շնորհակալության ենք արժանացել: Նշեմ, որ նոր մասնագիտություններ են ավելացել, և աճել է ուսանողների թիվը»,- բուհի ձեռքբերումներն արձանագրել է ռեկտորը և շնորհավորել բոլորին Գեղարվեստի ակադեմիայի հոբելյանի ու դրան նվիրված ցուցահանդեսի բացման կապակցությամբ:
ՀՀ ԿԳՄՍ նախարարի տեղակալ Արա Խզմալյանն էլ, հոբելյանի կապակցությամբ շնորհավորելով Գեղարվեստի ակադեմիայի բոլոր դասախոսներին, շրջանավարտներին, ուսանողներին, արվեստասեր հանրությանը, ընդգծել է, որ ակադեմիան այն հաստատությունն է, որը, բացի կրթական լինելուց, հսկայական, հաստատուն և ամուր մշակութային շերտ է, և առանց Գեղարվեստի ակադեմիայի ամբողջական չէին լինի մեր հոգևոր նկարագիրը և մշակութային գունապնակը:
«Ինձ համար կերպարվեստն ազատության ոլորտ է, ինչպես ազատության ոլորտ է երաժշտությունը՝ թեմատիկ և սյուժետային կապանքներից ու կաշկանդումներից ազատվելու ունակ: Կարծում եմ, որ մարդու հոգևոր նկարագրի լիարժեքության և հոգեկան առողջության համար չափազանց կարևոր է որևէ կերպ՝ որպես սիրող կամ պրոֆեսիոնալ, առնչություն ունենալ այդ մեծ արվեստի հետ»,- նշել է նախարարի տեղակալը՝ կարևորելով կերպարվեստի, քանդակագործության, վիզուալ արվեստի դերն ու ազդեցությունը թատերական ոլորտի զարգացման գործում ևս:
Նշենք, որ Գեղարվեստի ակադեմիայի հոբելյանի կապակցությամբ բուհում բացվել է ուսանողների աշխատանքների ցուցահանդես:
23:00 08.07.2025
Սալիվանը բացահայտել է Բայդենի վարչակազմի հիմնական նպատակները Ուկրաինայի հակամարտության մեջԱՄՆ ազգային անվտանգության նախկին խորհրդական Ջեյք Սալիվանը հերքել է այն պնդումները, որ Ջո Բայդենի վարչակազմը կենտրոնացած է Ուկրաինայում հակամարտության սրման վերահսկման վրա, և ասել է, որ գլխավոր խնդիրը Կիևին զենք մատակարարելն է։ Նա այս մասին ասել է «Օբշչեստվեննի»-ին տված հարցազրույցում։ Սալիվանը «ամբողջովին մերժեց» այն պնդումները, որ Բայդենի նախագահության ընթացքում Վաշինգտոնի հիմնական ռազմավարությունը «էսկալացիայի կառավարումն» էր։ […] ...
22:50 08.07.2025
The Times of Israel. Նեթանյահուն և Թրամփը երկրորդ հանդիպումը կունենան երեկոյանԱՄՆ այցելած Իսրայելի վարչապետ Բենիամին Նեթանյահուն և ԱՄՆ նախագահ Դոնալդ Թրամփը օրվա ընթացքում ևս մեկ հանդիպում կանցկացնեն, հաղորդում է The Times of Israel-ը։ Նեթանյահուի գրասենյակի նրա աղբյուրի խոսքով՝ հանդիպումը նախատեսված է հուլիսի 8-ի երեկոյան։ Նեթանյահուն Վաշինգտոն է ժամանել հուլիսի 7-ին։ Այդ երեկոյան նա իր առաջին հանդիպումն է ունեցել Թրամփի հետ։ Ինչպես նշում է The Times […] ...
22:40 08.07.2025
«Գաֆեսճեան» քանդակների պուրակում նախատեսվում է բացօթյա համերգ՝ կիթառահարների մասնակցությամբԿենտրոն վարչական շրջանի ղեկավարի աշխատակազմի և Play2festival-ի գործակցությամբ հուլիսի 11-ին՝ ժամը 19:00-ին, «Գաֆեսճեան» քանդակների պուրակում («Կասկադ») նախատեսվում է բացօթյա համերգ՝ 8-22 տարեկան շուրջ 70 կիթառահարների մասնակցությամբ, այս մասին տեղեկացնում են Երևանի քաղաքապետարանից։ «Հայաստանում երրորդ տարին անցկացվող Երիտասարդական Կիթառի փառատոնի մասնակիցները՝ Երևանի տարբեր արվեստի դպրոցների սաներ են: Այս տարի երևանցի կիթառահարները հանդես կգան աշխարհահռչակ դասական կիթառահար, […] ...
22:33 08.07.2025
Մակրոնը Պաղեստինի ճանաչումը համարել է Մերձավոր Արևելքում խաղաղության հասնելու միակ ուղինՖրանսիայի նախագահ Էմանուել Մակրոնը կարծում է, որ Պաղեստինի պետության ճանաչումը Մերձավոր Արևելքում խաղաղության հասնելու միակ միջոցն է։ «Մենք համատեղ աշխատում ենք Պաղեստինի պետությունը ճանաչելու ուղղությամբ։ Այս քաղաքական լուծման ընդունումը խաղաղության միակ ճանապարհն է», – ասել է Մակրոնը բրիտանական խորհրդարանում ունեցած ելույթում։ Նրա խոսքով՝ անհրաժեշտ է նաև հրադադարի հասնել Գազայի հատվածում։ «Անվերջ պատերազմը՝ առանց ռազմավարական նպատակի, […] ...
22:26 08.07.2025
Ավտոմեքենան դուրս է եկել երթևեկելի հատվածից և բախվել կամրջի հենասյուներին․ կա երկու տուժածՀուլիսի 8-ին, ժամը 18:16-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Այգավան գյուղի կամրջի մոտակայքում տեղի է ունեցել ՃՏՊ․ կան տուժածներ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ «lexus» մակնիշի ավտոմեքենան դուրս է եկել ճանապարհի երթևեկելի հատվածից և բախվել կամրջի հենասյուներին։ […] ...
22:22 08.07.2025
Brent նավթի գինը գերազանցել է մեկ բարելի համար 70 դոլարըԼոնդոնի միջմայրցամաքային բորսայում (ICE) այս տարվա սեպտեմբերին Brent նավթի ֆյուչերսների գինը հունիսի 24-ից ի վեր առաջին անգամ գերազանցել է մեկ բարելի համար 70 դոլարը, հաղորդում է «ՌԻԱ Նովոստի»-ն։ Մոսկվայի ժամանակով 18:27-ի դրությամբ նավթի գինը արագացրել է իր աճը 0.56%-ով՝ հասնելով մեկ բարելի համար 69.97 դոլարի: Նշվում է նաև, որ WTI-ում նավթի ֆյուչերսների գինը այս տարվա […] ...
