15:42 18.11.2021
Նոյեմբերի 17-ին նախարար Վահան Քերոբյանը մասնակցել է «Ինտեգրման զարգացումը Եվրասիական տնտեսական միության շրջանակներում անդամ երկրների քաղաքացիների համար» թեմայով միջազգային պանելային քննարկմանը։ Հանդիպմանը մասնակցել են նաև նախարարի տեղակալ Նարեկ Տերյանը, Եվրասիական տնտեսական հանձնաժողովի և ԵԱՏՄ անդամ երկրների ներկայացուցիչները, Հայ-ռուսական համալսարանի դասախոսապրոֆեսորական կազմն ու ուսանողները։
Պանելային քննարկման ընթացքում խոսվել է մի շարք հարցերի շուրջ, որոնք վերաբերում են հատկապես ԵԱՏՄ ինտեգրման ավանդական և նոր ոլորտներին, զարգացման հեռանկարներին։ Քննարկում է ընթացել նաև ԵԱՏՄ անդամ պետությունների ղեկավարների կողմից ընդունված «Մինչև 2025թ․ Եվրասիական տնտեսական ինտեգրման զարգացման ռազմավարական ուղղությունների» (Ռազմավարություն 2025) շուրջ, որի իրագործման աշխատանքներն արդեն սկսվել են։ Եվրասիական տնտեսական ինտեգրման զարգացման հիմնական նպատակը տվյալ երկրների քաղաքացիների կյանքի և գործարար միջավայրի բարելավումն է։
Վահան Քերոբյանն իր ողջույնի խոսքում առանձնահատուկ կարևորել է նման լայնաֆորմատ քննարկումները և նշել․ «Պետք է ընդունել, որ ԵԱՏՄ համագործակցության տիրույթից ավելի մեծ են սպասելիքները, քան ձեռքբերումները։ Առևտրատնտեսական հարաբերությունների ակտիվացմանը զուգահեռ հարկավոր է քայլեր ձեռնարկել նաև կյանքի կոչելու այն գիտատեխնիկական ներուժը, որն առկա էր Խորհրդային Հայաստանում։ Մեծ կամքի և աշխատանքի արդյունքում կարող ենք հետ բերել առնվազն դրա մի մասը»։
Համալսարանի պրոֆեսորադասախոսական կազմի ներկայացուցիչներն իրենց ելույթներում հատուկ ընդգծել են միության անդամ երկրների օրենսդրական դաշտերին խորությամբ տիրապետելու, համապատասխան փորձագիտական խմբեր կազմելու անհրաժեշտությունը։
Միջոցառումը կազմակերպել է Հայ-ռուսական համալսարանը՝ Եվրասիական տնտեսական հանձնաժողովի հետ համատեղ։
12:47 09.07.2025
Ի՞նչ անել, եթե անշարժ գույք եք հանձնել վարձակալության
23:00 09.07.2025
Սենսացիոն պաշտոնանկություն Ֆորմուլա 1-ումՔրիստիան Հորները հեռացվել է «Ռեդ Բուլի» գործադիր տնօրենի ու թիմի ղեկավարի պաշտոնից։ Այս մասին տեղեկացնում է ավստրիական կոնցեռնի մամուլի ծառայությունը։ «Ռեդ Բուլի» ղեկավարի պաշտոնը ստանձնել է Լորան Մեկիսը։ Նա այդ պաշտոնը զբաղեցրել է նաև «Ռեյսինգ Բուլզում»։ Հորները «Ռեդ Բուլում» աշխատում էր 2005 թվականից։ Նրա գլխավորությամբ ավստրիական թիմը 6 անգամ հաղթել է Կոնստրուկտորների գավաթը։ ...
22:50 09.07.2025
Անիի Մայր տաճարը Թուրքիայի իշխանությունները մտադիր են վերածել մզկիթիԹուրքիայի մշակույթի նախարարությունը որևէ կերպ չի մեկնաբանում մամուլ թափանցած տեղեկություններն այն մասին, որ Անիի Մայր տաճարը վերանորոգումից հետո ծառայելու է որպես մզկիթ: Նախարարությունը չի հաստատել այդ տեղեկությունները, բայց չի էլ հերքել: Ինչի՞ց սկսվեցին տարածվել այդ լուրերը: Թեմային «Հորիզոնի» տաղավարում անդրադարձել է Արտյոմ Երկանյանը։ «2012թ.-ին Հուշարձանների պաշտպանության միջազգային կազմակերպության գլխավոր ասամբլեայում ընդունվեց բանաձև՝ ուղղված Թուրքիային: Բանաձևը […] ...
22:45 09.07.2025
Արդյունավետ հանդիպում ունեցա ԱՄԷ նախագահի հետ․ ՓաշինյանՀՀ վարչապետ Նիկոլ Փաշինյանը Ֆեյսբուքի իր էջում գրել է, որ արդյունավետ հանդիպում է ունեցել ԱՄԷ նախագահ, շեյխ Մուհամմադ բին Զայեդ Ալ Նահյանի հետ։ Գրառմանը կից վարչապետը տեսանյութ է ներկայացրել։ Ավելի վաղ հայտնել էինք, որ Փաշինյանն աշխատանքային այցով ժամանել է Արաբական Միացյալ Էմիրություններ: Աբու Դաբիի միջազգային օդանավակայանում ՀՀ վարչապետին դիմավորել է ԱՄԷ փոխվարչապետ, Արտաքին գործերի նախարար […] ...
22:38 09.07.2025
Հուսով եմ՝ ԵՄ անդամակցության շուրջ բանակցությունները կսկսվեն մոտ ապագայում․ Իտալիայի նախագահը՝ ԶելենսկունՈւկրաինայի ԵՄ-ին անդամակցության վերաբերյալ բանակցությունները կսկսվեն մոտ ապագայում, Իտալիան կաջակցի այս որոշմանը, չորեքշաբթի օրը հայտարարել է հանրապետության նախագահ Սերջիո Մատարելան։ «Հուսով եմ, որ այս թեմայի շուրջ բանակցությունները կսկսվեն մոտ ապագայում», – իտալական La Repubblica թերթի հաղորդմամբ՝ ասել է Մատարելան Ուկրաինայի նախագահ Վլադիմիր Զելենսկու հետ հանդիպման ժամանակ։ Մատարելան, հղում անելով ՆԱՏՕ-ի վերջին գագաթնաժողովի եզրափակիչ հայտարարությանը, կրկին […] ...
22:25 09.07.2025
«Արարատ-Արմենիան» հաղթել է վրացական «Թելավիին»«Արարատ-Արմենիան» ընկերական խաղում 4-2 հաշվով հաղթել է Վրաստանի բարձրագույն խմբում հանդես եկող «Թելավիին»։ Տուլիպայի գլխավորած թիմից գոլերը խփել են Ժոաու Լիման, Մեթյու Գբոմադուն, Միսակ Հակոբյանն ու Էդգար Գրիգորյանը։ Այս խաղով «Արարատ-Արմենիան» ավարտել է ուսումնամարզական հավաքը Վրաստանում։ Ակումբի հաջորդ հանդիպումը նախատեսված է հուլիսի 24-ին։ Կոնֆերենցիաների լիգայի որակավորման երկրորդ փուլի առաջին խաղում Երևանում «Արարատ-Արմենիան» կմրցի ռումինական «Ունիվերսիտատեա […] ...
22:10 09.07.2025
Եվրախորհրդարանը Վրաստանն անվանել է «անօրինական ռեժիմի կողմից գերեվարված երկիր»Եվրոպական խորհրդարանը հաստատել է Վրաստանի վերաբերյալ կոշտ զեկույցը, որը մերժում է ներկայիս միակուսակցական խորհրդարանի և Վրաստանի նախագահի լեգիտիմությունը՝ այն անվանելով «Վրացական երազանքի անօրինական ռեժիմի կողմից գերեվարված պետություն»։ Փաստաթուղթը հաստատվել է չորեքշաբթի՝ հուլիսի 9-ին, 490 կողմ, 147 դեմ և 49 ձեռնպահ ձայների հարաբերակցությամբ։ Եվրախորհրդարանը կոչ է անում Վրաստանին անցկացնել նոր ընտրություններ։ ...
