19:33 07.12.2021
33 տարում Գյումրիում ավելի շատ բնակարան է կառուցվել, քան ավերվել է։ Կորցրած բնակֆոնդի վերականգնումով, սակայն, վերջակետ չի դրվել անօթևանության խնդրի լուծմանը։ 33 տարում չստացվեց ձերբազատվել տնակներից, տնակային կենցաղից, տնակային հոգեբանությունից։
Այժմ եղած մոտ 2800 տնակների բնակիչների կարգավիճակն ավելի մտահոգիչ է։ Ընտանիքներ են, որոնք տարիների ընթացքում մեծացել են, դարձել բազմանդամ, մի մասը գնացել է, մյուսը՝ մնացել տնակում՝ առանց անօթևանի կարգավիճակի, բայց փաստացի անօթևան։
33 տարի տնակներում ապրող ընտանիքների համար ձմեռները նույն կենցաղով են անցնում։ 63-ամյա Գեղամ Իսրայելյանը կյանքի կեսն անցկացրել է թիթեղյա տնակում: Երիտասարդության տարիներն անցել են Կոշտոյան թաղամասում, մինչ երկրաշարժը ապրում էին երեք սենյականոց հարմարավետ բնակարանում։ 88-ի աղետը փոխեց ամեն ինչ իր կյանքում։ Կնոջ մահից հետո միայնակ ապրող տղամարդու համար օրը սկսվում է վառելափայտ հայթայթելով՝ քայքայված տնակը մի կերպ տաքացնելով։
«Արդեն երկար տարիներ է՝ ըստեղ կապրինք, փայտով է, էլ ուրիշ ձև չկա տաքացնելու։ Փետն էլ ըստեղից-ընտեղից ու ըդպես յոլա կերթանք»,- ասում է Գեղամ Իսրայելյանը։
«Ամենքը իրանով ինչղ կրնար, ըդպես էլ սարքեց՝ ո՛չ պրոյեկտ կար, ո՛չ բան, էկանք էստեղ ու սկսեցինք սարքել, ով ուրդեղ կրնար, մենք էլ ստեղ մեր դոմիկը սարքեցինք, արդեն 33 տարի է՝ ստեղ կապրինք»,- պատմում է տնակային թաղամասի բնակիչ Արմենակ Մալխասյանը։
Արմենակ Մալխասյանը մասնագիտությամբ շինարար է: Ամբողջ կյանքն աշխատել է Լենինականի տարբեր շինընկերություններում, բազմաթիվ շենքեր է կառուցել, բայց արդեն 33 տարի է՝ իր սեփական տունը չունի։ Վեց անձից բաղկացած ընտանիքը ապրում է ինքնաշեն փայտե տնակներում: Ավտոկայանի տարածքը «Լենշին»-ի հաշվեկշռում էր, հենց այստեղ տեղադրվեցին Լենինական հասած առաջին 270 տնակները, որոնց բնակիչները դարձան հենց շինարարների ընտանիքները։
«Իմ 18 տարեկանս ստեղ է լրացել՝ էս դոմիկի մեջ։ Երեխեքս ստեղ են ծնվել, թոռնիկս՝ նույնպես։ Արդեն չեմ պատկերացնե, որ մենք բնակարան կունենանք։ Կուզեի, որ գոնե իմ երեխեքս տան մեջ ապրեին»,- ասում է Աննա Մալխասյանը։
Քաղաքից դուրս քաղաք կառուցելու ծրագրի մեկնարկը եղավ 58՝ Անի թաղամասը։ Կառուցման գործում ներգրավված էին 38 շինկազմակերպություններ՝ ԽՍՀՄ հանրապետություններից: Սովետմիության երկրների շինարարներն աշխատեցին մինչև 1993 թվականը։ Եվ 2 տարում մեծ քաղաք կառուցելու նախագիծը անավարտ մնաց:
«Ռուսները երկու տարի էլ եթե մնային, էլ մենք բնակարանային խնդիր չէինք ունենա, մի հատ էլ 58 թաղամասի պես թաղամաս կկառուցեին, շատ արագ էին իրենք կառուցում։ Որ գնացին, մոտ 240 կռաններ էդպես կանգնած մնացին, մարդիկ իրենց տեխնիկան լրիվ թողեցին ստեղ, որից հետո դրանք թալանվեցին»,- պատմում է 2001-2006 թվականներին Շիրակի մարզպետարանի քաղաքաշինության վարչության պետ Արտաշես Սարգսյանը։
Այնուհետև քաղաքում և ընդհանրապես աղետի գոտում քաղաքաշինական բոլոր ծրագրերը կանգ առան մինչև 2001 թվականը, որից հետո՝ 2001- 2006 թվականներին, Գյումրիում սկսվեց ծավալվել մեծ շինարարություն։ Միայն 5 տարում կառուցվեց 1508 նոր բնակարան, ամրացվեց՝ 3000-ը։
Հաջորդած տարիներին բնակարանաշինություն ծավալվեց նաև Մուշ թաղամասում, որը մինչ այդ համարվում էր անհեռանկարային։ Ի դեպ, այդ թաղամասն էլ մեկն էր եղածներից, որ անավարտ էր մնացել 90-ականներից։ Արդյունքում՝ քաղաքում կառուցվեց ավելի շատ բնակֆոնդ, քան ավերվել էր երկրաշարժի ժամանակ: Ավերվել էր 21 հազար 500 բնակարան, 33 տարում կառուցվել է 23 հազարը։
23:59 05.08.2025
Հայտնի է, թե ովքեր Հայաստանից կմասնակցեն Եվրոպայի պատանիների արագ և կայծակնային շախմատի առաջնությանըՕգոստոսի 5-ից 7-ը Հունաստանի Սալոնիկ քաղաքում կանցկացվի 2025 թվականի Եվրոպայի պատանիների արագ և կայծակնային շախմատի առաջնությունը: Այս մասին հայտնել են Հայաստանի շախմատի ֆեդերացիայից: Հայաստանից մասնակցում են 26 շախմատիստներ. Դավիթ Ալեքսանյան՝ մինչև 18 տարեկան Ալլեն Հակոբյան՝ մինչև 18 տարեկան Վաչե Հովակիմյան՝ մինչև 16 տարեկան Վալտեր Գյուրջինյան՝ մինչև 16 տարեկան Մանվել Առաքելյան՝ մինչև 14 տարեկան Ալեքսանդր Ավանեսյան՝ […] ...
23:53 05.08.2025
JPost. Իսրայելը օգոստոսի 7-ին կքննարկի ամբողջ Գազայի «զինվորական գրավման» հարցըԻսրայելի անվտանգության կաբինետը օգոստոսի 7-ին կհավաքվի՝ քննարկելու ամբողջ Գազայի հատվածի «լիակատար ռազմական գրավումը», այդ թվում՝ այն տարածքների, որտեղ կարող են պատանդներ պահվել, հաղորդում է The Jerusalem Post-ը՝ առանց աղբյուրներին հղում անելու։ Ըստ թերթի՝ անվտանգության կաբինետը հրավիրելու որոշումը կայացվել է վարչապետ Բենիամին Նեթանյահուի և պաշտպանության նախարար Իսրայել Կացի և շտաբի պետ Էյալ Զամիրի միջև անցկացված փակ […] ...
23:43 05.08.2025
Պետդեպարտամենտը հաստատում է, որ Ուիտկոֆն այս շաբաթ կմեկնի ՌուսաստանԱՄՆ Պետդեպարտամենտը հաստատել է, որ ԱՄՆ նախագահի հատուկ բանագնաց Սթիվ Ուիտկոֆը այս շաբաթ կայցելի Ռուսաստան, սակայն հրաժարվել է բացահայտել օրակարգը։ «Նախևառաջ, նախագահն (խմբ. ԱՄՆ Դոնալդ Թրամփը) անկասկած նշել է, որ հատուկ բանագնաց Ուիտկոֆը այս շաբաթ կմեկնի Ռուսաստան։ Մենք կարող ենք դա հաստատել։ Ես ձեզ համար որևէ մանրամասներ չունեմ այն մասին, թե ինչ է դա ներառելու», […] ...
23:35 05.08.2025
Երևանում շարունակվում է զավթված հողերը քաղաքին և երևանցիներին վերադարձնելու գործընթացըՀանրային տարածքը պետք է ծառայի հանրությանը: Երևանի բոլոր վարչական շրջաններում շարունակվում է զավթված հողերը քաղաքին և երևանցիներին վերադարձնելու գործընթացը: Այս մասին հայտնել են Երևանի քաղաքապետարանից: Աջափնյակ վարչական շրջանում ապամոնտաժվել է Ֆուչիկի փողոց 1-ին նրբ. հ 5/5 հասցեին կից ինքնակամ շինությունը, Դավթաշեն վարչական շրջանում ապամոնտաժվել է 1-ին թաղամասի հ. 32 շենքին կից ինքնակամ շինությունը, Նոր Նորք […] ...
23:22 05.08.2025
Մետրոյի «Երիտասարդական» կայարանի շենքը՝ արդիականացված գեղարվեստական լուսավորությամբ․ ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում տեսանյութ է հրապարակել, որի կից գրել է․ «Մետրոյի «Երիտասարդական» կայարանի շենքը՝ արդիականացված գեղարվեստական լուսավորությամբ»։ Մանրամասները՝ տեսանյութում: ...
23:13 05.08.2025
Տավուշի մարզում բախվել են «Opel»-ը և «ՎԱԶ 21-07»-ը․ ընտանիքի 7 անդամներ, որոնցից 4 երեխաներ են, տեղափոխվել են հիվանդանոցՕգոստոսի 5-ին, ավտովթար է տեղի ունեցել Տավուշի մարզում։ Ժամը 14:30-ի սահմաններում Նոյեմբերյան–Բագրատաշեն ավտոճանապարհի Բերդավան բնակավայրի վարչական տարածքում բախվել են «Opel» և «ՎԱԶ 21-07» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 7 հոգի, որոնցից 4-ը անչափահասներ են, մարմնական վնասվածքներով տեղափոխվել են Նոյեմբերյանի բժշկական կենտրոն։ Վիրավորներին առաջին օգնության են հասել քաղաքացիները, և ըստ քաղաքացիների հայտնածի՝ օպերատիվ […] ...
