16:42 08.12.2021
Այսօր՝ դեկտեմբերի 8-ին, արտակարգ իրավիճակների նախարարությունում անցկացվել է ամենամսյա խորհրդակցություն. ամփոփվել են աշխատակազմի ստորաբաժանումների կողմից նոյեմբեր ամսվա ընթացքում իրականացված աշխատանքները:
ԱԻՆ գլխավոր քարտուղար Լիլիթ Միրզախանյանն իր զեկույցում անդրադարձել է ինչպես քաղաքացիական ստորաբաժանումների, այնպես էլ ՊՈԱԿ-ների աշխատանքներին: Ի թիվս այլ ընթացիկ հարցերի, նշվել է, որ «Տեխնիկական անվտանգության ազգային կենտրոն» ՊՈԱԿ-ը կնքել է փորձաքննության իրականացման թվով 229 պայմանագիր, 1149 ԱՎՕ-ների տրվել է փորձաքննության եզրակացություններ: Ուշադրության կենտրոնում է եղել ՊՈԱԿ-ի մասնագետների վերապատրաստման հարցը. ուսումնական կենտրոնում ուսուցանվել է տեխնիկական անվտանգության թվով 54 մասնագետ կադրեր:
Վերսկսվել են ՀՀ-ում Մեծ Բրիտանիայի և Հյուսիսային Իռլանդիայի Միացյալ Թագավորության դեսպանության կողմից ԱԻՆ աշխատակիցների համար կազմակերպվող անգլերեն լեզվի դասընթացները:
Զեկույցներով հանդես են եկել Ճգնաժամային կառավարման պետական ակադեմիայի ռեկտոր Համլետ Մաթևոսյանը, Ֆինանսատնտեսագիտական վարչության պետ Արմենուհի Մկոյանը, Իրավաբանական վարչության պետի ժամանակավոր պաշտոնակատար Մանիկ Սանթրոսյանը:
Հ. Մաթևոսյանը տեղեկացրել է ակադեմիայում կատարվող աշխատանքների և քաղաքացիական ծառայողների համար անցկացված՝ «Աղետների ռիսկի կառավարման, քաղաքականության մշակման կարողությունների զարգացում», «Ճգնաժամային կառավարում», «Աղետների հոգեբանություն», «Մարդկային ռեսուրսների կառավարում», «ՔՊ հիմնահարցեր» թեմաներով դասընթացների մասին:
Իրականացվել են փակ տարածքում ԱԹՍ-ների շահագործելու փորձեր, որոնք կիրառվելու են բարձրահարկ շենքերում հրդեհների ժամանակ նախնական ուսումնասիրությունների նպատակով: Ակադեմիայում ԱԹՍ-ները ռոբոտների վերածելու և տարատեսակ սարքերով հագեցնելու աշխատանքները շարունակվում են:
Նախարար Անդրանիկ Փիլոյանն ամփոփել է ՌԴ ԱԻ նախարարի առաջին տեղակալ Նիկոլայ Գրեչուշկինի գլխավորած պատվիրակության եռօրյա այցի ընթացքում հայկական կողմի հետ կատարված աշխատանքները:
Ստորաբաժանումների ղեկավարներին տրվել է համապատասխան հանձնարարականներ:
23:00 07.07.2025
Մեծ Բրիտանիան նոր պատժամիջոցներ է սահմանել Ռուսաստանի դեմՈւկրաինայում հակամարտության հետ կապված՝ Մեծ Բրիտանիան պատժամիջոցներ է կիրառել Ռուսաստանի զինված ուժերի ճառագայթային, քիմիական և կենսաբանական պաշտպանության զորքերի ղեկավար, գեներալ-մայոր Ալեքսեյ Ռտիշչևի և նրա տեղակալ, գեներալ-մայոր Անդրեյ Մարչենկոյի նկատմամբ, ըստ Մեծ Բրիտանիայի կառավարության կայքում թարմացված սև ցուցակի տվյալների: Սահմանափակումները ներառում են Մեծ Բրիտանիա մուտք գործելու արգելք և ակտիվների սառեցում, եթե դրանք հայտնաբերվեն։ ...
22:40 07.07.2025
Մբապեն «Ռեալի» բոլոր ժամանակների ռեկորդ է սահմանելՄադրիդի «Ռեալի» հարձակվող Կիլիան Մբապեն բացառիկ ռեկորդ է սահմանել։ Ինչպես նշում է Madrid Xtra-ն, Մբապեն «Ռեալի» պատմության առաջին խաղացողն է, որը մեկ մրցաշրջանում գոլ է խփել թիմի կազմում 6 տարբեր մրցաշարերում։ Աստղային հարձակվողը նախկինում գոլ է խփել «Ռեալի» մրցակիցների դեմ՝ Լա Լիգայում, Չեմպիոնների լիգայում, Իսպանիայի գավաթի, ՈւԵՖԱ-ի Սուպերգավաթի, Իսպանիայի Սուպերգավաթի և Միջմայրցամաքային գավաթի խաղարկություններում։ ...
22:25 07.07.2025
Տեխասում ջրհեղեղի զոհերի թիվը հասել է 89-իԱՄՆ Տեխաս նահանգում ջրհեղեղների հետևանքով զոհերի թիվը հասել է 89-ի, տասնյակ մարդիկ դեռևս անհետ կորած են համարվում, հաղորդում է CBS-ը։ Ավելի վաղ CNN-ը, հղում անելով տեղական իշխանություններին, հայտնել էր մահվան 80 դեպքի մասին։ «Տեխասում տեղի ունեցած ավերիչ ջրհեղեղներից հետո առնվազն 89 մարդ է մահացել, տասնյակներ դեռևս անհետ կորած են համարվում», – ասվում է հրապարակման մեջ։ ...
22:11 07.07.2025
Անվանվել է մոտեցող ծերացման առաջին նշանըԵրկարակեցության մասնագետ Պեդրո Աբիզանդան ասել է, որ թվացյալ անվնաս նշան կա, որը վկայում է ծերության մոտենալու մասին։ Նա դա բացահայտել է El Español-ին տված հարցազրույցում։ Աբիսանդան ասել է, որ ծերության առաջին նշանը քայլելու արագության մի փոքր նվազումն է: Նրա խոսքով՝ կան ուսումնասիրություններ, որոնք ցույց են տվել, որ նման փոփոխություններ սկսում են տեղի ունենալ 50 տարեկանից […] ...
21:57 07.07.2025
ՊՍԺ-ն ցանկանում է ձեռք բերել Մադրիդի «Ռեալի» հարձակվող ՌոդրիգոյինՊՍԺ-ն ցանկանում է ձեռք բերել Մադրիդի «Ռեալի» հարձակվող Ռոդրիգոյին, գրում է ESPN-ը։ Փարիզյան թիմը հավանական տրանսֆերի վերաբերյալ կապ է հաստատել 24-ամյա ֆուտբոլիստի հետ։ «Ռեալը» շահավետ առաջարկի դեպքում պատրաստ է բաց թողնել բրազիլացուն։ Նրա ծառայություններով հետաքրքրված են նաև «Արսենալն» ու Սաուդյան Արաբիան ներկայացնող «Ալ Նասրը»։ Ռոդրիգոն Ալոնսոյի` «Ռեալը» գլխավորելուց հետո կորցրել է տեղը մեկնարկային կազմում և […] ...
