10:04 22.11.2021
Ավստրիայում այսօրվանից համազգային լոքդաուն է հայտարարվել։ Երեք շաբաթով փակվել են գրեթե բոլոր խանութները, բացի մթերայիններից, հաղորդում է BBC-ն։ Ավստրիացիներն աշխատելու են տնից։ Առանց հարգելի պատճառի տնից դուրս գալն արգելվում է, իսկ ծնողներին խորհուրդ են տվել երեխաներին տանը պահել՝ չնայած մանկապարտեզներն աշխատում են։
Այս սահմանափակումները կշարունակվեն մինչև դեկտեմբերի կեսը։ Դրանից հետո իշխանությունները կարող են պահպանել սահմանափակումները միայն նրանց համար, ովքեր չեն պատվաստվել կորոնավիրուսի դեմ։
Ընդհանուր առմամբ, Եվրոպայում կորոնավիրուսի տարածման տեմպերը կտրուկ աճել է։ Առողջապահության համաշխարհային կազմակերպության եվրոպական տարածաշրջանային տնօրեն Հանս Կլյուգեն հայտնել է, որ եթե ամբողջ Եվրոպայում չխստացվեն սահմանափակումները, ինչպիսին են օրինակ՝ պատվաստումները, դիմակ կրելը և քովիդային անցագրերի կիրառումը, ապա մինչև հաջորդ գարուն ևս կես միլիոն մարդ կարող է մահանալ կորոնավիրուսից։
Անցյալ շաբաթ Ավստրիան դարձավ եվրոպական առաջին երկիրը, որը կորոնավիրուսի դեմ պատվաստումը դարձրեց պարտադիր։ Օրենքը ուժի մեջ կմտնի փետրվարին։ Հարևան Գերմանիայում քաղաքական գործիչները քննարկում են նմանատիպ միջոցառումներ ձեռնարկելու հնարավորությունը, քանի որ ինտենսիվ թերապիայի բաժանմունքներում արդեն տեղ չկա, իսկ վիրուսի նոր դեպքերն օրեցօր թարմացնում են հակառեկորդը։
Եվրոպական տարբեր երկրներ խստացրել են սահմանափակումները։ Սա բողոքի մեծ ալիք է բարձրացրել ամբողջ Եվրոպայում։ Բրյուսելում ցույցի է դուրս եկել շուրջ 35 հազար մարդ։ Ցուցարարները ոստիկանների վրա հրավառ նյութեր են նետել, վերջիններս էլ արցունքաբեր գազ և ջրցան մեքենաներ են կիրառել։
Նիդերլանդներում ևս զանգվածային ցույցեր են անցկացվել, որոնք ուղեկցվել են բախումներով։ Հաագայում արտակարգ դրություն է հայտարարվել։
Բողոքի ակցիաներ են անցկացվել նաև Խորվաթիայում, Ավստրիայում, Իտալիայում, Հյուսիային Մակեդոնիայում, Գուադելուպե կղզում։
15:40 16.07.2025
Ստամբուլի ընդդիմադիր քաղաքապետը դատապարտվել է 1 տարի 8 ամսվա ազատազրկմանՍտամբուլի դատարանը ընդդիմադիր քաղաքապետ Էքրեմ Իմամօղլուին դատապարտել է 1 տարի 8 ամսվա ազատազրկման։ Այս մասին հայտնում է Habertürk-ը։ Դատարանի վճիռը կբողոքարկվի,հայտնել են պաշտպանները։ Դատարանի որոշումը չի նախատեսում քաղաքական գործունեության արգելք։ Իմամօղլուի դեմ գործը հարուցվել է հունվարի վերջին, երբ նա կոշտ արտահայտություններ է արել Ստամբուլի դատախազ Ակին Գյուրլեքի հասցեին, ինչը դատախազությունը համարել է պաշտոնյայի նկատմամբ վիրավորանք: ...
15:31 16.07.2025
Ավելի հավանական է, որ Հայաստանը դուրս կգա ՀԱՊԿ-ից․ ՓաշինյանՎարչապետ Նիկոլ Փաշինյանն ավելի հավանական է համարում, որ Հայաստանը դուրս կգա Հավաքական անվտանգության պայմանագրի կազմակերպությունից, քան կապասառեցնի իր անդամակցությունն այդ կազմակերպությանը։ Այս մասին նա հայտարարել է այսօրվա ասուլիսի ընթացքում։ «Ավելի հավանական է, որ Հայաստանը ՀԱՊԿ-ից դուրս կգա, քան կապասառեցնի իր անդամակցությունն այդ կազմակերպությանը»,- նշել է Փաշինյանը։ ...
15:24 16.07.2025
ՃՏՊ Աշտարակ-Երևան ավտոճանապարհինՀուլիսի 16-ին, ժամը 12:48-ին Ճգնաժամային կառավարման ազգային կենտրոն ահազանգ է ստացվել, որ Աշտարակ-Երևան ավտոճանապարհին տեղի է ունեցել ՃՏՊ՝ բախվել են ավտոմեքենաներ․ կան տուժածներ։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ բախվել են «Mercedes-Benz», «Chevrolet», «VAZ» մակնիշների ավտոմեքենաները և «Howo» մակնիշի բեռնատարը։ Փրկարարները սահմանազատել են տարածքը, […] ...
15:16 16.07.2025
Դավիթ Խուդաթյանը համայնքապետարանի աշխատակազմին է ներկայացրել Վաղարշապատ համայնքի ղեկավարի պաշտոնակատարինՀՀ ՏԿԵ նախարար Դավիթ Խուդաթյանը համայնքապետարանի աշխատակազմին է ներկայացրել Վաղարշապատ համայնքի ղեկավարի պաշտոնակատար Արգիշտի Մեխակյանին։ Արգիշտի Մեխակյանը Վաղարշապատ համայնքի ղեկավարի պաշտոնակատար է նշանակվել նախօրեին՝ ՀՀ վարչապետ Նիկոլ Փաշինյանի որոշմամբ։ Տարածքային կառավարման եւ ենթակառուցվածքների նախարարը վստահություն է հայտնել, որ համայնքային աշխատանքում պարոն Մեխակյանի բազմամյա փորձն ու կուտակած գիտելիքները կնպաստեն համայնքի զարգացմանը։ Արգիշտի Մեխակյանը շնորհակալություն է հայտնել […] ...
15:09 16.07.2025
Մալաթիա-Սեբաստիա վարչական շրջանում գործարկվելու են էլեկտրական շչակներՀուլիսի 17-ին՝ ժամը 10:30-ից մինչև 14:30-ն ընկած ժամանակահատվածում, Երևանի Մալաթիա-Սեբաստիա վարչական շրջանի Շերամի, Տիչինայի, Դանիել Վարուժանի, Սեբաստիայի, ինչպես նաև Հաղթանակ թաղամասի 1-ին փողոցների և Իսակովի պողոտայի մի շարք հասցեներում գործարկվելու են էլեկտրական շչակներ։ ...
