18:27 13.11.2021
Գերմանական KFW բանկի ջրամատակարարման ցանցի նորացման ծրագրով 7 ամսում Անի թաղամասում կառուցվել է 22 կմ երկարության նոր խողովակաշար։ 30 տարվա հին ու կոռոզիայի ենթարկված մետաղյա խողովակները չեն ապամոնտաժել, նորն անցկացնում են դրանց զուգահեռ:
«Աշխատանքները մեկնարկել են ապրիլի 19-ից, մենք բաշխիչ ցանցի աշխատանքները գրեթե ավարտել ենք։ Երևի մի 200 մետր տեղ է մնացել, որը որ նախագծով բացթողում է եղել, բայց դրա փոխարինման անհրաժեշտությունը կար, հիմա այդ աշխատանքներն ենք կատարում,-նշել է «Դորոժնիկ» ՍՊԸ ներկայացուցիչ Գագիկ Կարապետյանը։
Աշխատանքներին խանգարում են 90-ականներին՝ թաղամասի կառուցման ժամանակ անցկացված ստորգետնյա կոմունիկացիաները: Դրանց մեծ մասը չի շահագործվում, բայց վթարների պատճառ են դառնում, հետն էլ ջրաշինարարի համար լրացուցիչ աշխատանքի բարդություններ են ստեղծում։
Որոշ շենքերի մոտ կառուցվել են մոտ 60 նոր դիտահորեր և ջրաբաշխիչ կետեր: Դիտահորերի բետոնյա սալերը արտաքինից մեկուսացնում են բիտումային շերտով: Նոր ջրացանցի կառուցումը թույլ կտա խմելու ջրի կորուստները նվազեցնել։ Այն շենքերում, որոնց 4-րդ և 5-րդ հարկերին խմելու ջուր հասել է պոմպերով, ցանցի նորացումից հետո ջրամատակարարում կապահովվի ինքնահոս եղանակով:
Ջրամատակարարման նոր ցանցի կառուցումը ամբողջությամբ կավարտեն այս ամսեվերջին, բայց ջրագծերի շահագործումը կմնա հաջորդ տարի, այսինքն՝ Անի թաղամասի ջրամատակարարումը մինչև 2022 թվականի գարունը հին ցանցով է լինելու ։
Ջրացանցի կառուցմանը զուգահեռ որոշ փողոցներում ընթացիկ բարեկարգումներ են գնում ՝ խիտ բնակեցված թաղամասի բնակիչների անցուդարձը և մեքենաների երթևեկը ձմռան ընթացքում ապահովելու համար։ Փորված ու հետլիցք արված խրամուղիների հողային շերտն արդեն մեքենաների անիվների տակ ամրացել է:
Փողոցներում և նրբանցքներում այժմ հարթեցման ու խճապատման աշխատանքներ են: Ջրաշինարարի հետ այս պայմանագրային պարտավորությունը կիսում է քաղաքապետարանի կոմունալ ծառայությունը։
«Ջրաշինարարն իր կողմից առաջացրած անհարթությունները, խողովակաշարի փորման տեղերը պարտավորվել էր խճապատել, հարթեցնել, բերել նախնական տեսքի։ Հանդիպեցինք ջրաշինարարի հետ, ձեռք բերվեց պայմանավորվածություն համատեղ ուժերով՝ ջրաշինարար և կոմունալ ծառայություն, ամբողջ թաղամասում կատարել խճապատման և հարթեցման աշխատանքներ։ Մենք մեր կողմից տեխնիկական միջոցներ ենք տրամադրել, իրենք էլ իրենց կողմից շինանյութը»,- նշել է Գյումրիի քաղաքապետարանի Կոմունալ ծառայության պետի ԺՊ Արման Շաբոյանը։
Հարթեցումներն ու խճապատումները, որոնք ընդամենը ժամանակավոր անցանելի պահելու համար են արվում, թաղամասում կավարտվեն գրեթե միաժամանակ։ Իսկ կապիտալ ասֆալտապատումը ՎԶԵԲ-ի ծրագրով, որն հետաձգվում է արդեն երկու տարի, կմեկնարկի 2022-ին, երբ նոր ջրացանցը ամբողջությամբ փորձարկումն անցած կլինի և կհանձնվի շահագործման։
23:59 05.08.2025
Հայտնի է, թե ովքեր Հայաստանից կմասնակցեն Եվրոպայի պատանիների արագ և կայծակնային շախմատի առաջնությանըՕգոստոսի 5-ից 7-ը Հունաստանի Սալոնիկ քաղաքում կանցկացվի 2025 թվականի Եվրոպայի պատանիների արագ և կայծակնային շախմատի առաջնությունը: Այս մասին հայտնել են Հայաստանի շախմատի ֆեդերացիայից: Հայաստանից մասնակցում են 26 շախմատիստներ. Դավիթ Ալեքսանյան՝ մինչև 18 տարեկան Ալլեն Հակոբյան՝ մինչև 18 տարեկան Վաչե Հովակիմյան՝ մինչև 16 տարեկան Վալտեր Գյուրջինյան՝ մինչև 16 տարեկան Մանվել Առաքելյան՝ մինչև 14 տարեկան Ալեքսանդր Ավանեսյան՝ […] ...
23:53 05.08.2025
JPost. Իսրայելը օգոստոսի 7-ին կքննարկի ամբողջ Գազայի «զինվորական գրավման» հարցըԻսրայելի անվտանգության կաբինետը օգոստոսի 7-ին կհավաքվի՝ քննարկելու ամբողջ Գազայի հատվածի «լիակատար ռազմական գրավումը», այդ թվում՝ այն տարածքների, որտեղ կարող են պատանդներ պահվել, հաղորդում է The Jerusalem Post-ը՝ առանց աղբյուրներին հղում անելու։ Ըստ թերթի՝ անվտանգության կաբինետը հրավիրելու որոշումը կայացվել է վարչապետ Բենիամին Նեթանյահուի և պաշտպանության նախարար Իսրայել Կացի և շտաբի պետ Էյալ Զամիրի միջև անցկացված փակ […] ...
23:43 05.08.2025
Պետդեպարտամենտը հաստատում է, որ Ուիտկոֆն այս շաբաթ կմեկնի ՌուսաստանԱՄՆ Պետդեպարտամենտը հաստատել է, որ ԱՄՆ նախագահի հատուկ բանագնաց Սթիվ Ուիտկոֆը այս շաբաթ կայցելի Ռուսաստան, սակայն հրաժարվել է բացահայտել օրակարգը։ «Նախևառաջ, նախագահն (խմբ. ԱՄՆ Դոնալդ Թրամփը) անկասկած նշել է, որ հատուկ բանագնաց Ուիտկոֆը այս շաբաթ կմեկնի Ռուսաստան։ Մենք կարող ենք դա հաստատել։ Ես ձեզ համար որևէ մանրամասներ չունեմ այն մասին, թե ինչ է դա ներառելու», […] ...
23:35 05.08.2025
Երևանում շարունակվում է զավթված հողերը քաղաքին և երևանցիներին վերադարձնելու գործընթացըՀանրային տարածքը պետք է ծառայի հանրությանը: Երևանի բոլոր վարչական շրջաններում շարունակվում է զավթված հողերը քաղաքին և երևանցիներին վերադարձնելու գործընթացը: Այս մասին հայտնել են Երևանի քաղաքապետարանից: Աջափնյակ վարչական շրջանում ապամոնտաժվել է Ֆուչիկի փողոց 1-ին նրբ. հ 5/5 հասցեին կից ինքնակամ շինությունը, Դավթաշեն վարչական շրջանում ապամոնտաժվել է 1-ին թաղամասի հ. 32 շենքին կից ինքնակամ շինությունը, Նոր Նորք […] ...
23:22 05.08.2025
Մետրոյի «Երիտասարդական» կայարանի շենքը՝ արդիականացված գեղարվեստական լուսավորությամբ․ ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում տեսանյութ է հրապարակել, որի կից գրել է․ «Մետրոյի «Երիտասարդական» կայարանի շենքը՝ արդիականացված գեղարվեստական լուսավորությամբ»։ Մանրամասները՝ տեսանյութում: ...
23:13 05.08.2025
Տավուշի մարզում բախվել են «Opel»-ը և «ՎԱԶ 21-07»-ը․ ընտանիքի 7 անդամներ, որոնցից 4 երեխաներ են, տեղափոխվել են հիվանդանոցՕգոստոսի 5-ին, ավտովթար է տեղի ունեցել Տավուշի մարզում։ Ժամը 14:30-ի սահմաններում Նոյեմբերյան–Բագրատաշեն ավտոճանապարհի Բերդավան բնակավայրի վարչական տարածքում բախվել են «Opel» և «ՎԱԶ 21-07» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 7 հոգի, որոնցից 4-ը անչափահասներ են, մարմնական վնասվածքներով տեղափոխվել են Նոյեմբերյանի բժշկական կենտրոն։ Վիրավորներին առաջին օգնության են հասել քաղաքացիները, և ըստ քաղաքացիների հայտնածի՝ օպերատիվ […] ...
